التغطية المصوّره لحفل خريجي ابناء القبيلة من كلية الملك فهد البحرية

**معلومات** **العضو** · 09-05-2011, 01:02 AM

الحمد لله رب العالمين والصلاةوالسلام على المبعوث رحمة للعالمين ومن اهتدى بهديه الى يوم الدين ,,, أما بعد

إخواننا أعضاء وزوّار ومرتادي الموقع الرسمي لقبيلة الدواسر

حضر الحفل :

عضو مجلس إدارة الموقع الأستاذ فهد بن هادي الغريري
وعضو مجلس إدارة الموقع الاستاذ /راشد بن محسن المسعري

أعدّ التقرير:

عضو مجلس إدارة الموقع الأستاذ فهد بن هادي الغريري

في يومٍ بهيج جمع اعدادً كبيره من ابناء الدواسر مباركين للخريجين تخرجهم وداعين الله لهم بالنجاح والتوفيق في عملهم وخدمتهم لوطنهم وسط حضورً كبير من أبناء قبيلـة الدواسر إحتفل خريجي كلية الملك فهد البحريه من أبناء قبيلـة الدواسر مساء يوم الخميس 17/5/1432هـ بقاعةالمملكه بالدمام بتخرجهم مبتهجين وفرحين بهذا اليوم التاريخي لهم ، وإن قبيلـة الدواسر لتحتفل جميعاً بإضافة لبنةٍ صالحة يستفيد منها بلادنا في شتى المجالات والأقسام ، وكما كان هناك فعاليات مصاحبة للحفل من إقامةٍ للعرضة النجدية و إحياء أمسية شعرية .

الملازم تركي بن سعود بن قويد

حيث بدأ مقدم الحفل الملازم تركي بن سعود بن قويد
بتقديم الحفل والترحيب بالضيوف الكرام وبمشائخ وأعيان وأبناء قبيلة الدواسر والتهنئة لخريجي كلية الملك فهد البحريه لعام 1432هـ وخير بداية آيات من الذكر الحكيم تلاها الخريج معجب عايض المصارير

الخريج معجب عايض المصارير يتلوا أياتٍ من الذكر الحكيم.

الملازم سلمان بن مران بن قويد

القى الملازم سلمان بن مران بن قويد كلمة الخرجين حيث شكر الله ثم شكر الحضور على حضورهم

الشيخ محمد بن مران بن قويد

ومن ثم القى الشيخ محمد بن مران بن قويد كلمه بهذي المناسبه

الشاعر مسفر بن عبدالله بن شملان الحقباني

بعد ذلك القيت قصيد منبريه للشاعر مسفر الحقباني، يقول فيها :

