سجل حضورك بصوره وبيت قصيد

[معلومات العضو ابومبخوت الدوسري]

جات بعد عامين تنشد كيف حالك
قلت طيب بعدها غمضت عيني
خفت لاتلمح بعيوني شخص هالك
اهلكه طول الغياب ومات فيني
الله لايوفق عدوك وش طرالك؟
ليه صدقتي الكذوب اللي حكالك؟
وليه اصلا مارضيتي تعلميني؟
صدقيني يالجواب الي في بالك
مايعوض مافقدته من
سنيني كل هذا وتسأليني كيف حالك!
مايخصك زين يالله فارقيني.!!

 

 

 

 

[معلومات العضو ابومبخوت الدوسري]

صديق الشدايد ما خذا منك علـم وجـاب
وسيع الصدر يضحـك ولا هـو بزعالـي

 

 

 

 

[معلومات العضو ابومبخوت الدوسري]

لو فرضنا الكون في كفي اليمين
لو فرضنا الجن في كفي الشمال
لو فرضنا البحر في جوفي اسير
لو فرضنا الشمس تطلبني السؤال
لو فرضنا خادمي ذاك الامير
لو فرضنا امتلك ذاك الجمال
لو فرضنا كل ما قلته يصير
وامتلكت الكل في كفوف الخيال
صدقيني ارميهم مثل طفل صغير
رمى العابه يوم صحتي له تعال.!!

 

 

 

 

[معلومات العضو ابومبخوت الدوسري]

صديـق الشدايـد لا ينافـق ولا يغتـاب
يدلـه غريـب الـدار ويزيـن الجـالـي

وصديق الرخى عقاب ومصادقـه عقـاب
شجاع الحكي والمـدح بالقيـل والقالـي

وصديق الرخى ما غير صورة ولبس ثياب
يا ليته يبرقـع مالـه شمـاغ وعقالـي

 

 

 

 

[معلومات العضو ابومبخوت الدوسري]

انا اذكر يوم جيتيني وبصدرك نزيف طعون
سحبت السيف ابفزع لك وبسيفي طعنتيني

 

 

 

 

[معلومات العضو ابومبخوت الدوسري]

ترا خوة أهل الطيـب يالطيبيـن أطبـاب
يطيـب السقيـم وخـوة الاش سـلالـي

 

 

 

 

[معلومات العضو ابومبخوت الدوسري]

ابي اشوف بفراقي شلون حالك؟
وش صارلك ووش جاك؟
احلى لحظه عندي لحظة غيابك..
ولو تظن اني برجعلك ظن بس بخيالك!!

 

 

 

 

[معلومات العضو ابومبخوت الدوسري]

تغانم شبابك يا بيض الوجه دامك شـاب
ترى البدر لو يطلع قمـر عـود أهلالـي

فلا تهجر المسجد وخلـك ورى المحـراب
ترى روضة المسجد لهـا منـزلٍ عالـي

ولا تترك اللي يزهمـك خايـفٍ مرتـاب
ترى الذل ما نجـى الثعـل بـا لتحيالـي

 

 

 

 

[معلومات العضو ابومبخوت الدوسري]

جبتها عالجرح وكنك مادريت..
وأنت قاصد ماهي عالنيه صدفت..
والدليل انك تبسمت ومشيت..
وانا انادي لك ولا يمي التفت..
من عرفتك وانت تجرح مااكتفيت..
دنيتي وهي دنيتي مني اكتفت..
اقوى صدمات من ايدينك خذيت..
هذي صدمات وجديده شرّفت..

 

 

 

 

[معلومات العضو ابومبخوت الدوسري]

لعنبو من قال فالدنيـا سعـاده



والله إنه ما صدق في كل قوله



الزمان الشين حره مـع بـراده



يخلف الهقوات لو كانت صموله



لو بذل فيه الفتى كل إجتهـاده



ماحصل له من بطولاته بطوله



لو رقد مـده وكبـر فالوسـاده



ماتعرض للشقاء واتعب ذلولـه



مايهم الرجل لـو زاد إنتقـاده



الجمال كبار وتشيـل الحمولـه



كل هذا ياولد مـا منـه فـاده



اسمعه ياصاحبي واحذر تقولـه



هرجة الناقص تـردك للرمـاده



مايوديك العـلا مـن لايطولـه



إحتزم للوقت لو طـول عنـاده



من بغاله شيء فالأخر ينولـه



شد حيلك ثم خلك فـي زيـاده



المراجل ماتجي باسهل سهوله



والرجل لازم على الله إعتمـاده



إن نصرك الله تفوز بكل جولـه



والرزانه والعقل هي والركـاده



ميزةٍ لك خلها كلـش باصولـه



والعمر لو طول وطال إمتـداده



لازم الأيام يالصاحـب تزولـه



احفض الله واطلبه واد العبـاده



هذي الدنيا تمرك فـي عجولـه



قالها اللي يطلب الله الرشـاده



لو يميـل الله يعدلـه ميولـه



والصلاة إختام مني والشهـاده



الله المعبود ومحمـد رسولـه

 

 

 

 

[معلومات العضو ابومبخوت الدوسري]

فــكـرت بالـدنيــا كـفـى الله شــرهــا
أحـــد ٍ بها مـرتــاح واحــد أمتعــني

 

 

 

 

[معلومات العضو ابومبخوت الدوسري]

انا ما أحبك ... من قال اني .. أحبك؟!
لاتفسر على كيفك كلامي ..
لاتزيد بهمي والآمي ..كل الحكايه ..
اني وضعت لحزني نهايه وصرت عمري وحياتي وبالأخير ..
تقول إني احبك ..!!!
أنا ما احبك ...
اتفسر على كيفك كلامي.!

 

 

 

 

[معلومات العضو ابومبخوت الدوسري]

أوصــيك بالطـاعـة بجهـر ٍ وسـرهـا
للواحـــد المعــبــود لنــســي وجـنـي


ونــفــس ٍ تـعــرف العــلـم لله درهـا
ما تـبتـلـش في علـوم راحن وجـني


ويــارب جــنـاتــك ونــأكـل ثـمـرهـا
ونشرب بها من انهار فيها صـفني

 

 

 

 

[معلومات العضو ابومبخوت الدوسري]

غب وأعتبر كل شي بيننا تسليه..
لاتحسب اني بعد فرقاك اظل احتريك
لاانت بطموح سرقت ذهني.ولا انت امنيه..
مالت على قلب من حبك ومالت عليك.!!!

 

 

 

 

[معلومات العضو ابومبخوت الدوسري]

فوق هذا الحب أحبك وبعد أكثر كثير..
يالي تدري إن قربك أنا أحتاجه كثير..
يمكن أكثر من غلا روحي لروحي..
وأنت من نساني بالدنيا جروحي..