نبذه مختصرة لشاعر سعود بن عبدالعزيز بن غنيم الحقباني

[معلومات العضو فهد الغريري]

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار ومرتادي الموقع الرسمي لقبيلة الدواسر يسرني أن أقدم لكم اليوم وبين أيديكم نبذه مختصره عن قصائد شاعر من ابناء قبيلة الدواسر وعبر موقع قبيلة الدواسر الرسمي وشاعرنا الذي نسلّط عليه الضوء اليوم هو شاعرٌ بعيد عن الاضواء له بصمته الشعرية.. لشاعر سعود بن عبدالعزيز بن غنيم الحقباني الشاعر سعود بن عبدالعزيز بن غنيم الحقباني هذه نماذج من قصائد ممانشرته في المجلات والمواقع الشعرية هذة قصيدة نشرت في مجلة المختلف وبعد ذلك في مجلة اصداف في عام 2003م ولاقت استحسانا لاسيما وان البيت الاول والاخير اشتهرا كثيرا في رسائل الجوال وفي المنتديات الفرقى ياليل ياريف العيـون المساهيـر=أنا دخيلك لا جفى النـوم عنهـا قبل أمس شعري ما حونّه تعابير=واليوم يوم احتجت له قام ينهـى قال اعتزلتك ما ورا صحبتك خير=راحت سنيني أتبعك فـي محنهـا قلت الصداقه قال دور على غيـر=قلت المراجـل قـال ولاّ زمنهـا قلت انت خابرني وانا توني صغير=هذي طروقي وانت تهوى لحنهـا ماهوب ذنبي لا عصتني المقادير=واصبح خفوقي للمصايب وطنهـا دار تضيف من يجيهـا بتقديـر=اللي سكنها والـذي مـا سكنهـا أحدن فراقه عن عيوني تباشيـر=وأحدن فراقه ياخذ الشوف منهـا ( موج ) كذا تمضي حياتي يا حبيبي بالسهـر والقـاف=تعال اجلس مكاني واسأله عن حـال ميلافـه هربت من المشاعر والجفون الباذلة باسـراف=ولقيت بوحدتي نبع الشعـور ومنبـت القافـة تخيرت المكان اللي يشيل من الحمول اضعاف=وتخيرني مكاني للحمول اقـوى مـن أكتافـه اراقب وارتقب باكر عسى ما مرّنـي بخـلاف=ظلام الليل في قلبي غدا وصفٍ مـن اوصافـه هنا باوادع الجرح الندي والخاطـر الشفـاف=وهنا باعانق دروب الحزن لي مـر باضيافـه واذا ما جازلي نظم القصيد وضاعت الاوصاف=تحايلت البكا لاجل آخـذه مـن عيـن ذرافـه واذا كان الهوى بحرٍ يضم من العيون اصناف=تجود بدمعها.. ترجي حبيـبٍ غـاب مجدافـه يجف من البحر مـوجٍ حزيـن وناظـرٍ ذراف=ومع هذا يسمونه بحر لـو ضاعـت اصدافـه حبيبي للهنا فارق مكانـي وارحـل بمجـداف=انا موجٍ ـعلى ساحل ـنشف من هول ما شافه وانابعت الغلا للي يعيشون الهـوى بانصـاف=انا مسكين لي حبيت ضـاق البحـر باطرافـه تكرم روح لعيونٍ تجيرك ذا الرموش ضعـاف=تخيل كيف يدفا من رموشـه صـارت لحافـه وانا برجوك لي صار الحكي في السالفه ينعاف=خلاص اهجر مكاني لا تمره يـوم.. وتخافـه في الختام نسأل المولى عز وجل أن يوفقه الشاعر سعود بن عبدالعزيز بن غنيم الحقباني ويسدد على طريق الحق خطاه . ومني لكم التقدير والاحترام

 

 

 

 

[معلومات العضو الذلاقي]

[بيض الله وجهك يابوراشد انت متميز ولاتختار الا المتميزين نحن نطمع بالمزيد من شاعرنا المتميز
بسمي وباسم مرتادي منتدى قبيلة الدواسر الرسمي نطلب من شاعرنا المميز ان لا يبخل علينا بما تجود به قريحته وعسى الله يوفقه

 

 

 

 

[معلومات العضو مبارك بن شافي النتيفات]

بيض الله وجهك يابوراشد على طرح هذه النبذة المختصرة عن الشاعر سعود بن غنيم الحقباني

صح لسانه واعتلى شانه على هذه الدرر
تحياتي وتقديري

 

 

 

 

[معلومات العضو شافي بن راشد النتيفات]

لاهنت يابوراشد على هذه النبذه عن هذا الشاعر الجميل نتمنى ان نرى له الكثير والكثير فهو يستحق المتابعة

 

 

 

 

[معلومات العضو فلاح بن عايد]

بيض وجيهكم علي النبذه لشاعر سعود بن غنيم الحقباني

والله يوفقه

 

 

 

 

[معلومات العضو محمد راشد النتيفات]

لاهنت يابوراشد على هذه النبذه عن هذا الشاعر الجميل

نتمنى ان نرى له الكثير والكثير فهو يستحق المتابعة