قصيدة رثاء في الملازم طيار / فهاد بن فالح المصارير الدوسري

[معلومات العضو مبارك العمور]

رحمك الله يافهاااد رحمتن واسعه وجعل الجنه مثواك والله يصبر اهله وربعه على مصابهم ... قصيده رثاء في الملازم طيار/ فهاد بن فالح المصارير الدوسري





الطايره تشتب في سالم الزير

وحول بها في بحر وموااج ورياح







طيار وسنافي وربعه مناااعير

ضحى بروحه لجل ماتفقد ارواح







والموت سنه والمنايا ..مقادير

الله يبيحه عد مابارقن لااااح







فهااد فالح من قروم المصارير

في قلوبنا يبقى لو ان الزمن راح







موقف بطولي سجلته التقارير

في ساعتن فيها الشهاده والاربااح







ان اشهد انه من طواال الاشابير

اهل الزمان اللي به سيوف ورمااح











الشاعر / مبارك مناحي العمور الدوسري

 

 

 

 

[معلومات العضو راشد المسعري]

مبارك بن مناحي

صح لسانك وسلم فكرك وبيض الله وجهك ورحم الله شيبانك

ابيات في بطل يستحق الرثاء ويستحق منا الوفاء

وفعلاً ضحّى بنفسه بدلاً من أن يصاب أي مواطن أو مقيم

صح لسانك يابو منااحي وتقبل ودي وتقديري ،،،

 

 

 

 

[معلومات العضو نآصر البدراني]

الله يغفر له ويرحمه ويجعل الفردوس الأعلى داره وقراره اللهم آمين


الله يتقبله في اعداد الشهداء


صح لسانك والله لين ترضى يا ابو مناحي وبيض الله وجهك ..

 

 

 

 

[معلومات العضو عبدالرحمن بن فلاح آل بريك]

رحم الله الشهيد :فهاد بن فالح المصارير . بطل من نسل أبطال . صح لسانك يا مبارك .

 

 

 

 

[معلومات العضو ماجد بن رويه]

الله يرحمه ويسكنه الجنه


عاش بطل .....واستشهد بإذن الله بطل


عزائي لأهل وذويه والدواسر كافه

 

 

 

 

[معلومات العضو شافي بن راشد النتيفات]

صح الله لسانك يابومناحي وبيض الله وجهك على هذه البادرة الطيبة
والله يرحم الشهيد فهاد وكفو فيك وفي لاد الحبيبي من غير قصور في الجميع