كنــوز البداوه لشلعان بن ظافر الودعاني

[معلومات العضو الشكري]

مجاهيـم رمليـات لخشومـهـا نيـشـان=ترافـض بلادمهـا حــداد ٍ نواصيـهـا
هوى القلب خطوى نايفه والضلوع متـان=تجي باالحـلا والزيـن وتـرد بـه فيهـا
كبيرة مـزر الـورك فجحا مـن السيقـان=تخنطـل قوايمهـا كـبـار ٍ مواطيـهـا
تمايـح بذيـل ٍ مثـل دراهـة الـغّـران=نهـار الطـرب هـذا لـهـذا يوديـهـا
لهـا غـارب ٍ متقـدم ٍ شامـخ ٍ ملـيـان=يدافـر حبـاك العيـز والعيـز حاليـهـا
وساع ٍ منادغهـا مـن الـزور للكيعـان=بها كـل شـي ٍ زيـن والملـح غاشيهـا
طيوح ٍ تحـذف اشنافهـا واسعـة بيعـان=فـروع ٍ فتـون البيـد عسـم ٍ ايداديـهـا
ولا رايعـت كـن المعنـق علـى رمـان=تعوجـه مـن العانـق خفـوق ٍ لواحيهـا
سنود ٍ من الغارب فسيحه مـن الذرعـان=عسـى ربنـا مـن شـر خلقـه ينجيهـا
والبل تراها السود والصهـب ياالضفـران=وشقـح ٍ سـواد اذيالهـا فاصـل ٍ فيهـا

رحم الله الشاعر الكبير / شلعان بن ظافر واسكنه جنته

الشاعر / ابن هديد

لا يستغرب الابداع منك

فانت له اهل فا لك جزيل الشكر

على ما نقلته وسلمت يمناك

وتشكر على اختيارك الطيب

وعساك على القوه دائما


اخوك

ابو عبد الله الشكري