::: لعـبـة (( بيت = قصيدة )):::

[معلومات العضو فارس الكلمه]

	ياوليد البط وشلون ماتقدر تعوم وانت ابوك يعوم جزر البحور ومدها

سلطان ابن وسام

 

 

 

 

[معلومات العضو السمو]

اكــبح جماح الشوق يا قلب ترتــاح

حسبك مصايــب حـادثـات الليالـي


مـا كن مــرت تــبــاريــح واتـــراح

ولا ذقت من بلــوى زمانك نكالـي

 

 

 

 

[معلومات العضو فارس الكلمه]

	الناس مانته بداري وش خوافيها خل البشر ياصاحبي كان خلوك

 

 

 

 

[معلومات العضو السمو]

ياحبيبي والمشاعر مقبلات ٍ مدبره
.....................وش تبي؟ طبْ وتخيّر ممتلي هالقلب همّ

انكسر فيني بياض ولا لقى من يجبره
........................وانولد جرح ٍ جديد وهاك الاول ما التئم

 

 

 

 

[معلومات العضو المهلب]

أصد منك خوف ماهوب من كره = من زود حبك خفت من شوف عينك

القائل / المهلب .

 

 

 

 

[معلومات العضو راعي الجمل]

من لا يبدي شذرة السيف والكيس *** يبدي عليه من الليالي ثلومي
ومن لا يدوس الراي من قبل ماديس *** عليه داسوه العيال القرومي


الشيخ الشاعر / تركي بن حميد





















التوقيع :

اعيش عيشة ذيب والراس مرفوع *** وان قل مالي عز نفسي غناتي

 

 

 

 

[معلومات العضو فهد بن مبارك الودعاني]

أنا رفيقي حاضراً في المهمات=دايم حزام له وأنا اللي له حزام
رفقه و فاء مهيب رفقة خذ وهات=تزداد مع طول الليالي و الأيام
أمثال شخصك يارفيع المكانات=له مقر الصدر تقدير و أكرام.

 

 

 

 

[معلومات العضو ابو زيد الغييثي]

تبي تعـرف الفتـى فالشـده اختبـره=لا جـات شداتهـا يظهـر بليهـانـي
يذرع معك فالقسا ويمـد لـك شبـره=ويقول عدوان مـن رافقـت عدوانـي

 

 

 

 

[معلومات العضو المهلب]

أنا أدخل على الله ما أعزم النذل ولا أجيه = وش اللي يقربني من النذل وشكاله
أنا أعزم أرجال في المواجه كرام وجيه = أرجال تشرف من لفاها وتلفاله
ترى الرجل يبني طيب عمره بفعل يديه = ولا يعرف الرجال ياكود بأفعاله

القائل / المهلب .

 

 

 

 

[معلومات العضو غلا نجد]

يعطيكم العافيه على الحضور الراقي

صحت السنتكم ولاهانت احاسيسكم


طفل يجوع : يقول ماما أبي هَمّ ..!!

مايدري أن الهَمْ ماتت به أرواح ...

 

 

 

 

[معلومات العضو لين]

العمى ماهو بعميان النظير=كم عمى قلب عيونه صاحيات
لو تشوفه شايب سنه كبير=يمكن افهم منه بو عشر سنوات

 

 

 

 

[معلومات العضو فالح بن فهاد]

نذهب نسيح=في برٍ فسيح
ياصاح خل المسيح=تعبد ديانتها
كم لي وانا اصيح=بقولٍ فصيح
اسمع للنصيح=ماانته ببيانتها

 

 

 

 

[معلومات العضو الزين]

يالعبد قيس ما طرا لك على البال = دنياك لا تلهيك عن تبع دينك
واعرف ترى ماقسم لك مابه اشكال = يجيك لو كل العرب حاسدينك
والمال مثل الفي لابد ينزال = مر عليك ومرة في يمينك
والفريق في تبريق ربك بالاعمال = في ساعة تذهل بها والدينك

 

 

 

 

[معلومات العضو ابو زيد الغييثي]

المشاركة الأصلية كتبت بواسطة فالح بن فهاد

نذهب نسيح=في برٍ فسيح
ياصاح خل المسيح=تعبد ديانتها
كم لي وانا اصيح=بقولٍ فصيح
اسمع للنصيح=ماانته ببيانتها

ههههههههههههههههههههههههههه

ياصاح خل المسيح انشهد يا بو فهاد

صح اللسانك واعتلا شانك

 

 

 

 

[معلومات العضو ابو زيد الغييثي]

من تهاون في شبر ارضه ولو من باب جود=بتهاون في شرف عرضه مع العمر المديـد
فالمثل من لا ذبح ذباح كلبـه مـا يسـود=عقبوة الما وهو اعظم بني الاسيـاد سيـد