الاّ تبور الحضارم في مصالحها,,,,,,,,,,,,,,,,,,,,,,,

[معلومات العضو مبارك بن محيا الدوسري]

align=center]أتمنى أن تروي ذوائقكم أعزائي المرور
وإن لم تكن بالمستوى
فعتبي على الجزل اللي أشار علي بنشرها[/align]

ذي لعبتك يا الغضي جاتك على الطاير=مشاعر الحب لا قفّيت فامسحها
ماهوب لازم تحدّر دمعك الحاير=خلّ التماسيح تمسي في مسابحها
الحبّ ما يستوي له عسف ومضاير=يا وجد روحي وأنا وشلون أبشرحها
تبيّنت نيّتك يا المنكف الذاير=مافيه داعي تخفّيها وأوضحها
لا تحسب إنّي بأوقّف لك على العاير=لو كان بإقفايتك كبدي تفذّحها
رمح المفارق شفه وسط الحشا غاير=أكناه لا تدري العذال وأفرحها
وا زوي قلبي عليكم زوية التاير=في موترٍ لا وطى بالقاع يجرحها
الجادل اللي تعمّد كسحة الزاير=الله على ما استباحت بي يسامحها
وإن كان على الغلا له ..ماني بباير=الاّ تبور الحضارم في مصالحها

 

 

 

 

[معلومات العضو محمد بن سالم الخضراني]

ابن محياء

صح لسانك ولله يبيض وجهك

شاعر جزل والقصيده

خير برهان

تقديري

 

 

 

 

[معلومات العضو عبدالله الحافر الغييثي]

الجادل اللـي تعمّـد كسحـة الزايـر=الله على ما استباحت بـي يسامحهـا
وإن كان على الغلا له ..ماني ببايـر=الاّ تبور الحضـارم فـي مصالحهـا

مبارك صح لسانك واعتلى شانك والبيتين هذي لها وقع خطير الله يجيرنا وياكم هههههه لاهنت يامبدع

 

 

 

 

[معلومات العضو راشد المسعري]

الاّ تبور الحضـارم فـي مصالحهـا
ههههههه عز الله شبهت

الشاعر المبدع والمميز مبارك محيا

صح لسانك وسلمت على هذه القصيدة الجزلة بجزالة كاتبها
مبارك شاعر تحلق في سماء الإبداع دائماً
دمت مبدعا وبالتوفيق يالغالي ،،،،

 

 

 

 

[معلومات العضو نايف الخييلي]

صح لسانك على القصيده الجزله

وابدعت في القصيده

تسلم ودمت مبدعا

 

 

 

 

[معلومات العضو الشـيخه]

لله درك يامبارك
نص فاخر وزاخر
سلمت عليه وبوركت
صح بوحك
تقبل
مروري المتواضع

 

 

 

 

[معلومات العضو فارس الدبالين]

صح السااانك واعتلااا شااانك على القصيده

تحياتي ..

 

 

 

 

[معلومات العضو دغش محمد الصخابرة]

صح السااانك واعتلااا شااانك على القصيده

تحياتي

 

 

 

 

[معلومات العضو ماجد المهنا]

لا تحسب إنّي بأوقّف لك على العايـر
لـو كـان بإقفايتـك كبـدي تفذّحهـا
رمح المفارق شفه وسط الحشا غايـر
أكنـاه لا تـدري العـذال وأفرحهـا


يا سلاااااااااااام

صح لسانك يا مبارك

اتوقع ان شهادتي مجروحه فيك

انا متابع لك بشده ومن مده

عدني من معجبيك

اخوك /

 

 

 

 

[معلومات العضو بدر بن صقر العجالين]

صح الله لـسانك يامبارك على الابداع الغير مستغرب

وتقبل تحياتي،،

 

 

 

 

[معلومات العضو مبارك بن محيا الدوسري]

محمد بن سالم
مرورك يعني الكثير
تحياتي يا الجززززززل

 

 

 

 

[معلومات العضو بنت الذيب]

الشاعر/بن محيا الدوسري

صح لسانك


لاهنت..

 

 

 

 

[معلومات العضو الـــــــــذرب]

رمح المفارق شفه وسط الحشا غايـر
أكنـاه لا تـدري العـذال وأفرحهـا
وا زوي قلبي عليكـم زويـة التايـر
في موترٍ لا وطـى بالقـاع يجرحهـا
الجادل اللـي تعمّـد كسحـة الزايـر
الله على ما استباحت بـي يسامحهـا
وإن كان على الغلا له ..ماني ببايـر
الاّ تبور الحضـارم فـي مصالحهـا

مبارك صح الله لسانك على القصيده الرائعه

تقبل مروري

الـــــــــذرب