قصيدة بمناسبة الرئاسة الفخرية للأمير مرّان بن قويد(مسعود المقابله)

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة الشكري

هذه قصيدة قالها شاعر المنتدى المعروف مسعود بن سعد المقابله بمناسبة تسلم الأمير مرّان بن متعب بن قويد -حفظه الله- أمير قبيلة الدواسر الرئاسة الفخرية لموقع قبيلة الدواسر الرسمي والتي تسلمها عند زيارة الأخ هايف العماني لوادي الدواسر مؤخراً، مما كان له أطيب الأثر في نفوس الأعضاء وابناء القبيلة ومن بينهم الشاعر مسعود المقيبلي فيقول :

القصيدة بصوت شاعرها

يا اللبيب اكتب وراجع ودقق بالكتاب= من بيوت ٍ بالمواجيب تقضي نوبها
المعاني حضّرت من عقب طول الغياب=والمشاعر تصطلي والهجوس تلوبها
قمت اراجع واتخير نوادرها العذاب= مقصدي تعجب هل العرف لا غنوبها
الفخر للمنتدى في عزيزين الجناب= والقيادة عند اهلها تجدد ثوبها
عند شيخ من شيوخ يهدون الصعاب= عند (ابو زابن) سعد عينها وعجوبها
قادها ابن قويد ((مرّان)) حلال الصعاب= شيخنا لامن شيوخ العرب مارو ابها
شيخته من شبته بالجزاله لين شاب= قايد ٍ للدوسري شرقها وغروبها
شيخته ماهي بالختم ولا الانتخاب=ينقل ثقال المعاني اليا بحلوبها
بالكرم والحلم والعرف مع لين الجناب= وجاه ٍ مقدر وفزعاتٍ بماجوبها
من سلايل مروية باللقا علط الحراب= محتمين الطايلة لا انتخى مندوبها
الشيوخ اللي تحسب العرب لهم الحساب = شيخة ٍ وسط الميادين ماهي دوبها
في قيادة مقدمة الجيش مانعت العقاب=الشيوخ اللي تعنى الهداوي صوبها
انشد التاريخ يعطيك ماكود الجواب= في صدارة صفحته يومهم حلوا بها
من صغار فعالهم يوم بالملح اشتباب= كسرة الحكام لا جا الزعل مندوبها
في دكاك (المعتلى) يوم نور الشمس غاب= من محاذيف الرمك كل ما ردوبها
رعدها النقريز والبرق منقوش النصاب= وسيلها الدم الحمر والعجاج نصوبها
فوق قب ٍ ضريّت بالملاقا ما تهاب= من كثر ما هم على المعركة وردوا بها
في زمان فيه للخيل ورده وانقلاب=وردوا الريشة اللي يذكر جوبها
لين عز معزي الدين والشيطان خاب= وخمدت نار الفتن وانطفى شبوبها
واسمحلوا لي يالنشاما قبل ختم الجواب= برفع بيضا اللواهق لمن فازوا بها
بيض الله وجه من قام في حفظ الآداب = وحفظ تاريخ القبيلة و حفظ حروبها
المدايح (( بالعماني)) مضاربها صواب= تفتخر فيه الادارة ومن قاموا بها
مارث جدار العطايا واهل عوص الركاب= الثمان اللي ثنوا دونها واقفوا بها
والسلام ختام والشعر له منهج وباب= سجلوها يالنشاما علي واحكوا بها

	الأخ العزيز الغالي : الشكري أبو عبدالله جعل والله يمينك مايجيها العطب ياسنايدي وجعل من أرثك في الجنه ياشعلة النشاط في المنتدى من يوم لآخر وأنت تتحفنا بما هو جديد ومفيد وماهاذه الرائعه إلأ دليلٍ على إبداعاتك المتوهجه أما القصيده فماذا أقول عنها ولكن بإختصار قيلت فيمن يستحقها ولنا الشرف جميعاً في تولي الأمير مران بن قويد طول الله عمره الرئاسه الفخريه للمنتدى العزيز على قلوبنا واللذي يحمل إسم قبيلتنا العزيزه وإبن قويد وآل قويد مهما كتب فيهم فأنا أعتبره قليلٍ بحقهم فهذه العائله الكريمه فعلت مجداً لايضاهيه كتابة قصائد أو مجلدات ويحق لنا بأن نفتخر بهم فهم الأمراء للقبيلة كافه وهم خير من يقود دفة هذه القبيلة الشامخه فصح الله لسان الشاعر مسعود المقيبلي على هذه الهديه للأمير مران وللمنتدى عامه ويستحق ماقيل فيه أبو زابن طالت لياليه وأيامه وكما لاننسى مجهود الأخ هايف بن مبارك العماني الغياثات على مجهوداته المستمره واللتي منها زيارته الأخيره للوادي وللأمير مران وعرض الرئاسة الفخريه للأمير مران وكذلك نشكر مران لقبوله الرئاسه الفخريه اللتي أسعدتنا جميعاً أدام الله العز والفخر للقبيله وأفرادها جميعاً . هذا وتقبل ودي وتقديري وشكري وعرفاني لمقامك العالي ياأبو عبدالله محب الجميع : دغش بن بطي