يا نسل بن بدران حامي حماها(صوت وصدى)

**معلومات** **العضو** · 18-03-2009, 11:47 AM

السلام عليكم ورحمة الله وبركاته:

اسعد الله اوقات الجميع بالخير والمسرات ، أرسل لي الأخ والصديق حمد البدراني أبيات يقول فيها:-

مثل الذهب فعلك وساسك ومجناك = وتركز لك الراية بعالي حجاها
ومثل الحيا لا مر ذكرك وطرياك = يجلي عن النفس العليلة عناها
طلبت ربي يحفظك ويتولاك = ياللي فعول الطيب غصب حواها
لامن نخيته فز يركضلك وجاك = ماجاه عيلة من جدوده قناها
معرب مابين ذولا وذولاك = مساعرة عز اللي اعتزا ثم نخاها
مالوم ابوك اللي على الجد سماك = تخايل مراجل فيك ثم غذاها
وادرجت حومك في سماها للافلاك = وعين الحسود اليوم بيّن عماها

فرديت عليه بهذه الأبيات وليعذرني إن حصل قصور:-

ارحب تراحيب الحيا لاعدمناك = يابن الرجال اللي بعيدٍ مداها
وارحب تراحيبٍ لمثلك وشرواك = يانسل بن بدران حامي حماها
غمرتني بالطيب من طيب مجناك= بابيات شعرٍ عالي مستواها
الطيب ورثٍ لك من اقصاك لادناك=والعز والنوماس شخصك جناها
ومحبة ربوعك من احلى مزاياك= ولابد يا ذيبان تلقى جزاها
واللي زرع له ورد مايجني اشواك = ولابد يالزراع تقطف جناها
ويفداك من جنّب عن الدرب يفداك = ويفدونك خبول العرب وغشماها

**معلومات** **العضو** · 18-03-2009, 01:03 PM

قصيده ومجاراه رائعه
صح الله السنتكم جميع وبيض الله وجيهكم
وتستاهلون المدح

**معلومات** **العضو** · 18-03-2009, 04:46 PM

ارحب ياهديان

وصح بدنك ووجهك ابيض

الله لا يهينك يالغالي على مرورك

تقبل ودي وتقديري ،،،

**معلومات** **العضو** · 18-03-2009, 06:40 PM

صــــح الله السنتكم وبيض الله وجيهكم

صوت وصدي رائع

**معلومات** **العضو** · 18-03-2009, 10:48 PM

**معلومات** **العضو** · 19-03-2009, 02:27 AM

رائعين وتستاهلون الطيب

بيض الله وجيهكم وصح لسنكم لاهنتو

**معلومات** **العضو** · 20-03-2009, 02:48 AM

ابيات رائعه من الشاعر حمد البدراني وانت كفو للمدح يا بومحسن

صح لسانك يا بومحسن وبيض الله وجهك

**معلومات** **العضو** · 01-04-2009, 10:08 AM

الزين
شافي القويسي
الشيخة
محمد الولامين

صحت أبدانكم وعطرت المتصفح بمروركم الرائع ، تقبلوا ودي وتقديري ،،،،

**معلومات** **العضو** · 01-04-2009, 12:49 PM

مساجله رائعه وابيات جزله

الشكر لك يابو محسن على طرحها وإمتاعنا بقرأتها

تحياتي لك

**معلومات** **العضو** · 30-05-2009, 10:20 AM

ارحب يابومحسن

صح الله لسانك مليار يالوافي

أنت وخويك

تحياااتي

**معلومات** **العضو** · 30-05-2009, 02:05 PM

ارحب تراحيب الحيـا لاعدمنـاك=يابن الرجال اللـي بعيـدٍ مداهـا

صح اللساااااانك مليون × مليون

ولا يوووفوون يا ذيبان

مساجله رااائعه بين شاعرين جزلين

فلا تحرمنا من جديدك يا بو محسن

أخوك / ابو زيد الغييثي

**معلومات** **العضو** · 30-05-2009, 02:28 PM

قصائد جزله

صح لسانك و صح لسان البدراني

لاهنتوا

**معلومات** **العضو** · 30-05-2009, 05:37 PM

صح السنتكم ياراشد ويابن بدران

قلتو وابدعتو وامتعتو بيض الله وجيهكم نقبل مروري لمتصفحك,,

**معلومات** **العضو** · 30-05-2009, 05:42 PM

قصيده ومجاراه رائعه
صح الله السنتكم جميع وبيض الله وجيهكم
وتستاهلون المدح

**معلومات** **العضو** · 31-05-2009, 04:11 PM

صح الله لسانك ياراشد مبدع دائماً

وصح الله لسان الأخ حمد البدراني والله يعزكم يالرفاقه

تقبل تحياتي،،

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية