اجتماعيه متواضعه

[معلومات العضو العضوالمنتدب]

مساء الخير للأعضاء والزوار الكرام

اشرب ياضامي لا صفن المشاريب
وابذل ورى مايرفع الراس الاسباب

وقدم عشان السمعه الطيبه طيب
وش قيمة الرجال لا صار ما طاب
بث
العمر يمضي والليالي تجاريب
والتجربه تفتح للإنسان الابواب

اهم حاجه لا تقرب من العيب
ولا تسجل حزة اللازم غياب

ولا تكبر لو تحوش المكاسيب
ترى التواضع يرفعك فوق مرقاب

وإن كان قالو عنّك النمر والذيب
مأنت بلحالك غيرك نمور وذياب

بأخلاقك اتلاقي مكانه وترحيب
وتصير لك سيره مثل نفح الاطياب

الناس تجذبها بـ حسن الاساليب
واللي بدون اسلوب ماهوب جذاب

واتعب على الطاله قبل يبدي الشيب
دامك ليا هالحين ينقال لك شاب

ولا تحب الظل دون الاصاعيب
اللي يحب الظل ماداس الاصعاب

على العموم الوقت كله تعاجيب
ولا اداني اسهب ماني احب الاسهاب

يالله عسى رايي ليا جبته مصيب
ويالله عسى حظي ليا طاب ماخاب

دون القمم عديت كل العواقيب
ولا زلت للامجاد والعز طلاب