سلام يامنتدى دوسر وعشاقه=انا من الان عضو ماهوب غابي

[معلومات العضو محمد بن سالم الخضراني]

المشاركة الأصلية كتبت بواسطة محمد بن طفلان المخاريم

صفوة بكار الفكر جتني على فاقه=صوتي شعاها وانا في راس مرقابي
أليا صفعني زماني جات تواقه=بخفوفها تهبد الضيقه ولاتعابي
برق المعاني شعاني نوض براقه=واستقتنا يم داره جرد الارقابي
سند الغوارب كبار الروس عمالقه=لا ضيق الهم صدري زادة اعجابي
لاحولت وسط حوش العرض منساقه=تسر عين الرفيق وتغبط الهابي
غزايز ماقفاها سايق الناقه=افرح بها صاحبي قبل الاجنابي
كسبتها من ش\عيب زمة اوراقه=حناشله واجد وسط الادعابي
ماجيت له بالخفا ولا تدراقه=جيته وانا واثق مانيب مرتابي
عن كسبها ماردعني الاش والعاقه=اللي من الحقد دمه دار وانسابي
سلام يامنتدى دوسر وعشاقه=انا من الان عضو ماهوب غابي
الشعر ياهل الشعر ماحلى تطراقه=اليا خطف ذايقة باشات الالبابي
الشعر قول يازين الفعل يستاقه =حتى انها تنقبل ياطوال الاشنابي
واليوم كلا" على شفه رقع ساقه=ماهمته وجهته سلبي واجابي
باقول لي كلمة ماهيب للفاقه=اليا هذب بالعبياء كل نصابي
بعض العرب اليا بغينا نكشف اوراقه=من هرجته ماخذ له حفنة اترابي
اليا وقف في المنابر كفف اشناقه = انا الصتيمه وابوي معرب انسابي
والراس صابه وجع من كثرة ازعاقه=خليقة" قام يفتح فمه ويبابي
والكف يومي تقول كفوف طقاقه=اليا وقفت بالطبل هز ياعنابي
والمعذرة ياهواة الشعر واذواقه=الكلمه اللي مضت ماهيب في حسابي

صح لسانك الى مالا نهايه

مبدع يابن طفلان وعزالله انك صدقت

شاعر لايختلف على شاعريتك ماشالله تبارك الله