رائعه من روائع بن دهيم .. اهداء للجميع

[معلومات العضو ابوعبدالله222]

السلام عليكم

هذه رائعه من روائع الشاعر الشاب الصاعد // ناصر بن دهيم الدوسري


واتمنى ان تحوز على رضاكم واعجابكم ــــــــ:



ياناشدتني وقفي لاتمادين =

من قبل احطك عرضةٍ للقصايد



شوفي سؤالك معتم وبين قصدين =

زايد وناقص عكس ناقص وزايد



متغطرسه مغرورةٍ بالخلاقين =

ماهمّك الاّ تلبسين القلايد



ياغبا غبيه اسمعي تستفيدين =

عليك بأهل المعرفه والفوايد



سمي على نفسك ولا تستخفين =

واللي تبينه من ورى الناس كايد



تدرين منّي منْهْ تدرين تدرين =

من لابةٍ ترسي نهار الشدايد



شجعان في يوم الوغى لا وشرسين =

عدوّهم يصبح رماد الوقايد




يشهد لنا التاريخ ويّا الميادين =

والغرس والبل والمهار الفرايد




امّا خوالي من شيوخ القحاطين =

نـاصــر مــحــــمـــد لابـــتـــي لاد زايد



لاصارو الشعّار مابين صفّين =

فنا وحيد ومستقيم ومحايد




اعشق من الدنيا حيات السلاطين =

واعز نفسي وافتخر بالعوايد



يكفيك عن كثر الكلام العناوين =

صحيح ماهو من كلام الجرايد




يام العيون الناعسات المزايين =

ماكل رامي لارمى صار صايد



دزوك بعض المجهله والملاعين =

لين ابلشوني بالفكر والقصايد





وسلامتكم

للــشـــاعـــر الــشـــاب // نـــاصـــر بــن دهـــيـــم الــدوســـري


وتقبلوو فااائق الاترام والتقدير

 

 

 

 

[معلومات العضو ابن وتيد السباعي]

بيض الله وجهك يا ابو عبد الله على النقل الجزل وصح لسان الشاعر الفذ/ناصر بن دهيم ولك جزيل الشكر من اخوك/ابن وتيد