اتمنى تعجبكم هل قصيدة

[معلومات العضو تركي ال جزاء]

هاذي قصيده للشاعر تركي ال جزاءالمبدع في قصايده واتمنى تعجبكم



ماهي نهايات إقتراب ولا بدايات إبتعــــــــــــــاد
ولاهي شفاحة نفس راعيها على اللذة يمـــــوت

ولا هيب نزوة تدفع الجاهل لتحقيق المـــــــراد
ولا هيب سكبة عاري المنسب ليا لبس البشـوت

ولاهي قياسات المسافة من بلاد إلي بــــــــلاد
ولاهي ضحك صنعا على طيبة أهالى حضرمـوت

هي حالة من الشوق تدخل ضمن بند الإعتقـاد
يعنى تعدت مرحلة حرب التمايل والثبـــــــــــوت

حالة توهّج للمشاعر فوق جمرات الفــــــــؤاد
ماهي سماع الصوت لالا المسئلة ماهيب صوت

المسئلة أكبر من التفكير فيها .... والوكـــــاد؟؟
إن الغلا والشوق يبنولك على قلبي بيـــــــــــوت

ياللى خذيتي عن صبايا الكون وضع الإنفــراد
جيت بظفر جدي عقاب وحقّقي لي شوق نـــــوت

تكفي غرابيل الزمن والناس وأشباح البعـــــاد
ماعاد لي قدره وأنا همي لبسني لبس كــــــوت

ما أبي جماد يفوت.ويجيني على حوله جمــــاد
وأنا ماغير أرقب جماد يفوت وإلا ما يفـــــــوت

أبي قبالك حي .... يا لذّة نسانيس البـــــــــــراد
لا يا بعد والله مقابل صاحب القلب الشمــــــوت

وأنا أدري إنـك جامعه شمل المطاوع والعنــاد
وأنا أتجمّع لك زعل مثل زعل لعب البلـــــــــــوت

روفي بحالي وإرحميني يرحمك رب العبـــــــاد
اللى رحم يونس بعـد ماامسى تحت فكين حـــــــوت

وتبصّري بآخر ثلاث بيوت أبا أكتبهن جـــــــداد
تو إستثارن هاجسي .بس إفهمي معنى البيـــــــوت

الزير ما يعرف لو إنه طاع شور إبن عبــــــاد
والموج ماله ذنب لو يغرق شراع الجيلبـــــــــــوت

والأرض معذوره إذا تبكي من أفواج الجـــراد
بس الجبل مخطي ليا بكـّاه سلك العنكبـــــــــــــــوت

والتوت الأحمر له معي كلمة ولا يمكن تعــــاد
يا توت تبقى لو جفتك الأرض عند الناس تـــــــــوت

استجمعي فكرك ترى التفكير نوع من الجهــاد
واللى يجاهد حسبته يا ينتصر وإلا يمــــــــــــــــــوت

وانتي من اسيادالنصر .. والنصر سيّد لا يساد
لكن تسيّدتي عليه .بقوّة الفعل الصمـــــــــــــــــــوت

هذي صفة فيك.وتحقّق لي كمال الإعتمــــــاد
وأرتاح من هم الحكي وأنام بأحضان السكـــــــــوت

لأنك أكيد بتعرفي.ماهي بدايات إبتعـــــــــــــاد
ولاهي سماع الصوت .لأن المسئلة ماهيب صـــوت

 

 

 

 

[معلومات العضو ابو زيد الغييثي]

تركي آل جزاء انت متاكد


انك في صف ( ثالث ابتدائي )<<<<<<<<<مثل ماذكرة في منتديات الترحيب

 

 

 

 

[معلومات العضو ابن كعوت المسعري]

صح السانك يا بوجزا
وهذه القصيده رائعه مره
تقبل تحياتي :ابن كعوت المسعري

 

 

 

 

[معلومات العضو ناصر آل جزاء]

أبوسعود صح لسانك على القصيده ...

بس أعترف من أي مجله سارقها ... ههههههههههه

على العموم مشكور وماقصرت قصيده رائعه ...

 

 

 

 

[معلومات العضو سعد هذال آل جيعان]

بيض الله وجهك مليون مره على ذا القصيدة الجزلة يا بان جزاء باذن الله نشوفك في قايمة الشعراء الكبار ياولد العم اخوك \ سعد ال جيعان الغييثي الدوسري

 

 

 

 

[معلومات العضو ابوهادي الودعاني]

بيض الله وجهـــك يا تركـي ال جزاء وصح لسـانك

اخـــــوك
خالد الودعـاني

 

 

 

 

[معلومات العضو محمد مناحي الودعاني]

صح السانك يا بوجزا
وهذه القصيده رائعه مره
تقبل تحياتي :بعيد المـــــدى

 

 

 

 

[معلومات العضو ( المثنى الدوسري )]

شكرا لك أخوي تركي على نقل قصيدة الشاعر الكبير والمعروف مطلق النومسي

وهي على هذا الرابط

http://www.3rbe.com/vb/showthread.php?t=4585

 

 

 

 

[معلومات العضو محمد الخييلات]

تسلم يا اخوي على النقل

على فكره ترى مهوب غصب تغدي شاعر الشعر ما رفع احد وانا اخوك هذا إن ما وطاهم

ارجوا إنك تقبل كلامي بصدر رحب ما ابغي الا مصلحتك والله