يا قلب لا تحزن وما صار مكتوب

[معلومات العضو نمر بن الأشيب]

جار الزمان وشبّ فالقلب لاهوب = وشمس السعاده حوّلت للمغيبي
وجوّي تكدّر وأصبح الوضع مقلوب = كنت الطبيب وصرت أدوّر طبيبي
أول لبعض الناس غالي ومحبوب = واليوم ذاك البعض قد هو حريبي
وأنا ما أحَسب إب رأي جربا ومجروب = ارخوم قومٍ في قفاي إتحكي بي
ماهمّني نذلٍ يدوّر بي إعيوب = وهو إعيوبه عدّ رمل الكثيبي
ياقلب لاتحزن وماصار مكتوب = هذا قدر عمري وهذا نصيبي
ماب الحزن والدمع لو هلّ مسكوب = يقدر يعوّض مافقدت ويجيبي
ماردّ يوسف دمعة إعيون يعقوب = ماردّه ألاّ من قضى إنّه يغيبي
ربٍ كريمٍ فارجٍ كل مكروب = ابقدرته وحده يحلّ الصعيبي
ياقلبي إصبر وإحتسب وأعلن التوب = وش عاد يعني لأمتلى الراس شيبي
إن كان حلمك مات وأمسيت منكوب = فهذا طموحي ماله ألاّ يطيبي
باكر تعدّل وإ يحصل كل مرغوب = مانيب من يشرب إحثال وسريبي
أرجي عسى اللي صار كفّارة إذنوب = ورزقي على اللي فوق خلقه رقيبي

السلام عليكم ورحمة الله وبركاته

صح الله لسانك اخوي ( ابن دهمش المسعري ) وصح الله لسان الشاعر فراج بن فهد ال تركي الشكرة . . . وتسلم يمناك . .

البيتين ينطبق على كثير من الناس الذين ابتلينا بهم في كل مكان

وأنا ما أحَسب إب رأي جربا ومجروب = ارخوم قومٍ في قفاي إتحكي بي
ماهمّني نذلٍ يدوّر بي إعيوب = وهو إعيوبه عدّ رمل الكثيبي

أخوك في الله


العرابي