لا جيت ابسج ذكره قام يزدادي!! رائعه بيني وبين غييثي

[معلومات العضو (( بعيد الهقاوي ))]

بعد السلام والتحـــــــــيـــــــــــة



مساااااااااااااااااااء الخير



هذه مساجله جرت بيني وبين شاعر غييثي



اقول فالبدايه:

حلمً حلمته عسى يالقرم ينعادي = فيه الجواهر يا نسل غياث مكنونه
فيه الجواهر وفيه المسك والكادي = ومن حلمي القلب بيّح كل مكنونه
لو كل حلمً لا نمت يجيك منعادي = صاحبك ماشاف خلق الله بعيونه

قال الغييثي:

حلمك يا راع الوفاء والطيب مافادي = حتيش لوّك تحاول ما قرب دونه
يا ويش ذا الفايده من شيل وهدادي = وانته ما اغير اتمعن في دركسونه
افضل علاجن تعالج فيه وتفادي = انك تشيله من الراس ويذبّونه

قلت :

لا جيت ابسج ذكره قام يزدادي = في قلب منهو بشلفا ذياب مطعونه
يا زينها يا ولد دلّه وبرادي = عند أريش العين والنظرات يوحوونه
هذا هوايه وهذا شربي وزادي = لكن بلّغ عربكم لا يسموونه

قال الغييثي:

ان كانك اليوم تهوى بنّ وقنادي = ابشر بها يا صحيبي عندي فنونه
وان كانك اليوم تهوى غنج وقلادي = خلك يا راع الوفاء في داخله سجونه
قبل خلف وابن عون ومعهم تنادي = ابياتهم للهوى واللي يعشقونه

قلت :

نعشق هل الطايله واعلوم الاجوادي =لكن اسهوم الهوى منهم يخلونه
اللي عن الدرب قالوا عنه متحادي = قبل أمس قالوا شمال الدار مديونه
لكن خلك .. شجاعً .. فاهم .. حيادي = قاع وصاحبك عسّه ماتمنونه ؟؟؟

ولا ردّ علي مدري ليه .. هههه




وسلامتكم ,,,

 

 

 

 

[معلومات العضو نايف الخييلي]

صح لسانك

مساجله رائعه وجزله

اشكرك على طرحها

 

 

 

 

[معلومات العضو ابو زيد الغييثي]

صح اللسانك وصح السان الغييثي

وأن شاء الله يرد عليك

 

 

 

 

[معلومات العضو راشد المسعري]

صح لسانك ياراع الوضحى انت والغييثي

 

 

 

 

[معلومات العضو فيصل الشكري]

صح لسانك

مساجله رائعه وجزله

اشكرك على طرحها

 

 

 

 

[معلومات العضو الشقرديه]

حلمً حلمته عسى يالقرم ينعـادي فيه الجواهر يا نسل غياث مكنونه فيه الجواهر وفيه المسك والكادي ومن حلمي القلب بيّح كل مكنونه لو كل حلمً لا نمت يجيك منعـادي صاحبك ماشاف خلق الله بعيونـه صح لسااااانك ولسان خويك ولاهنتو الف عافيه

 

 

 

 

[معلومات العضو (( بعيد الهقاوي ))]

حياكمـ اللهـ اخواني جميع


ومشكوررررررين على المرور



تحياتي وتقديري
للجميع

 

 

 

 

[معلومات العضو ابن الّمنع]

صح لسانك
جزل