اكتب اسم شاعر واللي بعدك يكتب قصيده له

[معلومات العضو فيصل بن جزاء]

الاخت تناهيد

هذي قصيدة"الشاعر"الدندان"عبدالله الرجباني"رحمه الله"

صبحونا طلعت الشمس وانبـاج السفـر=فـي جمـوع ٍ ماعرفنـا نعـد احسابهـا
ثم زهمنا صلـب جـد ٍ يسـوون العبـر=خبرة ٍ كنهـم أسـود ٍ تعـض اشنابهـا
مخروا سود من النيـل سبـلات النظـر=مدبحات ٍ كـن سـود الحنـوش رقابهـا
واشتبك شوب اشهب الملح وابليس ٍ حظر=وكل مدغوش ٍ يمينـه علـى مقضابهـا
والله مافي الشبوا زود ٍ على خمسة عشر=واقعدوا ناس ٍ جمـوع ٍ تسـن احرابهـا
نطحوهم مغرب الشمس والـوارد صـدر=وعاف منها عقب ماذاق سـو اسبابهـا
ترسخ (الجزلا )على السيف والماو الحمر=المصبـب والمضبـب جديـد اسلابهـا
ذا لعينا شمـخ النيـف حسكـات الوبـر=الفطير اللـي تشـادي الجريـد رقابهـا
والله ان تسند مع الجوب لازاف الزهـر=وان تعدي (جبجب ٍ) وانـت ماترضابهـا
يانديبـي وارتحـل حايـل ٍ فـج النحـر=حـرة ٍ لا روّحـت يعجـبـك صلاّبـهـا
صوب صبيان (آل زايد) بمـردود الخبـر=سرهـم بالعـلـم لاجـيـت ياركّابـهـا
سعد منهم لابته محزمـه خـزن الظفـر=هل فعول ٍ من عصور الجهل يدرى بهـا
بيض الله وجه من شاف بالعينـه حضـر=وحقـه البيضـا تنثـر عليـه اثيابـهـا

الشاعر المطلوب"الشاعر"الامير"عبدالعزيز بن سعود"السامر"

 

 

 

 

[معلومات العضو ريتآل]

الاخ / فيصل بن جزاء

رائعه من روائع الشاعر الأمير / الســـــامر




أحـدْ يبنـي بدنـيـاه ويـهـدِّي
بغيت أصبر ولكـن بـاح سـدِّي
عجايـب هالزمـان الله يكافـي
طويلـة مالهـا بالكـون حـدِّي
إلى بَرَّقتْ فيها ضـاق صـدري
وش آخذ ويش أخلِّي ويش أعدِّي
أنا فـي خاطـري كلمـة خفيـه
ابظهرهـا ولـو ماهـوب ودِّي
ولا أحـد يستشـك إنّـه هدفهـا
وانـا ماقلتهـا قصـدي تحـدِّي
أحد يخطي وهو ماهوب يـدري
يحسبه تايـه الـراي.. متقـدِّي
وأحد ينطحـك لاجالـه بحاجـه
ولامنّـه قضاهـا عنـك صـدِّي
واحد يلعب على الحبليـن دايـم
ضعيـفٍ لا يجيـب ولا يـودِّي
ونـاس ٍ ماتفيـد بهـا الجمايـل
تراهـم مابهـم مخلـوف كـدِّي
وانا منهـم بـري والشاهـد الله
وطـرف العيـن فيهـم مايلـدِّي
جليس السو ماهو صاحـبٍ لـي
أنا ضدِّه وهو خصمـي وضـدِّي
إلى جا.. قلت يقعد مثـل غيـره
والى أقفى قلت جعلـه مايـردِّي
أنـا ويّـاه مانصـلـح بـديـره
إلـى منـه نـزل فيهـا نشـدِّي
يدوِّرْ لـه مـن العربـان مثلـه
على قدّه وأنـا ماهـوب قتـدِّي
إلـى جاملـت ولياهـا مصيبـه
وإلى صرّحـت قالـوا مستبـدِّي
ابصبر مثل صبـر أيـوب لكـن
بطول الوقـت مانـي مستعـدِّي
وعرف الطيبيـن أكبـر تجـاره
تراهـا كـل يـوم ٍ تستـجـدِّي
مشاهدهـم علـى عـز ومعـزّه
تريح خاطـرك وأنـت متعـدِّي
وجليس الخير يضحك له حجاجي
واعدّه مثل أخوي وصلب جـدِّي


الشاعر المطــــــلوب ( مساعد الرشيدي )

 

 

 

 

[معلومات العضو فيصل بن جزاء]

الاخت تناهيد

هذي قصيده"ا لشاعر" مساعد الرشيدي"سيف العشق"

كيف اطفي الريح بثايبك ، وكيف اشعلكـ=كيف اتنثر على جمركـ ، وكيف احتويكـ
نقضت ليل الحرير ، وجيت ما انت لـ... هلكـ=سميت باللي فتنــي بك وقلت افتديـكـ
هذا اول الدرب ، او هذا الطريق أولـكـ=جيت اتوقـى عذابات المــدى واهتديــك
شوقــي مسافة ، وهمـساتك مدار وفلكـ=وان ما مضيت غلا ... يا علني ارتويـكـ
إيه اعرفكـ ، واعــــــرف اني من غلاك ادخلكـ =مرات اضمــــك واخاف اني ... مشبه عليكـ
مرات اشوفك بنفس الوقت واتخيــلكـ=وانشد كفوفي عن آخر سالفة من يديكـ
أعن لك لــــو تصب المـــــــــوت واتهيلكـ=واجوع لك ، واتمنى خنجرك واشتهيكـ
ما قلت لكـ .. عمر سيف العشق ما يقتلكـ=ما تشوفني حي قدامك وانا اموت فيكـ
مليت جمر انتظارك واستحيت اسألكـ=واحسبتني ما بعد جيتك وفكرت اجيكـ
اثرك بقلبـي من البارح وانا استعجلكـ=واثري نسيتك من الفرحه وقمت احتريكـ

الشاعر"المطلوب"الشاعر "جارالله الشدي"

 

 

 

 

[معلومات العضو ((هلاله))]

للأسف ماعرف هالشاعر
فهد المحرج

 

 

 

 

[معلومات العضو ((هلاله))]

لأسف والله ماعرف
طيب فهد المحرج

 

 

 

 

[معلومات العضو فيصل بن جزاء]

للاسف ماعرف الشاعر

طيب الشاعر بدر بن عبدالمحسن

 

 

 

 

[معلومات العضو شافي القويسي المخاريم]

طلب فيصل جزاء


الشاعر جار الله الشدي
أنـــا بـــي ضـيـقـةٍ عــيّــت تــفــارق
ضميـري ساكنـه فـي وسـط روحــي
خـصـوصـاً لا بـــرق بالـصـيـف بــــارق
سـحـابـة صـيــف بـالـبـارق تـلـوحـي
تـذكـرنــي بـشـخــصٍ جــــد ســــارق
فــــؤادي تــــراكٍ بـالـوجــد نــوحــي
عـلـى قــول الـمـثـل مـبـحـر وغـــارق
مــع التفكـيـر مــن سـبـة جـروحــي
وأحــس هْـنـا بـوسـط الـصـدر حــارق
لـيـامـن جـيــت بتـنـهـت وأبــوحــي
سبـب منهـو عــن العـربـان فــارق
بـوصـفـه صـاحــب الـخــد الـنـضـوحـي
ما كنت أحْسب يجي يوم أنتفارق
وأنــــا ويّـــــاه روحــيـــنٍ بــروحـــي



اطلب الشاعر


عبدالرحمن بن بديّع

 

 

 

 

[معلومات العضو فيصل بن جزاء]

الاخ شافي المخاريم

هذي قصيدة الشاعر عبدالرحمن بن بديع

ياوجودي وجد من لاعته عوج السنيـن=كسرت سيفه وشلـت عليـه اسيوفهـا
من حياة ن عذبتنـي وخلتنـي رهيـن=لين حالت بين نفسي وبيـن اشفوفهـا
صابر ن صبر ال ياسر لظلم المشركين=يوم بطش اسياد مكه وقهر اضعوفهـا
ومايوسع خاطري غير جمعا الغانميـن=عند من تجمل وتعرف وقار اضيوفهـا
المجالـس عرفتنـي بنـاس طيبيـن=المجالس يشهـد الله علـي معروفهـا
والله اني يوم اجيها وانا قلبـي حزيـن=اني اسلا عن حياتي وشين اضروفهـا
الا لامنهـا بلتنـي بنـاس جاهلـيـن=والله اني اصد عنها ولا ابغي شوفهـا
وان بلاني الله بها شفت مخراجي منين=وكاني صديت عنهـا ماعـاد احوفهـا
ويش حتى لوتقلط علي سمـن وسميـن=ويش عاد الفايـده لاهـرج ملقوفهـا
قلتها من فكر واعي ومن قلـب فطيـن=واعرف احط النقط لاكتبت احروفهـا
ولارجيت الاثوابك وعونـك يامعيـن=انت تعلم بالسرايـر ومافـي جوفهـا
انت حفـاظ الودايـع ورب العالميـن=وبامرك اتعز اليتاما ويامـن خوفهـا
اهدنا ياخالق الكون نهـج الصالحيـن=واكفنا شـر الليالـي وشـر احذوفهـا

الشاعر المطلوب" الشاعر " تركي المريخي"

 

 

 

 

[معلومات العضو شافي القويسي المخاريم]

الشاعر تركي المريخي


قصيدة في الأمير عبد العزيز بن سعود بن محمد آل سعود

يا مير أنا فكري من الوقت ضايق=الله يفـرج كـل هـم ٍ وضيـقـه
أنا على الفزعـة شفـوق ٍ وتايـق=وهرج القفا يا مير محـدٍ يطيقـه
بعض البشر يفرح بشب الحرايـق=وبعض البشر يفرح بشوفة رفيقـه
والعلم واضح ما يبي لـه حقايـق=كنه جبل طـارق وكنـه مضيقـه
واضح وضوح الشمس بين الخلايق=وكل ٍ على عرفـه يميـز طريقـه
ومثلك خبيرٍ في جميـع الطرايـق=الطيب في شخصك وهذي حقيقـة
شيخٍ لفعل الطيب عنـدك وثايـق=تروي ظما العطشان وتبـل ريقـه
يا ما على شوفك حسبـت الدقايـق=أفرح بشوفك يـا السنافـي دقيقـه
حيثك يا أبو راشد على الناس فايق=نجـم ٍ يشـوق بالثريـا بريـقـه
ويا مير أنا فكري من الوقت ضايق=ومثلك يفرج كل ضيقـه وضيقـه

اطلب الشاعر

علي بن حمري

 

 

 

 

[معلومات العضو فيصل بن جزاء]

الاخ شافي المخاريم

هذي قصيدة الشاعر علي بن حمري

ياوجودي وجودي ياوجودي ياوجودي وجود ام العيال=يوم ساقو ولدها للقصاص وبارق السيف يقطع في وريده
قصته دون عرض ودون ماله محتميها بحدات السلال=زل في ولد عمه يوم جاله يقصد الشر والله لايعيده
واحكموها المشايخ والمحاكم وافتدو ذبحته من كل غال=ولاتنازل كبير القوم عنه وقال ذبحته هي الرغبة الاكيده
من هجوس ليلجت في وسط جوفي والهواجيس بالصدر اجتظال=ويقفي اليوم وتروح الليالي وابن حمري هواجيسه تزيده
من يوصل جوابي لابن عمي شاعر القوم حماي التوالي=عند مضواح بن شتوي الحبابي شوفة الضيف عنده يوم عيده
يابن شتوي عسى من هو تركني في محلي تناقصه الرجال=طيحتي عز والمعروف يبقى وابشر بصاحبك عند الشديده
اضربوني العساكر يابن عمي واربطوني وخلوني لحالي=وسط زنزانة لانور فيها واقبلت جرة الحزن البعيده
عقب كنا ثلاثة في ثلاثة ياثلاثة وانا شلت الثقالي=اللواء طلع البرقاني منها والعرب زرقو ولد الشريده
يالله إنك تفرج كل ضيقه بامرك الهون يا رب الجلالي=وأنت ياللي توصله جوابي فأعطه الخط من يمناك بيده

