في زحمة الافواه .. يا مزين الصمت !!

[معلومات العضو حمد ابن فهد]

الصمت له عندي معزه ومقدار ..
في زحمة الافواه .. يا مزين الصمت !!

لا صار بعض البوح عند البشر عار ..
لو يشتعل جوفي حشى ما تكلمت

تعبت من قولة : (علامك) و (وش صار )
وان طحت ما ألقى سوى كلمة (سلمت)

واعذار اخلقها ولو مالي اعذار
مشيتها مره .. ومرات ما رمت !!

كذبة صباح الخير/ يا صبح الانوار
عذري ليا عدت ليالي ولا نمت

اسهر طوال اليل وضيوفي افكار
واقول لاْصحابي : نعم توني قمت !!

ما عاد فيني ألفت عيون واْنظار
يكفي بأني من زماني تعلّمت

ان الصدر بيت/ن .. وسكانه اسرار
نيام .. بس يصحون لامن تألّمت

يصحون ويناظرهم الجار والمار
وش عاد ينفع سترهم لو تكتّمت ؟!!

آقدم اقدامي على درب الاصرار
امشي ولكن للأسف ما تقدمت

(النار قدامي .. ومن خلفي النار !!)
والعمر يمضي بي وانا ما تولّمت

اجروحي اكثار..وتناهيدي اكثار
لكن على كثر المواجع .. تبسمت !!

ثم أْلتزمت الصمت وعزومي اكبار
ولو يشتعل جوفي حشى ما تكلّمت


ما راق لي

 

 

 

 

[معلومات العضو بنت الذيب]

اخوي حمد بن فهد

صح لسانك وسلمت ذائقتك الجميله

ربي لاهانك

 

 

 

 

[معلومات العضو ابو حسين الدوسري]

صح السانك يبو فهد
واشكرك على الجزاله والذائقه الشعريه
كل الشكر والامتنان

 

 

 

 

[معلومات العضو حمد ابن فهد]

المشاركة الأصلية كتبت بواسطة بنت الذيب

اخوي حمد بن فهد

صح لسانك وسلمت ذائقتك الجميله

ربي لاهانك

مرحبابك بنت الذيب وبمرورك العطر

 

 

 

 

[معلومات العضو حمد ابن فهد]

المشاركة الأصلية كتبت بواسطة ابو حسين الدوسري

صح السانك يبو فهد
واشكرك على الجزاله والذائقه الشعريه
كل الشكر والامتنان

هلا بك ابوحسين لاهنت للمرور العطر

 

 

 

 

[معلومات العضو انا ابو نايف]

لاهنت يبوفهد علي النقل المميز

 

 

 

 

[معلومات العضو انا ابو نايف]

لاهنت يبوفهد علي النقل المميز

 

 

 

 

[معلومات العضو حمد ابن فهد]

المشاركة الأصلية كتبت بواسطة انا ابو نايف

لاهنت يبوفهد علي النقل المميز

ومن قال ماهان تشرفت بمرورك اخوي

 

 

 

 

[معلومات العضو ابن غزه]

صح لسانك وسلمت ذائقتك الجميله

 

 

 

 

[معلومات العضو حمد ابن فهد]

المشاركة الأصلية كتبت بواسطة ابن غزه

صح لسانك وسلمت ذائقتك الجميله

صح بدنك ومرحبابك وبمرورك العطر