يا هاجسي ذالليل والضغط زايد=وعلاج ضغطي في قوافيك عدة

باخذ معك كبسولة للفرايد=واسوق فكري للمعاني وارده

لعيون حفلٍ كل مافيه كايد=وحظوركم بلحاله يعد مده

مدت وفاء للي تحدوا الكوايد=ضباطنا اللي للشدايد معده

ماهوب ادنى ضابط له شهايد=ولاهوب ادنى من سبق طال سده

دواسر مدهالهم في النوايد=الكل منهم يعتلي باسم جده

صيغيرنا فالهوش للجيش قايد=يسوق عمره ما يحاتي امضده

وكبيرنا له هيبة له تزابد=مع كل يوم وهيبة مستجدة

دواسر لا جاء نهار الشدايد=كواسر والطيب فيكم مردة

اللي زبنا يهتني في المعايد=واللي حربنا دمعتة فوق خدة

يا عزوتي يالاد تغلب وزايد=يا حزامي اللي للنوايب مشده

و انتم حماة للوطن والعقايد=وانتم غناة اللي زمانه يحده

لان الكرم والجود فيكم عوايد=ولان الطناخة ورث ما نستمده

واليوم حنا والقبايل سنايد=لموحدين الدولة المستبدة

في ظل ابو متعب وسيع البنايد=سعد الجزيرة دامها تحت يد

قصيده ثاني لشاعر مسفر الحقباني في خادم الحرمين الشريفين

بديت باسم الواحد المتعالي=ربٍ رحوم وعالمٍ بحوالي

الحمد له والشكر وله المنه=يوم استقرت عيننا بالغالي

اهل الحضارة والبدو له تشفق=وتنشد عن علومه وعن الاحوالي

يابنت ياللي ما خَضَبْتِي الحِنّا=حزنٍ عليه وكحل عينس سالي

انقي من ثياب الفرح اسعدها=ولفي الطمأنينه حجاب وشالي

عليس ستر ٱلـُلـّھ وامانه دامس=في ظل من يحكم بشرع الوالي

ياسيّدي ٱلـُلـّھ يطوّل عمرك=ويبلّغك الاحسان في الاعمالي

يا خادم البيتين فخر الامة=يا محقق الآمال للأجيالي

كان الشعوب تقول للحكم ارحل=لا وٱللـِّہ الا لـڳ تشد رحالي

يا قايد وقت الشدايد يذكر=له حكمةٍ تضرب بها الامثالي

تجري الشجاعة فيه مجرى دمه=ومن طنخته حتى عقاله مالي

متسلسل من صلب راس معزي=عبدالعزيز الفيصل البتالي

شايل بقلبه هم الانسانية=لين امتلك في قلوبنا منزالي

كم شيخ قومٍ جاك يبغي الفزعة=واحييت سلمٍ كان قبلك بالي

أمّنْت خوفه يا عريب النخوة=من عقب ما ضِيّق عليه الجالي

أسست للتعليم علمٍ ثاني=مكارمك للمبتعث تنهالي

تنظر بعينك نظرةٍ بعيدة=ساس الوطن ما اهتز من الاهوالي

كم فتنةٍ قَوّضْتها في مهدها=لـڳ هيبةٍ تَردع بها العَيّالي

أنت الفخر وانت الذخر والمنصا=وانت اللذي مداتك النا جزالي

يا مرحبا باللي علينا عوّد=واستبشروا به كلّبوا الاهالي

يا مرحبا باللي علينا نوّر=ترحيبةٍ ما خاطر مازالي

يبدي ولاه لشخصك الابداعي=ويسوق عمره ما حسب للتالي

يا مرحباً بك في محلّك ياللي=احييتنا مثل الحيا الهمالي

نذرٍ علينا لو يصيح الصايح=في ليلةٍ تقدح بشهب الآلِي

إنّا ذخاير الاسلحة وَجِّهنَا=وانسف بنا العَيّال والمتعالي

إنّا الدواء لكبود من صافانا=ولكبود عدوان ارضنا سلالي

إنّا عيالك ما معك متجمل=ولا نِمنّ بخدمتك مثقالي

نذرٍ علي لأفديك ياعبدٱلله=أقولها والثوب به رجالي

وبعد ذلك بدأت الأمسية المقامة في هذا الحفل احياها كلاً نخبه من الشعراء ، وهم : الشاعر نايف بن مسرع والشاعر عبدالعزيز الدلبحي والشاعر راشد بن دحيم النتييفات , ثم تبادل الشعراء الادوار بإلقاء القصايد الرائعه التي تفاعل معها الجمهور

من اليمين الشاعر نايف بن مسرع والشاعر عبدالعزيز الدلبحي والشاعر راشد بن دحيم النتييفات

ثم بعد انتهى الامسية تم تكريم الشعراء المشاركين والضباط المتخرجين وهم: الملازم سلمان بن مران بن قويد والملازم تركي بن سعود بن قويد والملازم محسن بن تركي بن قويد والملازم فهد بن بنيان الغييثات والملازم نايف بن سعد الغييثات والملازم حمد بن ابراهيم الشرافي والملازم عبدالله بن عبدالعزيز الغييثات والملازم فيصل بن تركي البدراني والملازم عبدالله بن ابراهيم الودعاني والملازم فلاح بن ذيب الكبرا والملازم خالد بن ذعار الرجباني والملازم هيثم بن عبدالله الودعاني والملازم تركي بن عبدالحافظ الحباشين المسعري

تكريم الشاعر نايف مسرع من قبل الشيخ محمد بن مران بن قويد

تكريم الشاعر عبدالعزيز الدلبحي من قبل الشيخ محمد بن مران بن قويد

تكريم الشاعر راشد بن دحيم النتييفات من قبل الشيخ محمد بن مران بن قويد

تكريم الشاعر مسفر بن عبدالله الحقباني من قبل الشيخ محمد بن مران بن قويد

تكريم الملازم سلمان بن مران بن قويد من قبل الشيخ محمد بن مران بن قويد

تكريم الملازم تركي بن سعود بن قويد من قبل الشيخ محمد بن مران بن قويد

تكريم الملازم عبدالله بن عبدالعزيز الغييثات من قبل الشيخ محمد بن مران بن قويد

تكريم الملازم خالد بن ذعار الهدلا من قبل الشيخ محمد بن مران بن قويد

تكريم موقع الدواسر الرسمي ممثله بالاستاذ فهد بن هادي الغريري من قبل الشيخ محمد بن مران بن قويد

تكريم راعي الحفل الشيخ محمد بن مران بن قويد من قبل اخوانه الخرجين

صور عامه من الحفل

الشيخ محمد بن مران بن قويد بجانبه الشيخ ابراهيم بن مبخوت الشرافي

من اليمين عبدالحافظ ابراهيم السعيد المسعري

من اليمين الشاعر نايف بن مسرع وبجانبه حمود بن ضاوي المسعري

نادر المسعري

وختاماً تتقدم إدارة موقع قبيلة الدواسر الرسمي بخالص التهاني والتبريكات للخريجين الذين بذلوا الغالي و النفيس من أجل التعلم والإستفادة من الخبرات العسكرية لما يقومون به من واجبات تجاه حكومة خادم الحرمين الشرفيين وسمو ولي عهده الأمين ونسأل الله العلي القدير أن يوفقهم في مهماتهم العملية

