مجاراتي لقصيدة (البلاد النائي )

[معلومات العضو راشد المسعري]

أبيات كتبتها مجاراة لقصيدة الشاعر المعروف/ ضيدان بن قضعان العرجاني التي كتبها على وزن وقافية قصيدة الغيهبان المري المشهورة، حيث يقول ضيدان في أحد أبياته

إني لمن قومن يعز عليهم = قتل الرعاة ودمعة الحسناء

علماً أن القصيدة عامية ولكن مع دخول بعض كلمات الفصحى في بعض أبياتها ، فأقول:-

يالله ياربـي عليـك رجـائـي=يامولج الإصباح في الظلمائـي
يالله ياربـي تغفـر وتـرحـم=لاضيعت بعض البشر الاهوائي
يالله ياربـي نسالـك لطـفـك=في يوم تنسى المرضعة الابنائي
في يوم لاحولن ولا بـه قـوة=ومن شدته تنطق به الأعضائي
البارح البارح طرت لي فكـرة=فكرة قصيدة عانقت الاضوائـي
قصيدتـن للغيهبـان الـمـري=الطرق طرقه والقصيد إملائـي
قد قالها قبلي صبـي العرجـا=ضيدان راع الـدرة العصمائـي
يازين مدحه فالنشامـا ربعـه=يستاهلون المـدح والإطرائـي
وأنا وشعري من فدايـا قومي =أهل الرمح والبكرة السودائـي
اسيوفهم موت وحياة وهيبـة=وكم قدمت للجائعـات أشلائـي
قومُ ُإذا شـحّ البخيـلُ بمالـهِ=أفقرهم بوقت القسـا معطائـي
دواسـرن تميـزوا بسلومهـم=الطيب والنخوة بهـم تلقائـي
من صان شعره شاع لوّه ميت=لو قايله قـد غـادر الأحيائـي
ومن هان شعره ضاع لوّه باقي=مثل السراب اللي على البيدائي

 

 

 

 

[معلومات العضو هادي الغريري]

أخوي راشد صح لسانك



ولاهنت وتسلم لنا بنانك على هذه المجاراه الطيبه



كل الأحترام والتقدير....

 

 

 

 

[معلومات العضو راشد المسعري]

المشاركة الأصلية كتبت بواسطة هادي الغريري

أخوي راشد صح لسانك



ولاهنت وتسلم لنا بنانك على هذه المجاراه الطيبه



كل الأحترام والتقدير....

ارحب ياهادي


صح بدنك وشرفني مرورك الكريم ، تقبل ودي وتقديري ،،،

 

 

 

 

[معلومات العضو ماجد بن رويه]

ارحب ياراشد



مبدع ومتمكن




قصيده جزله وقويه جدا يالذيب



تقبل التحايا

 

 

 

 

[معلومات العضو راشد المسعري]

المشاركة الأصلية كتبت بواسطة ماجد بن رويه

ارحب ياراشد



مبدع ومتمكن




قصيده جزله وقويه جدا يالذيب



تقبل التحايا

تبقى يا ماجد


صح بدنك والأجزل هو مرور شاعر بحجمك ياماجد


ولك مني أجمل الود والتقدير ،،،

 

 

 

 

[معلومات العضو سالم بن صمهود]

من صان شعره شاع لوّه ميت=لو قايله قـد غـادر الأحيائـي

راشد المسعري

صح الله لسانك يامبدع والايستغرب الابداع من اهله فانت من بيت شعر فالاغرابه

 

 

 

 

[معلومات العضو راشد المسعري]

المشاركة الأصلية كتبت بواسطة سالم بن صمهود

من صان شعره شاع لوّه ميت=لو قايله قـد غـادر الأحيائـي

راشد المسعري

صح الله لسانك يامبدع والايستغرب الابداع من اهله فانت من بيت شعر فالاغرابه

سالم بن صمهود


صح بدنك ياسالم ولاعليك زود طال عمرك


شرفني مرورك وأسعدني ردك


تقبل ودي وتقديري ،،،

 

 

 

 

[معلومات العضو فراج بن فهد آل تركي]

من صان شعره شاع لوّه ميت
لو قايله قـد غـادر الأحيائـي
ومن هان شعره ضاع لوّه باقي
مثل السراب اللي على البيدائي




هذا الكلام اللي عليه الكلام

قصيدة جزلة من جميع النواحي معنى وطرق وقافية
وقصيدة ضيدان من أروع ماكتب لكن الغريب أنها غير متداولة ومشهورة مثل
باقي قصائده لكن في بعض أبياتها الفصحى نصب الفاعل
ورفع المفعول به لين قال بس

وللعلم هناك التباس في كون القصيدة الأولى للغيهبان المري وقد قرأت
بحثاً حول هذا الموضوع وأن هناك ثلاث قصائد قديمة على نفس البحر والقافية
تم الخلط بينها وأن قصيدة الغيهبان المشهورة بعض أبياتها له وبعضها من
القصيدتين الأخريين .

وأنا لي قصيدة قديمة على نفس البحر والقافية لعلي أضعها هنا
متى ماسنحت الفرصة

أخوي راشد المسعري :

صح لسانك وشكراً لك على هذا الإبداع والإمتاع

دمت بخير

 

 

 

 

[معلومات العضو راشد المسعري]

المشاركة الأصلية كتبت بواسطة فراج بن فهد

من صان شعره شاع لوّه ميت
لو قايله قـد غـادر الأحيائـي
ومن هان شعره ضاع لوّه باقي
مثل السراب اللي على البيدائي




هذا الكلام اللي عليه الكلام

قصيدة جزلة من جميع النواحي معنى وطرق وقافية
وقصيدة ضيدان من أروع ماكتب لكن الغريب أنها غير متداولة ومشهورة مثل
باقي قصائده لكن في بعض أبياتها الفصحى نصب الفاعل
ورفع المفعول به لين قال بس

وللعلم هناك التباس في كون القصيدة الأولى للغيهبان المري وقد قرأت
بحثاً حول هذا الموضوع وأن هناك ثلاث قصائد قديمة على نفس البحر والقافية
تم الخلط بينها وأن قصيدة الغيهبان المشهورة بعض أبياتها له وبعضها من
القصيدتين الأخريين .

وأنا لي قصيدة قديمة على نفس البحر والقافية لعلي أضعها هنا
متى ماسنحت الفرصة

أخوي راشد المسعري :

صح لسانك وشكراً لك على هذا الإبداع والإمتاع

دمت بخير

ارحب يابو فهد تراحيب المطر ، وصح بدنك ياطويل العمر


والله ثم والله إنا يشرفنا ويسعدنا في هذا الموقع تواجد شاعر كبير في شعره وقدره


بحجمك يابو فهد ، واشكرك على الاطراء تجاه القصيدة وكلامك الطيب أسعدني .


وبالنسبة للقصيدة حقت الغيهبان ، صدقت انا مثلك قرأت عنها كلام كثير واللي نسبت للغيهبان تجد في بعض ابياتها الفاظ غريبة كأن القصيدة مخلوطة مع قصيدة أخرى وكما قرأت من نسبها للعامري احد الشعراء في القرن الثامن الهجري على ما أظن.


المهم والأهم من ذلك كله نحن في انتظار القصيدة اللي انت كتبها على نفس البحر والقافية وفي انتظار جديدك وطلاتك المبهرة يابو فهد وتقبل ودي وتقديري ،،،

 

 

 

 

[معلومات العضو عبدالله العصيمي]

اشهد بالله انك ابدعت


اي والله ابدعت سمعت منها ابيات منك

وهنا اعانقها كامله لله درك


لك تقديري واحترامي

 

 

 

 

[معلومات العضو أبونواف الدوسري]

أخوي راشد صح لسانك



ولاهنت وتسلم لنا بنانك على هذه المجاراه الطيبه



كل الأحترام والتقدير....

 

 

 

 

[معلومات العضو راشد المسعري]

المشاركة الأصلية كتبت بواسطة أبونواف الدوسري

أخوي راشد صح لسانك



ولاهنت وتسلم لنا بنانك على هذه المجاراه الطيبه



كل الأحترام والتقدير....

ابو نواف



صح بدنك طال عمرك على طاعة



ولاشنت فديتك ومرورك وكلامك الطيب وسام



تقبل ودي وتقديري ،،،

 

 

 

 

[معلومات العضو السيف دايـم]

وأنا وشعري من فدايا قومـي أهل الرمح والبكرة السودائـي ولاهنت وتسلم على هذه المجاراه الطيبه

 

 

 

 

[معلومات العضو راشد المسعري]

المشاركة الأصلية كتبت بواسطة السيف دايـم

السيف دايم


لاشنت يالقرم وتسلم على المرور الكريم وتقبل ودي وتقديري ،،،

 

 

 

 

[معلومات العضو ابو زيد الغييثي]

من صان شعره شاع لوّه ميت=لو قايله قـد غـادر الأحيائـي
ومن هان شعره ضاع لوّه باقي=مثل السراب اللي على البيدائي

اررررررررررررررررررحب تراحيب القروم للقروم يالقرم

الشاعر المبدع / راشــــد المسعري ( بو محسـن )

ابيات رغم قصرها بالنسبه لقصيدة

أبا حمزه العامري او الغيهبان المري

إلا انها تضاهيهما قوة وجزاله وايضا ً قريبه للحفظ

تستحق أن تخط بماء الذهب ولا غير الذهب تخط به

و لم اقل هذا الكلام مدحا ً وتملقا ً

ولكــن شئ في خاطري


أخوكـ / ابو زيـــد