قصــــــــ وقصيدة ــــــــــه

**معلومات** **العضو** · 08-07-2005, 03:24 AM

السلام عليكم ورحمة الله وبركاته
دائما في قصص الأولين عبرة وفائدة لنا ودروس في الإخاء والكرم والشجاعة وحسن الضيافة وقصة اليوم تتكلم عن إكرام الضيف وحقوق الجار ورد الجميل وأدب إعطاء الهدية المناسبة في الوقت المناسب ونترككم مع القصة والقصيدة
نزل فيصل بن شهيل بن سويط توفي عام 1189 هجري وهو من مشايخ قبيلة الظفير فى وقت الصيف على بريك الاسعدى راعى بقعا (من قبيلة عتيبة) واستمر المصيف هذا لمدة ثلاثة اشهر وكان بريك الاسعدى كل يوم يشرب القهوة فى بيت فيصل وفى يوم من الايام نشفت مزرعة بريك الاسعدى ودمرت وعندما علم فيصل بما حصل لجاره وقد هلكت ابله قال فيصل لبريك ماذا تريد منا جزاء لما حصل لمزرعتك قال بريك هذا كرم ووفاء منك ولم يقبل منه شىء ، وعلم فيصل ان ديار الظفير قد ربعت امر اهله ان يستعدوا للرحيل وامر قومه ان كل واحد منكم يعقل ناقه هديه لبريك الاسعدى من دون ان يعلموه بالرحيل .
فلما رحلوا الظفير قال فيصل بن سويط لاحد اقارب بريك سلم على بريك وقل له هذه الابل هديه له من الظفير جزاء حسن ضيافته لنا .
فلما اتى الصباح وجد بريك هذه الابل الكثيرة ووسأل لمن هذه فأخبره الرجل انها هديه له من الظفير
فتأسف لرحيلهم وقال هذه القصيدة المشهورة :

حلاة الدهر منطوق العلوم الوكايد=وطرق هبوب الريح والشوق كايد
وقرب الصديق من صديق يسرنى=والبغض هذا مناه البعايد
وشربك زلال الما مع الناس عيشه=لا صرت مكفى هموم شرايد
يعلك يا دار تلم المرشد=تهل عليك المرزمات الرعايد
صيفية غربية مدلهمه=نشت بالثريا او بنو الفلايد
تسقى من العبلا الى النير للنقا=علومه عن البدو يتلقى وكايد
على وجه شيخ من شيوخ المرشد=ابو ماجد ريق المزاميل كايد
حيثه بنى للضيف بيت مشيد=وهل الصر ما ييبنون الحمايد
تلقى شتات المال من غب كونهم=كما قرية باقى نخلها شرايد
عليهم سمحين الوجيه المرشد=متزحمين مثل زمل الهدايد
لكن معظمة الضيف خلاف بيوتهم=مغارة ليث به جديد وبايد

لما وصل قصيد بريك في فيصل وقبيلته رد عليه فيصل بهالقصيدة

خلاف ذا ياراكب فوق حــــــــره =بديدها من كثر الالحاح بايــــد
على بني مشوال اليا منها= أوجفت تقطع مزوي الحبال الجدايــــد
سرها ثلاث مع ثلاث مع اربـــع= تطالع بقعا مع زبار النفايـــــد
تطالع غرس باللويمـــي كنــــــه= يسقي من الما ناعمات الجرايد
ملفاك (أخو عفرا بريك ) فقل له= حنا على ما قال فينا وزايــــــد
وحنا زمام الحرب مبطي وتونا= ونصبر ولو كثرت علينا الفقايد

تحياتي للجميـــــــع ،،،،

**معلومات** **العضو** · 08-07-2005, 07:15 AM

تسلم

يابو فهيد على

نقل العلوم الطيبه وذي عوايدك

ولا تحرمنا من ابداعاتك

اخوك

ابو عبد الله الشكري

**معلومات** **العضو** · 08-07-2005, 09:02 AM

مراقبنا العزيز أبو فهيد

علومك كلها غانمه لاعدمناك

حظورك كحظور المطر النافع

كتاباتك تتسم بالابداع والجزاله

الحقيقه هذه القصه والقصيدة رائعه جداً

وكنت أنوي أن أطرحها هنا في المنتدى ولكن سبقتنا

فكما هي عاداتك ياذيبان سبَاقٍ للعلوم الغانمه

سلمت يمينك وفكرك الراقي

ودمت لنا ولمنتدانا الشامخ

تقبل تحياتي القلبية لمقامك العالي

من محب الجميع : دغـــــــــش الــــــــبـــــــطـــــــــي

**معلومات** **العضو** · 08-07-2005, 09:09 AM

بيض الله وجهك اختيار موفق

**معلومات** **العضو** · 08-07-2005, 01:15 PM

لاهنت اخوي ابو فيهد علي العلوم الغانمه....
لاهنت لاهنت لاهنت

**معلومات** **العضو** · 08-07-2005, 02:08 PM

تسلم ابوفهد ولاهنت يالقرم.

**معلومات** **العضو** · 09-07-2005, 02:32 AM

الإخوه

الشكري

دغش البطي

الشامخ

سعد الغريري

يحيى الودعاني

حياكم الله جميعاً وشاكر لكم على المرور والإطراء اللي مهب مستغرب

عليكـــــــم

تقبلو خالص تحياتي ،،،،

**معلومات** **العضو** · 09-07-2005, 03:06 AM

اقتباس:

المشاركة الأصلية كتبت بواسطة دغش البطي

مراقبنا العزيز أبو فهيد

علومك كلها غانمه لاعدمناك

حظورك كحظور المطر النافع

كتاباتك تتسم بالابداع والجزاله

الحقيقه هذه القصه والقصيدة رائعه جداً

وكنت أنوي أن أطرحها هنا في المنتدى ولكن سبقتنا

فكما هي عاداتك ياذيبان سبَاقٍ للعلوم الغانمه

سلمت يمينك وفكرك الراقي

ودمت لنا ولمنتدانا الشامخ

تقبل تحياتي القلبية لمقامك العالي

من محب الجميع : دغـــــــــش الــــــــبـــــــطـــــــــي

اخوي الغالي ابـــــــــــــــوفــــــهــــيـــــد

تنحني الكلمات امام كلامات الشعراء الافذاذ

امثال ابومحمد دغش البطى جعله المعزه

تستاهل كل مقيال فيك يابـــوفـــهـــيــد.

اخــــــــــــوك / فـــهــــد الـــغــــريــــري,,

**معلومات** **العضو** · 09-07-2005, 04:07 AM

اقتباس:

المشاركة الأصلية كتبت بواسطة فهد الغريري

اخوي الغالي ابـــــــــــــــوفــــــهــــيـــــد
تنحني الكلمات امام كلامات الشعراء الافذاذ
امثال ابومحمد دغش البطى جعله المعزه
تستاهل كل مقيال فيك يابـــوفـــهـــيــد.
اخــــــــــــوك / فـــهــــد الـــغــــريــــري,,

مرحبا والله ومسهلا بالغالي فهد الغريري

وأعجزك انا بكلماتي وردودي على ردود امثالك وامثال الأخ العزيز بو محمد

لاهنت طال عمرك على المرور والإطراء الاكثـــر من رائع

تحياتي لك ياذيبااااان ،،،

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اللي مافيه خير لامه لا خير فيه قصة وقصيدة	مبارك بن شافي النتيفات	:: قسم قصــه و قـصيــده ::	34	11-02-2011 02:48 PM
احذروا النميمة	محمد بن فهد الرجباني	:: قسم قصــه و قـصيــده ::	10	04-01-2011 11:44 AM
موقف وقصيدة	فهدمساعدسعدالنصافي	:: قسم قصايد مدح وفخـر في الــدواسـر ::	21	27-06-2010 07:57 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية