الرد على أباطيل قبيلة النفعة من عتيبة ( المسألة الأولى )

[معلومات العضو العضوالمنتدب]

بسم الله الرحمن الرحيم

لم اسمع بهذه السالفه من قبل اللي اسمعه من الشيبان وهم يجيبون العلم ان شجاع العور هكذا نسمع غار على شبيب الحجنه وخذا مغاتيره والحجنه مثله مثل شجاع فرسان مافيهم كلام وغار الحجنه اكثر من مرره يبي يرد مغاتيره لكن شجاع العور مافيه حيله والمغاتير موجوده الان كما تفضلو الاخوان بأسم النفيعيات وبعد استتباب الامن في حكم الملك عبدالعزيز طاح الربيع علا ديار عتيبه وربَعبه شجاع العور
مع مغاتيره وعلم شبيب الحجنه ان شجاع ابن قويد حالاًً بوزانهم فسيَر عليه وعزمه وكرمه ايَما إكرام
وبينما شبيب وضيفه يتقهوون في المجلس طلَت بنت الحجنه وقالت يبوي هذا اللي خذا مغاتيرنا هالشويَب
اللي كبر الطوار قال الحجنه لبنته ايه يابنتي هاك النهار والله إنَه بعيني كبر النير وقال الفارس الحجنه
لشجاع ابيك تبيعني القعود الاوضح ياشجاع فما كان من شجاع إلاَ قالله القعود وخمس من المغاتير عطيَه لك مني ياشبيب وهذي شيم الاولين وجزالتهم المعهوده مهما يكون بينيهم من اخذ ورد وذبح وذبيح ينسونها وكن شيء لم يكن وذكر بيت من قصيده في سالفة اخذ المغاتير

انشد الحجنة شبيب علا جال الثمد**** يوم جينا بالمغاتير في عبَانها