انـا بقلبـي هـم وان قيـل سالـي

[معلومات العضو خيالية]

المشاركة الأصلية كتبت بواسطة مسفر ابن عبدالله الدوسري

حار القدم واصبح نديمـي ادلالـي=وبانت مواري الهجر صبح وعشيـه
ياطيـر وشبـك كافـخٍ ماتبـالـي=تبغـى الفـلا والا تقـاوى علـيـه
همي انـا ياطيـر ثقـل الجبالـي=عقب الرخاء صارت ايديني خليـه
وين الربوع اللـي اتشـد الرحالـي=ذا وارد وذا صــادرٍ بالعـطـيـه
يانجر ياللـي لـه صليـل ايلالـي=معذور لا صارت الحونـك شجيـه
ماكل من علـك اعلومـه اتشالـي=ياكثر مـن هرجـه يـزود البليـه
ياجعـل ماتبخـر ادلالٍ اعـلالـي=لمنهو يواسي من نقـل هـم خيـه
انـا بقلبـي هـم وان قيـل سالـي=مابريـت وسومـه وتباريـح كيـه
لاصار مِشْعِل نارَها حيـل غالـي=لاتِلحقْ المشـروهِ مِذْكـي الجثيـه
ترى المقاضى فى الردى نقص حالي=وياشينهـا مِالِلـي اعلومـه شليـه
امـا تقـول الله يجـزاه صـالـي=ولا العفـو فـي ساعـهِ المَقْدِريـه
هذا وصلى الله على احمـد ولاالـي=اختم بها شرحي افصـول القضيـه
.=
=مسفـر ابـن عبـد الله الدوسـري

اللهم صلي وسلم على نبينا وحبيبنا محمد صلى الله عليه وسلم

صح لساااانك وشعرك ،،

اعتلت معاانيه وابدعت تصويراته التي لامست الحقيقه ،،

احترااامي وتقديري ..

 

 

 

 

[معلومات العضو مسفر ابن عبدالله الدوسري]

المشاركة الأصلية كتبت بواسطة خيالية

اللهم صلي وسلم على نبينا وحبيبنا محمد صلى الله عليه وسلم

صح لساااانك وشعرك ،،

اعتلت معاانيه وابدعت تصويراته التي لامست الحقيقه ،،

احترااامي وتقديري ..

صح الله بدنك يالخياليه ومشكوره على المرور. لاخلا ولا عدم.