الشاعر الحقباني يمدح رفقاه صبيان مسعر

**معلومات** **العضو** · 05-12-2005, 09:32 PM

اقتباس:

المشاركة الأصلية كتبت بواسطة الزير سالم

السلام عليكم ورحمة الله وبركاته

حبينا بعد انقطاع طويل المشاركه بهذه القصيده للشاعر /نابت بن حسن بن شجاع الحقباني الدوسري ومناسبتها عندما تخاوى مع ربعه من المساعره للربيع في الصمان العام الماضي والقصيده خمسين بيت وكتبت ما أحفظ منها .
*أرجوا مراعاة الكلمات المشدده والتي عليها حركات لأني لا أعرف لها وإلا وظعتها بحركاتها*
وعسى ان تنال على اعجابكم
ويستاهلون المساعره

الله من قلب به الهم حضر=تحضيرة انسان يخاصم له انسان
قلب غدا للهم مارد ومصدر=تلعب به همومه على كل ميدان
مر يسندبه ومر يحدر=ومر يوقف من ردى الحظ نيشان
أنا الوحيد اللي ليا منه عبر=تا تي دموعه كنها هل ودان
دمع يسابق كل بيت ليا فر= من شوف وقت تختلف فيه الأوزان
من شوف وقت فيه كلش تغير=تغير سلبي ودوني ونقصان
من قل ماجوده وماله تدهور=يجفا ولو انه كما الذيب سرحان
يجفى ولو انه كما الحر الأشقر=ولو كان يلقى في المواقف كحيلان
يلقى بوقت الضيم والوقت الأقشر=لا كشرت سود الليالي بالأزمان
ومن كثر ماجوده وماله يقدر=لو كان مايسوى التوالي من الضان
لا جالب خير ولا مانع شر=يغلط وعند الناس ماهوب غلطان
هذا زمنهم جاك في ملعبه قر=هذا زمنهم كان ياليت ما كان
وخلاف ذا قم يانديبي تنحر=من فوق جيب من (مدي إن جابان)
صفارته لا دعسوله وصفر= صفرة حكم أو حيه بين عتشان
وتوايره بالون زادته منظر=خليجي اسبيرين مكره وسستان
واللون جيشي جاك به خط أحمر=توه جديد ما بعد وضبه خان
يفر فرة حر من مسبقه فر=شاف الحباري قدم عينه بالأعيان
أركب نديبي قوف ذا الجيب وانحر=دار الشجاعه والكرم دار الأخوان
واختص باالمرسول صبيان مسعر=سيف الدواسر من قديمات الأزمان
سيف صقيل من الورد أحمر =مايختلف في فعلهم منطق إثنان
صبيان مسعر نعم يا لاد مسعر=ياسربه ماترضى الذل والهان
واختص من مسعر هل البد الأشهر= أبا الحسن من بين شايب وشبان
أبا الحسن نجم تعالى ونور=دليل تايه مادرى وين الأوطان
أبا الحسن غيث من القبله أمطر=وزياف عشبه يشبه لزوف بستان
أبا الحسن بحر به الخير والشر=إن هيج هاج وإن هدا زان وإزدان
هل خوة فيهم مديحي تقاصر=يدرون للخوه لها عندهم شان
نعم بهم ياسامعي نعم أشهر=أشهر من الإسلام من بين الأديان
نعم بهم ياسامعي نعم أعطر=من ريح نرجس فاح من ريح ريحان
قلته وأنا نابت من الساس الأندر=معرب مابين خال وعمان
(حقباني)مجده من الراس للثر=كله فخر وأمجاد في كل الأوطان
من لابة منها الفعايل تحدر=مصدر ومرجع للفعايل وميزان
وأكبر عطيه بالوطا جات تذكر=عطية جزلا على مر الأزمان
عطية العرعير في الكون الأقشر=(بيض اللهايد)مدها مد الأيمان
وصلاة ربي ياالملا عدة الذر=على نبي ثبت الدين بأركان
محمد اللي بين الخير والشر =الهادي اللي بين الدين بإحسان

صح الله لسان الشاعر نابت بن حسن بن شجاع الحقباني الدوسري

ويستاهلون خوياه وعلمهم غانم

وماعليك زود يالزير سالم وتستاهل الطيب

ونعم بصبيان ال ابا الحسن يستاهلون الطايله

ولاهنت على نشر الابيات

اخوك الحر

**معلومات** **العضو** · 06-12-2005, 02:26 AM

[QUOTE=الحر][align=center]

[color=#0000CC]صح الله لسان الشاعر نابت بن حسن بن شجاع الحقباني الدوسري

ويستاهلون خوياه وعلمهم غانم

وماعليك زود يالزير سالم وتستاهل الطيب

ونعم بصبيان ال ابا الحسن يستاهلون الطايله

ولاهنت
على كتابة القصيده

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الدراسة التفصيلية الكاملة لشعر المحاورة	عقاب بن هذال ال بريك	:: قسم المــحــاورة والألــغـاز::	8	09-10-2010 09:54 PM
التغطية المصوّرة (الحصريّة) لحفل الشيخ بادي بن ناصر آل بوزمام المساعرة تكريماً لموقف الشيخ هذّال بن راشد بن هذّال الحقباني .	الإداره	:: قسم اللقــاءات والفعاليات والتغطيات الخاصة::	24	28-06-2010 10:57 AM
بيّض الله وجه الشيخ هذال بن راشد الحقباني على ماقام به من تنازل عن قاتل ابنه لوجه الله تعالى [ لقاء حصريّ + تغطية مصوّرة ]	الإداره	:: قسم اللقــاءات والفعاليات والتغطيات الخاصة::	42	21-06-2010 04:23 AM
التغطية الـمصّورة للحـفل الثـاني لموقع الدواسر الرسمي برعاية الغرره	الإداره	:: قسم اللقــاءات والفعاليات والتغطيات الخاصة::	29	18-08-2007 07:40 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية