يالعزوبي ويش تبغى بالزواج

**معلومات** **العضو** · 12-07-2010, 03:24 AM

السلام عليكم ورحمة الله وبركاته

من كم يوم ارسل لي واحد من الربع رسالة جوال يحدد لي فيها موعد زواجه

والله وارد عليه بهالبويتات من باب المزح وارسلهن له ، وقلت تشاركوني رايكم

وتراها مزوح مهوب صدق ، ولا العرس تراه احسن شي ههههههههه

يالعزوبي ويش تبغى بالزواج =ويش جـابك للبلش والبهذله
بالعزوبيه تـرى حلــو المزاج =والزواج اول وداع المرجلــه
اولــه زيـن(ن) ويلحقـــه ازدواج =وتالــي الايــام تصبـح منبلـه
تدخله لكَّــن مالك مـن خـراج =والشقــا يربط يديك بسلســة
فيه كثر الـزنّ وانواع الدواج = ودنـا .. جبنا .. ورقّه وانزله
ينقضي عمرك بشجب واحتجاج = وماتحصل غير صغر المنزلة
وكل يوم لك مع الشر انبلاج = والبلاوي في حداك محوله
خلك عزوبي ومفلول الحجاج = ناصــح لك دام دربك بأولــه

وسلامة الجميع

**معلومات** **العضو** · 12-07-2010, 03:29 AM

ههههاي اقول عسى خويك ماهون من العرس هههايً

صح لسانك وقصيده طريفه ولآهنت يا جلاجل

**معلومات** **العضو** · 12-07-2010, 03:38 AM

ههههههههههههههههههههههههه

صح لسانك وقصيده طريفه ولآهنت يا جلاجل

تقديري,,,,

**معلومات** **العضو** · 12-07-2010, 05:25 AM

ههههههههه

صح لسانك الايالبى الزواج الله يجزاك خير عساه مايهون

**معلومات** **العضو** · 12-07-2010, 11:46 AM

خخخخخخخخخخخ

بس جعله مايهوّن

صح السانك ياجلاجل
ابيض وجه

**معلومات** **العضو** · 12-07-2010, 03:17 PM

ههههههههههه
انا اعارضك
صح لسانك واعتلى شانك
ولاهنت

**معلومات** **العضو** · 12-07-2010, 03:45 PM

لا هنت اخوي جلاجل على الابيات الطريفة

والموت الموت ان خويك صدق وهون من العرس

هههههههههههههههههههههههههه

تحياتي

**معلومات** **العضو** · 12-07-2010, 04:26 PM

صح لسانك وانا اخالفك تماما

اول شئ الرسول صلى الله عليه وسلم

اوصى بالزواج وحث عليه وانت هنا خالفته الله يصلحك هههه

ثاني شئ الرجال احمر العين ماتشيخ عليه الحرمة

لانك تقول الزواج مشاكل وده هاته الخ

وسلامتك

**معلومات** **العضو** · 13-07-2010, 01:20 AM

اقتباس:المشاركة الأصلية كتبت بواسطة شافي النتيفاتصح لسانك وانا اخالفك تماما

اول شئ الرسول صلى الله عليه وسلم

اوصى بالزواج وحث عليه وانت هنا خالفته الله يصلحك هههه

ثاني شئ الرجال احمر العين ماتشيخ عليه الحرمة

لانك تقول الزواج مشاكل وده هاته الخ

وسلامتك
الرسول صلى الله عليه وسلم وجه لزواج الودود الولود اما الحين ماعاد به لا ودود ولا ولود الامارحم ربك وهم قله نادره في ها لوقت اما بالنسبه لاحمر العين الله المستعان هذولاك الاولين اليوم ماعادبه الا اخضر العين هههههههههه والشاعر اعتقد انه صادق والدليل عزوف الشباب عن الزواج ولكن الشاعر ابدا بعض التحفظ هههه لا ادري لماذا على العموم اشكركما على القصيدة والتعليق المبارك

**معلومات** **العضو** · 13-07-2010, 01:38 AM

خلـك عزوبـي ومفلـول الحجـاج
نـاصـح لــك دام دربـــك بـأولــه

صح الله لسااااااانك ياجلاجل
عسى بس ماوهقته هههههههه وسمع نصيحتك
عسى الله يوفقه ويوفقنا وياك ياجلاجل
اضحك الله سنك مداعبة على وتر حساس
وفكاهة شاعر مبدع في كل احواله..
تقبل مروري ياجلاجل..

**معلومات** **العضو** · 13-07-2010, 01:40 AM

لا هنت وبارك الله فيك

وصح السانك على هذه القصيده

والله يوفقه ويرزقه بالذريه الصالحه..

**معلومات** **العضو** · 13-07-2010, 01:50 AM

لا هنت اخوي جلاجل على الابيات الطريفة

**معلومات** **العضو** · 09-05-2011, 02:31 PM

صحت ابدانكم جميع وحياكم الله

لا والله الا العرس زين بس حنا نتعير بس << ابوك يالدبلوماسية

عاد انتم خابرين العطلة اقبلت ولزوم نرفع القصيدة للتحذير والتنوير (:

**معلومات** **العضو** · 10-05-2011, 08:39 PM

اقتباس:

فيـه كثـر الــزنّ وانــواع الــدواج
ودنــا .. جبـنـا .. ورقّــه وانـزلـه

هههههههههه

صح لسانك

وعز الله إنك خرشت الرجال

عساه ما يأجل عرسه

لاهنت وتقبل ودي وتقديري ،،،،،

**معلومات** **العضو** · 10-05-2011, 11:10 PM

خذيت قلبه وهو مابعد أعرس

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية