العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 15-06-2008, 02:54 AM   #1
 
إحصائية العضو








نايف بن مسرع غير متصل

نايف بن مسرع is on a distinguished road


:r-r-5: هجوس ممتدة

تلبية لدعوة قناة الصحراء ممثلة في الشيخ/ مشعل بن خالد بن حثلين
تشرفت بإلقاء هذه المتواضعة في حفل القناة بالشيراتون الشهر الماضي:



يافارج الضيق والكربات والشدة=مابه إلهٍ سواك أرفع له يديه
لاعسكرت في الفواد هجوس ممتدة=وتزاحمت ماعرفت الحسن والسية
مرن كبير الامل بيديني أشده=ومرن أعود ولاهذي ولا ذيه
البارحة والخفوق مبيـّحن سده=سريت ليلي على ترنيم قمرية
كنها تحس بنزيل ٍ قلبي يحده=لكنها هيجنت وانا على النية
وماينزع الهم لامن زاد عن حده=ويركي على هامته خنجر وشبرية
إلا حبيس ٍ إلى من ضقتنا اهده=ولامنه صاد الجزيلة جابها ليـّه
صيده ثمين ٍ وانا بيميني أمده=للي ببيت المراجل نارهم حية
في خاطري كلمة ٍ تجتال من مدة=عاداتنا ياهل العادات ... مغزية
من عدة شهور والساحات مشتدة=قامت على تراثنا مليون جنية
صار المزاين على ماروجوا ردة=والاهتمام بعطايا الله رجعية
كم كاتب ٍ لا كتب لمـّح و هو وده=يقولها بالصراحة دون رمزية:
ياشيخ باب ٍ يجيبه ريح لك سده=واكتب على ماضي التاريخ مرثية
ومادام كلش يبين إذا عرف ضده=ولا ضرا بالمعالي عاشق الفية
عمارةٍ ماحملها ساس منهدة=لو كان جدرانها من صلب مبنية
والكاتب اللي من النعمة برق خده=ليته خذا اجازته فـ جبال تركية
وينشد أوروبا عن التاريخ وتعده=البل واهلها وطار العز ياحيه
ملاحم ٍ تظهر اللي طيب ٍ جده=و (راكان) فيها غدا للطيب مارية
سيف ٍ على هامة (البلقان) ياحده=كل أصوكٍ يفتخر لاحل طاريه
يارب يافارج الكربات والشدة=ياللي إلى ضقتنا بارفع له يديه
استر عواقب الامور اللي لها مدة=وفرسانها تختبط في داخل الفية!
وبيض وجه من حمى الميقاف واستده=واحيا لنا ماضي ٍ ما فالعرب زيه
واحفظ لنا مـ الخليج إلى بحر جده=الدين الاول وحكام السعودية

 

 

 

 

 

 

التوقيع

؟


alshamekh@msn

    

رد مع اقتباس
قديم 15-06-2008, 03:05 AM   #2
 
إحصائية العضو







شافي القويسي المخاريم غير متصل

شافي القويسي المخاريم is on a distinguished road


افتراضي رد: هجوس ممتدة

واحفظ لنا مـالخليج إلى بحـر جـده=الديـن الاول وحـكـام السعـوديـة



صح لسانك


جزل و ما تجيب الا الجزل



تحيااااااااتي

 

 

 

 

    

رد مع اقتباس
قديم 15-06-2008, 06:09 AM   #4
 
إحصائية العضو







سالم بن صمهود غير متصل

سالم بن صمهود is on a distinguished road


افتراضي رد: هجوس ممتدة

عمـارةٍ ماحملهـا سـاس منـهـدة=لو كان جدرانها مـن صلـب مبنيـة

الله الله
ابداع +ابداع
الشاعر الراقي نايف بن مسرع صح الله لسانك وسلم بنانك وبيض وجهك

 

 

 

 

 

 

التوقيع

    

رد مع اقتباس
قديم 15-06-2008, 07:33 PM   #7
 
إحصائية العضو








ابو زيد الغييثي غير متصل

وسام التميز: وسام التميز - السبب: لمشاركاته المتميّزه وجهده الطيب في المنتدى
: 1

ابو زيد الغييثي is on a distinguished road


افتراضي رد: هجوس ممتدة

(( ابداع x ابداع ))

بو محســن صح اللسانك

والجزل ما يجي الا من الجزل

تقبل مروري على هذه الراائعه

اخوكـ / ابو زيد

 

 

 

 

    

رد مع اقتباس
قديم 15-06-2008, 08:13 PM   #8
 
إحصائية العضو








شوق2 غير متصل

شوق2 is on a distinguished road


افتراضي رد: هجوس ممتدة

عمـارةٍ ماحملهـا سـاس منـهـدة=لو كان جدرانها مـن صلـب مبنيـة
والكاتب اللي من النعمة بـرق خـده=ليته خذا اجازتـه فـجبـال تركيـة
إي والله ليته راح ايتبرد0
الشاعر المبدع نايف بن مسرع
صح السااااااااانك مليار
عز الله انها جزله من راسَ جزل0
بيض الله وجهك وتقبل مروري وتقديري0

 

 

 

 

 

 

التوقيع

    

رد مع اقتباس
قديم 16-06-2008, 02:55 AM   #9
 
إحصائية العضو








نايف بن مسرع غير متصل

نايف بن مسرع is on a distinguished road


افتراضي رد: هجوس ممتدة

اقتباس:
المشاركة الأصلية كتبت بواسطة شافي المخاريم مشاهدة المشاركة
واحفظ لنا مـالخليج إلى بحـر جـده=الديـن الاول وحـكـام السعـوديـة



