سلمان بن عبدالعزيز

[معلومات العضو شافي بن راشد النتيفات]

المشاركة الأصلية كتبت بواسطة عبدالرحمن الجبابرة

اقتباس:المشاركة الأصلية كتبت بواسطة شافي النتيفاتبمناسبة نجاح عملية صاحب السمو الملكي الامير / سلمان بن عبدالعزيز ال سعود امير الرياض الحمدلله علىا سلامة ابوفهد هذه قصيدة في سموه وهي مجاراة لقصيدة السامر ارجو ان تحوز على رضاكم

يطير ياللي ما يوني رفيفه = احمل سلامي يوم بالجو حايم
وصل سلامي للوجيه النظيفة = وصل سلام عد وبل الغمايم
لبو فهد سلمان هاك اتعريفه = راع المكارم والوفا والغنايم
والعدل والناموس يبقى وليفه = وان كبرت القاله يشد العزايم
حر شلع فوق الجبال المنيفة = مايعوقه المشراف والا السمايم
هيبة وعز ومجد دايم حليفة = له طلة تمحى جميع الظلايم
هاز الصعايب والامور الكليفة = وجاته مطيعه من عصور قدايم
خمسين عام ونجد يفخر بطيفة = ويمرها طيفه بوسط النسايم
اسمه باسم نجد المسمى رديفه = كل الوطن في حب سلمان هايم
يانجد شيخك مايحصل وصيفه = لاجا نهار فيه حذف العمايم
تبقين يانجد العذية شريفة = ما دنسوك اهل البغي والجرايم
اهل العقول الناقصات السخيفة = ماتهز نجد وشيخها حي قايم
عز لداره نجد درعه وسيفة = قسمه لداره من خيار القسايم
العود طيب والخليفة خليفة = عبدالعزيز اللي يفك الخصايم
عسى كتابه باليمين النظيفة = في جنة الفردوس نازل وقايم

وافي أخوي الشاعرالميز, شافي النتيفات

صح لسانك ملايين وبيض الله وجهك

ونسأل الله العلي العظيم بأن يشفي أميرنا المحبوب

وبأن يمتعه بالصحة والعافية وجميع المسلمين يارب العالمين

شكرا على مرورك الله لايهينك