(صوت قبيلة الدواسر)
منتدى قبيلة الدواسر الرسمي
www.alduwasser.org/vb

**معلومات** **العضو** · 09-05-2011, 01:35 AM

يعطيكم العافية على النقل والتغطية المميزة والله يوفق الخريجين
واشكر ابوراشد فهد الغريري على التغطية

**معلومات** **العضو** · 09-05-2011, 02:08 PM

الله يوفق الخريجين لما يحب ويرضى

وبارك الله في جهودكم ادارة موقع قبيلة الدواسر الرسمي
على هذه التغطية المميزة كما عودتونا دائما

نتابع وكأننا متواجدين في الحفل

دمتم بحفظ الرحمن

**معلومات** **العضو** · 09-05-2011, 06:06 PM

أتقدم بخالص التهاني والتبريكات للخريجين الذين بذلوا الغالي و النفيس من أجل التعلم والإستفادة من الخبرات العسكرية لما يقومون به من واجبات تجاه حكومة خادم الحرمين الشرفيين وسمو ولي عهده الأمين ونسأل الله العلي القدير أن يوفقهم في مهماتهم العملية والى ما يحب ويرضى...

واتقدم بالشكر لـ مشائخ وأعيان وأبناء قبيلة الدواسر والضيوف الكرام على مشاركتهم فرحة ابنائهم الضباط تخرجهم...

واتقدم بالشكر لإدارة الموقع على تغطيتها المميزة ومشاركتهم فرحة ابنائنا الضباط تخرجهم وعلى القوة ممثلةً بالاخ فهد الغريري والاخ راشد المسعري...

تحياتي وتقديري~ْ،

**معلومات** **العضو** · 09-05-2011, 08:12 PM

--------------------------------------------------------------------------------

يعطيكم العافية على النقل والتغطية المميزة والله يوفق الخريجين
واشكر ابوراشد فهد الغريري على التغطية

**معلومات** **العضو** · 09-05-2011, 08:14 PM

ماشاء الله تبارك الله

الله يوفقهم ويسدد خطاهم لكل خير

والشكر كل الشكر لإدارة موقعنا المميز في تغطياته ونقله للأحداث بكل تفرد وتميز

وفقكم ربي

**معلومات** **العضو** · 09-05-2011, 08:42 PM

حفل مميز واسأل الله أن يوفق الخريجين " حماة الوطن "

وأسأل الله أن يوفقهم في حياتهم العملية

والشكر موصول لكل من حضر هذا الحفل

**معلومات** **العضو** · 09-05-2011, 09:59 PM

ماشاء الله تبارك الله

الله يوفقهم ويسدد خطاهم لكل خير

والشكر كل الشكر لإدارة موقعنا المميز في تغطياته ونقله للأحداث بكل تفرد وتميز

وفقكم ربي

**معلومات** **العضو** · 10-05-2011, 01:15 PM

الله يوفقهم لكل ما يحب و يرضى

بيض الله وجيهكم على هذه التغطية الرائعة

لاهنتوا

**معلومات** **العضو** · 12-05-2011, 09:09 AM

جهد متميز

شكرا للأخوة في إدارة المنتدى و ألف مبروك للخريجين و اجمل التهاني للشاعر مسفر بن عبدالله الصليبي على هذا الحضور المبدع و غلى الإمام إلى الأمام بيت بيت شطر شطر

**معلومات** **العضو** · 26-05-2011, 01:26 AM

وفقكم الله وسدد خطاكم

**معلومات** **العضو** · 26-05-2011, 05:20 AM

الف مبروك للمتخرجين والله يوفقهم

ومنها الى الاعلى ان شاء الله

**معلومات** **العضو** · 20-06-2011, 10:14 PM

ألف مبروك ونتمنى لهـــــم دوام التوفيق والنجاح في حياتهم لخدمه دينهم ووطنهم

وأشكر أبو راشد على تغطيته للحفل الاكثر من رائع

وتقبلوا تحياتي ،،،،،،

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
التغطية المصوره لحتفل خريجي كلية الملك عبدالعزيز الحربية من أبناء قبيلـة الدواسر	الإداره	:: قسم اللقــاءات والفعاليات والتغطيات الخاصة::	15	01-04-2011 01:35 AM
التغطية المصوّرة لحفل قبيلة الدواسر بدولة قطر بمناسبة اليوم الوطني للدولة.	الإداره	:: قسم اللقــاءات والفعاليات والتغطيات الخاصة::	11	11-03-2011 06:45 AM
سيرة الملك خالد بن عبدالعزيز رحمه الله	عبدالله الحافر الغييثي	:: القسم الـتاريخــي الــعام ::	16	30-09-2010 11:24 AM
سورة الملك أكثر من 40 قارئ + تفسير سورة الملك	صادق الود	:: قسم الصوتيات والمرئيات والصور بما يوافق الشريعة الاسلامية ::	4	17-09-2010 04:27 PM
التغطية المصوّره لحفل خريجي ابناء القبيلة من كلية الملك خالد للحرس الوطني	الإداره	:: قسم اللقــاءات والفعاليات والتغطيات الخاصة::	22	16-07-2010 03:05 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية