::: لعـبـة (( بيت = قصيدة )):::

[معلومات العضو أمـــيرتـــهم]

	الشاعر عبدالعزيز السناني لا تشتكي من جور الايام للناس .................. وادفن همومك في ثرى الصمت كله اسرار عمرك خلها تحت الانفاس .................. لا صار هرّاج القفا فاطنن له هذاك يفرح لا لمس جرح الاحساس .................. و هذا مناه اليا لقى فيك عله

 

 

 

 

[معلومات العضو عبدالله الحافر الغييثي]

الله نشد ياحمود عن معرفة يوم=وهذي ثمان اسنين بالضلع جيران
ياحمود يظهرلك صديق من القوم=ويظهر من الربع الموالين عدوان

حجرف الذويبي

 

 

 

 

[معلومات العضو الزين]

فيني شموخٍ غارسه(شايبي) غرس =ومهـمـا يجورالـوقـت مـــالان بـاســي
أنا حمست العز فـي داخلـي حمـس =وهـيَّّّّّّّّّّّّّّّّّّّّّّـلـت فنـجـانـه وقـنَّــدت راســـي

 

 

 

 

[معلومات العضو نايف الفصام]

^
^
^
^
عزالله انك كفوووو ياالزيــــــن

المعتبر ياخذ على الدنيا دروس مـن العبـر=والنـاس يكسبهـا معاملهـا بقـد عقولـهـا
أحيان تصدف لعبة الشاطر مع غلطـة عمـر=مـره لآكـن لعبـة الغلطـه ماعـاد ينولهـا

للشاعر الفحل / سعد بن جدلان

 

 

 

 

[معلومات العضو لين]

هذا زمان هايبات فهوده=والناس نادوا عنتره باسم مسعود
وأشوف لي رجل يعدد جدوده=لوأن أبوه وجده أضعف من الدود

الأمير الشاعر محمد بن أحمد السديري

 

 

 

 

[معلومات العضو فالح بن فهاد]

ياما وردنا عدوده من اجهوده=على المار والنار كما الأسود
ياحمد لو انا من قزة نهوده=اصبح كفيف ماكان صرت ملهود

الامبراطــــور

 

 

 

 

[معلومات العضو الزين]

لاتحط ضعيف النفس بالطرقـه زميـل = دوّر اللـي لاتكبـر خطرهـا داسـهـا
والضعيف جنبه مامعـه حيلـه وحيـل = رافق اللي قد سبح في البحور وقاسهـا
واشهد ان ضعيف النفس مايصلح عميل = والضعافه عند ناسٍ ضعيـف احساسهـا
ما إبغي النفس الضعيفه ولا الرجل الذليل = كـل ماجينـا نسـوي جميلـه حاسهـا

 

 

 

 

[معلومات العضو فالح بن فهاد]

سامر على الوزى يابوتركي سماري=اقامر نجومها وبالهوجاس تقريري
من الكرى مشموز والبوز عيّاري=بوز الذي..مكنها في الطرى تمريري

شعر .......الامبراطــــور

 

 

 

 

[معلومات العضو الزين]

الفرق واضـح بيـن صـادق ونصـاب = والحـق يطلـع لـو يـطـول مغيـبـه
وان كان فالدنيا محـد حاسـب حسـاب = فـالآخـره رب ٍ خلـقـنـا حسـيـبـه
وأنـــا قسـم بالله . لايمـكـن أرتــاب = ولا حـب هـرج ٍ فيـه نمـه وغيـبـه
أحـب اقـول الصـدق حتـى لـكـذاب=وأحـب أجـازي مـن غمرنـي بطيبـه
وإلا الـردي لـه عندنـا حفنـة تـراب =وان غـاب ماقلنـا عسـى الله يجيبـه
بـس إنـت ياليتـك تفكـر بالأسبـاب =لان الظليمـه مـن قريـبـك مصيـبـه

 

 

 

 

[معلومات العضو فالح بن فهاد]

انا اشهد ان الطيب صعب مرقاه=ما كل من ينوله بياديه
اشقر دفر من الولا..مشقاه=[عامر عمر]من العشر مباديه

 

 

 

 

[معلومات العضو الزين]

الصراحه مزعجه وانا صريح = تزعلك ماتزعلك بقولها
ولاتدري مايصح الا الصحيح = خاطب الناس بقد عقولها

للشاعر سلطان الهاجري

 

 

 

 

[معلومات العضو فالح بن فهاد]

وعينه كما عين حر ٍ هدودي=مع الشوف هدوه والشمس حيّه
وخده كما بارق ٍ في رعودي=وزوله كما الريم في ارض ٍ خليّه
الا ياهوى البال خل الصدودي=حرام الجفى..تكسب اثم وخطيّه
حسيبي على الترف بيّح سدودي=مايرحم محب ٍ عيونه شقيّه
الا ياليت ان جد الغضي من جدودي=ياليت ان عمه حدى والديّه

الشاعر ...؟؟؟؟ لا اعلم اما القصيده مغناه من الفنان ... عوض السليماني

 

 

 

 

[معلومات العضو عبدالله الحافر الغييثي]

تخير بالنسب قبل المناسب=ترى بنت الرجال لها رجال
الا جت عدله والحظ طايب=نما معروفهم ونموا اعيال

الشاعر/عبدالله بن لويحان

 

 

 

 

[معلومات العضو نايف الخييلي]

المشاركة الأصلية كتبت بواسطة خميس مطر الغييثي

الله نشد ياحمود عن معرفة يوم=وهذي ثمان اسنين بالضلع جيران
ياحمود يظهرلك صديق من القوم=ويظهر من الربع الموالين عدوان

مساك الله بالخير يابو مطـــر

الابيات اللى ذكرت أعتقد انها لــ مفضي بن ولمان الحربي وليست لـحجرف الذويبي

والبيت الاول يقول

الله نشد ياحمود عن معرفة يوم=وحنا ثمان اسنين ياحمود جيران

واسمح لي بالمداخله

 

 

 

 

[معلومات العضو نايف الفصام]

نافق تعيش وجامل الناس تنحـب=وبيع الضمير تشوف كلن يجيلـك
هذا هو المنظور في وقتنا الصعب=أما تزيـل الصـدق والا يزيلـك
الصدق ماله لازم بعالـم الكـذب=حتى الطفل كـذاب يالله دخيلـك