اتعب رْضاهـا سبيـعٍ والدواسـر والهواجـر(ناصر الفراعنه)

**معلومات** **العضو** · 12-07-2007, 02:04 AM

سلّمي يا روح ما من حـبّ حلـوات البناجـر=غير قطعة خام غيرك ياليتيمـة مـا وجدهـا
آه ما أكبرها فضيحة عجزت أطراف الخناجـر=لا تموّتنـي ومـتّ بنظـرةٍ واهـيٍ جهَـدْهـا
العيون اللي تسوّي في القلوب سْـوات فاجـر=يحلفون أن الدواهي هي وأنا أقول إنها أدهـى
من سحايه لا جلست قْبال ساجيْـة المحاجـر=ما دريت أنـا صغيـر اخوانهـا والا ولدهـا؟!
الهنوف اللي تلملم غيّهـا فـي ثـوب هاجـر=وين روحي في هواها يا عرب ربـي قرَدْهـا؟
يوم أجيها ضلوع سرجوفي من الغيرة تشاجـر=كلّ ضلعٍ ما يبي شـوف الهنـوف الا وحَدْهـا
اتعب رْضاهـا سبيـعٍ والدواسـر والهواجـر=الولـد منهـم ولدهـا والبلـد كلـه بلَـدْهـا
لا مِشَت من عذرها الأرواح تاقف في الحناجر=كنّ عود الخيزرانـة يقطعونـه مـن جِسَدْهـا
وان عدَت يدجر بروحي من عبير الطيب داجـر=كنّ دهن المسك لا عَرْقَتْ يِقَطّر مـن نهدهـا
لو تشوف البيض من حسنٍ على (هاجر) تناجر=مْعَذوراتْ ,أُمّها وهْي أقرب النـاس تْحَسِدْهـا
شيب عيني كان أنا ماني على صبري مواجـر=ويل ويلي والله اللي رحـت يـا خالـد بيَدْهـا
والله اللي قام يسجرني من الخفـرات ساجـر=ويش عذري في عيونٍ من عمل يدْها رمَدهـا
هاجرٍ عن ما سواهـا حاجـرٍ للعيـن حاجـر=عيشتي والله ما تسوى ربـع قـرشٍ بعَدْهـا
ما حسَدْته نزلته قصرٍ مـن الياقـوت تاجـر=لا نزلت الفيضة اللـي نقّضـت فيهـا جعَدْهـا
ولّ يا بنتٍ على الطرْيا تجرّ اقصى الحشا جـرّ=فتنة المفتون فيها مـن مهَدْهـا اليـا لحَدْهـا

**معلومات** **العضو** · 12-07-2007, 02:10 AM

الأخ العزيز فيصل بن جزاء

لاهنت علي نقل هذه القصيده الرائعه للشاعر ناصر الفراعنه...

سلمت يداك بما نقلت وصح لسان قايلها..

تقبل تقدير وأحترام

أخوك أبو نواف الدوسري

**معلومات** **العضو** · 12-07-2007, 08:22 PM

لاهنت ياابونواف على مرورك الجميل

**معلومات** **العضو** · 12-07-2007, 09:59 PM

فيصل بن جزاء
صح لسانك ولسان الشاعر

أبدعت في النقل

خالص ودي

**معلومات** **العضو** · 13-07-2007, 09:48 AM

صح الله لسان ناصر الفراعنه

ولاهنت يابوجزاء على ايراد هذه القصيدة الطيبه

تقبل تحياتي،،

**معلومات** **العضو** · 16-10-2007, 09:01 PM

الاخ ابو مبارك الدوسري صح بدنك ولاهنت على المرور

**معلومات** **العضو** · 16-10-2007, 09:01 PM

الاخ هايف العماني صح بدنك ولاهنت على المرور

**معلومات** **العضو** · 16-10-2007, 10:13 PM

بيض الله وجهك

**معلومات** **العضو** · 16-10-2007, 10:18 PM

ابو المثني لاهنت على المرور

**معلومات** **العضو** · 17-10-2007, 04:53 AM

ولّ يا بنتٍ على الطرْيا تجرّ اقصى الحشا جرّ
فتنة المفتون فيهـا مـن مهَدْهـا اليـا لحَدْهـا

شاعر جزل مبدع قصيدة لاتاتي الا من شاعر متمكن

واعجبني ذكأ الشاعر في البيت الاخير كيف ارغم القافية عندما قال الحشااااا ~ جر ~
هذا الشعر وهذا الشاعر

دائما لاتاتي الا بالجزل يابو جزا