الشاعر المطلوب " الشاعره " تذكار الخثلان "

 

 

 

 

[معلومات العضو نجــــــــــديه]

قصيده من روائع تذكار

تدري وش اللي يجرح القلب جرحين
ويمد حبل الحزن فيك ويشدّه
انك تناظر طفل من غير ابوين
يمشي ودمعه سايلٍ فوق خدّه
منظر صعيب ويقسم القلب قسمين
لا قام يمسح دمعه بكف يدّه
يمشي ولا يدري طريقه على وين!
لين التعب من كثر ما تاه هدّه
اثقل حروف يشيلها فيه حرفين
لا أب يدري به ولا أم تردّه
في خطوته رحله ودمعه وسكين
وحظٍ توسد بالمراسي مخدّه
جيت اسأله بالله قللي ولد مين؟
وبغى يجاوب واختنق صوت ردّه!
أنا يتيم وما لدربي عناوين
وجزر الحزن فيني يساوي لمدّه
وطعم الطفولة ما عرفته لها لحين
وثوب السعادة صرت ما نيب قدّه
أبكي إلى من شفت غيري سعيدين
لين البكا فيني يوصْل لحدّه
واقفى ورحت امسح دموعي من العين
وعيني تناظر دمعته فوق خدّه
وهذا هو اللي يجرح القلب جرحين
ويمد حبل الحزن غصب ويشدّه


والمطلوب قصيده من روائع الشاعر المرحوم
بندر بن سعود

 

 

 

 

[معلومات العضو فيصل بن جزاء]

الاخت نجديه تقصدين الامير سعود بن بندر ....؟

 

 

 

 

[معلومات العضو وليد البدراني]

ألآ ياناشدٍ عنـي تفضـلْ وإستمـع بآأجيـب
إجاباتي علـى قـد السـؤال اللـي تهذريبـه
أنا رجلٍ وأحب الطيب واللي يفعلـون الطيـب
ورجلٍ يحشم أهل الطيب والمعـروف ياطيبـه
وأنا رجلٍ عزيز النفس وأدورْ لهـا تجنيـب
عن إدروبٍ بها الغـرَات والشكَـات والريبـه
وأنا رجلٍ كثير الخوف من اللي عالمٍ بالغيـب
وأسآله يغفر ذنوبـي ونسلـم مـن تعاذيبـه
وأنا رجلٍ غيورٍ وأكره أهل الكفرِ والتخريـب
ورجلٍ مامشى فـي منهـج التوحيـدِ ماليبـه
وأنا من لابةٍ بين القبايـل تشتهـر بالطيـب
لهم تاريخ ومـؤرخ وكـل النـاس تدريبـه
وأنا من لابةٍ خلَتْ عيون المعتديـن إتشيـب
مزبنة الجلاوي لاقنـب ذيـب ودعـه ذيبـه
أنا من لآد زايد لابتي سقـمٍ علـى الحريـب
رجالٍ يفعلـون الجـود والنامـوس تحريبـه
رجالٍ يكسبون الطايلـه غصـبٍ بليـا طيـب
رجـالٍ ينطحـون الحـرب لادارت دواليبـه
إليا من صاح صيَاح الضحى يزهم عليه إنجيب
نوردها حياض المـوت مانخشـى عواقيبـه
نضد الضد بالسيف الحـدب ونعذبـه تعذيـب
وشلفٍ في نهار الهوش ماتبـرى مضاريبـه
ومن جانا يبينا مالقى ياكـون شـق الجيـب
وإليا منه توهق من توهـق عـاد بمصيبـه
وحمينا الدار وأعفينا جوانبها مـن الغريـب
يكون اللي نحط الوسم في المشعاب يمشيبـه
بدون إقصور في باقي القبايل مالحقهم ريـب
كريمين الرجال اللي فعـول الطيـب تمشيبـه
عطيتك علمي الأول عسى علمي معاك يصيب
وإذا كفَـاك وإلأ باقـي الأخـبـار بآجيـبـه



الشاعر الكبير:عيدان بن راجس الدوسري

 

 

 

 

[معلومات العضو بنت الشايب]

عفى الله عن عين تعرض لها ساموح=من أسباب شخص جاء من أقصاه غازيني
جذبني مثل مايجذبون الوحش باللوح=ألين أستحلو مهجتي وأسهرو عيني
ألاحي حمام الورق لامن سجع بالنوح=وأنا أقول ياعدأل ميل الموازيني
يخليه يشرب من غرام الهوى قرطوح=يذوق العنى اللي ذقت حتى يلاحيني
يلاوأن رفيقي جاهل قلتنا مسموح=فيلاكن رفيقي مخطي والخطى شيني
نصيته حزين وارد مظمي ملحوح=وهو يوم ساعات الرفاني يمنيني
ورواني الماء قلتت(ن) دونها لحلوح=صعيب مجيه مير وده يعنيني
وأنا أقدره وأدراه عندي سواة الروح=وأنا أحسبتناأنه مثل ماغليه يغليني
أثاريه مما فيه نفسه علي تفوح=وأنا أقول مافيني من الغيظ كافيني
وأنا طالبك تعطيني الحق يالمملوح=وحكم العدال ومقطع الحق يرضيني
ترى الحق خشم طيب ينصف المجروح=ويعطيك ماتبغاه مني ويعطيني
أنامنك مجروح الظماير بلامصلوح=ولالي كفيل ياهوى البال بيديني
ولولا مقال ويش قومه يجي ويروح=لآجي كل يوم وأطلبك لين توفيني

....

آنآ ابي قصيده للشاعر / حمدان المري ..

....

فيصل بن جزا

لاهنت على هالطرح الرائع

دمتم بود

 

 

 

 

[معلومات العضو وليد البدراني]

أستاذنك بسافر أيام واجيك
وان طالت ايام السفر لا تحاتي
حتى و لو طولت ماني مخليك
ياللي بدونك ويش تسوا حياتي
تامر على حاجه؟؟ باودعك واليك
عسى عوض الأيام في المقبلاتِ
حتى يدي ما ودها تفارق يديك
ساكت وانا اشوف البلا في سكاتي
ما شفتني لا رحت منك التفت فيك
بلاي والله روحتي والتفاتي
لكن قبل ما اروح ودي أوصيك
وانت الوحيد اللي يقدر وصاتي
لاحدٍ سألك و قال لك وين مغليك
قل له لوازم لا قضاها بياتي
و أن طروا النسيان ماني بناسيك
يا راس مالي في الحياة وغناتي
و ان طروا السلوان ماني بساليك
طيفك معي حتى وانا في صلاتي
قلبي وهو قلبي إذا مر طاريك
لولا ضلوعي كان عزوا مماتي
لو جض صدري كان يمديه ياتيك
و يبات عندك ويهنا بالمباتي
أنا .. و قلبي .. و الغلا .. ساكنٍ فيك
و انته .. و قلبك .. و الغلا .. وسط ذاتي
غلاك مثل الحكم عند المماليك
أكبر طموحي .. لا .. كل أمنياتي
شف في غيابي أي حاجه تسليك
لأني بعدك أسلى مع ذكرياتي
أحاول اذكر أي شيٍ يطريك
واقول هو سوى وانا ذي سواتي
كني موادع كل شيٍ حواليك
و كني حسبت حساب حزة وفاتي
أحب لأني ما اقدر انساك و أبيك
و لا اقدر أخليك ياللي تحاتي
معنى أحب .. و ما اقدر أنسى .. و أخليك
يعني بدونك ويش تسوا حياتي





الشاعر الكبير:تركي الميزاني