صح لسانك


جزل و ما تجيب الا الجزل



تحيااااااااتي


صح بدنك وماعليك زود ياشافي

شرفتني بمرورك الجميل

 

 

 

 

 

 

التوقيع

؟


alshamekh@msn

    

رد مع اقتباس
قديم 16-06-2008, 02:57 AM   #10
 
إحصائية العضو








نايف بن مسرع غير متصل

نايف بن مسرع is on a distinguished road


افتراضي رد: هجوس ممتدة

اقتباس:
المشاركة الأصلية كتبت بواسطة مشعل راشد الشايقي مشاهدة المشاركة
لاهنت اخي نايف لاهنت


بيض الله وجهك يالقرم


لله درك ياجزل على هذه الرائعه


صح لسانك وعلا شانك


تحيتي وتقديري

ووجهك أبيض يامشعل

وصح بدنك

شرفت المتصفح

 

 

 

 

 

 

التوقيع

؟


alshamekh@msn

    

رد مع اقتباس
قديم 16-06-2008, 12:06 PM   #11
 
إحصائية العضو








فهد الغريري متصل الآن

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي رد: هجوس ممتدة

الشاعر العزيز والاخ الكريم " نايف بن مسرع "


شاعر متمكن يابوعبدالعزيز جعل عمرك طويل على طاعته

صح الله السانك وعتلا شانك وزادك الله من زوايد فضله

قصيده جزله بما تعنيه الكلمه تقراها مرارٍ ولا تملها من سهولة معانيها

وعذب قوافيها فبارك الله فيك اخي العزيز والله يهنيك في عمرك

وننتظر جديدك المميز

وتقبل تقديري واحترامي واعجابي في قوافيك الجزله

اخــــــــوك / فـــــهـــــد الــغـــريــــري,,,,,

 

 

 

 

    

رد مع اقتباس
قديم 21-06-2008, 12:52 AM   #12
 
إحصائية العضو








نايف بن مسرع غير متصل

نايف بن مسرع is on a distinguished road


افتراضي رد: هجوس ممتدة

اقتباس:
المشاركة الأصلية كتبت بواسطة سالم بن صمهود مشاهدة المشاركة
عمـارةٍ ماحملهـا سـاس منـهـدة=لو كان جدرانها مـن صلـب مبنيـة

الله الله
ابداع +ابداع
الشاعر الراقي نايف بن مسرع صح الله لسانك وسلم بنانك وبيض وجهك


أبو فيصل الشاعر المبدع/ سالم بن صمهود

شكراً لحسن ظنك وشكراً لإطرائك

شرفتني بمرورك

 

 

 

 

 

 

التوقيع

؟


alshamekh@msn

    

رد مع اقتباس
قديم 23-06-2008, 01:55 PM   #13
 
إحصائية العضو








بدر بن صقر العجالين غير متصل

بدر بن صقر العجالين is on a distinguished road


افتراضي رد: هجوس ممتدة

أخوي الغالي

الشاعر المبدع

( نـايـف بن مـسـرع )

صح الله لسانك على ما ابدعت..

بيض الله وجهك..

وعزالله أنك مثلتنا خير تمثيل في ذاك الحفل..

الله لا يهينك يا أبوعبدالعزيز..

وتقبل تحياتي،،

 

 

 

 

    

رد مع اقتباس
قديم 23-06-2008, 10:20 PM   #14
 
إحصائية العضو







حسن عبداللةالبطحيه غير متصل

حسن عبداللةالبطحيه is on a distinguished road


افتراضي رد: هجوس ممتدة

الشاعر الكبير ابومسرع
صح الله السانك ياطويل العمر
ابيات جزله ورائعه عسى الله لايهينك
وننتظر المزيد

 

 

 

 

    

رد مع اقتباس
قديم 26-06-2008, 01:36 AM   #15
 
إحصائية العضو







فراج بن فهد آل تركي غير متصل

وسام شاعر التميّز .: وسام يقدم لمن يستحق أن يطلق عليه
: 1

فراج بن فهد آل تركي is on a distinguished road


افتراضي رد: هجوس ممتدة

صح لسانك ياأبوعبدالعزيز
على البركة الرجال .. الله يجعله أطيب من أبوه ويقر أعينكم
بصلاحه ويرزقكم بره , ونشوفه يشاركه معنا هنيا بقصايده

أما القصيدة فلاغرابة في الإبداع والحضور المشرف في المحافل


تقبل مروري المتواضع

 

 

 

 

 

 

التوقيع

يقول ابن القيم رحمه الله
وقد أجمع عقلاء كل أمة.. على أن النعيم لا يدرك بالنعيم ..
وأن من آثر الراحة.. فاتته الراحة ..
وأن بحسب ركوب الأهوال.. واحتمال المشاق.. تكون الفرحة واللذة ..
فلا فرحة لمن لاهم له ..ولا لذة لمن لا صبر له .. ولا نعيم لمن لا شقاء له.. ولا راحة لمن لا تعب له ..
بل إذا تعب العبد قليلا.. استراح طويلا ..إنما تخلق اللذة والراحة والنعيم.. في دار
السلام ..وأما في هذه الدار فكلا

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 03:39 PM


Powered by vBulletin® Copyright ©2000 - 2021, Jelsoft Enterprises Ltd.
---