دواسر كل حي ٍ ما جهلنا // نسد أفواه مرخين الشفايف

**معلومات** **العضو** · 09-05-2007, 06:18 AM

السلام عليكم ورحمة الله وبركاته

لتجديد التواصل .. ولتوثيق المحبة .. ولتأكيد الاعتزاز

أتمنى أن تنال هذه القصيدة على اعجابكم وأن يصل حرفي المتواضع لمستوى شاعريتكم

واعذروني على القصور

================

يقول انه على روس النوايف
وأقول إنه على ما قيل هايف

يظن أنه على الشعار شاعر
سقيم وفي سما الأشعار زايف

يحذرني من كسور القصايد
يقول إنه فهيم وحيل شايف

ويطعن في قفايه من رداته
لقى طعنه على درع الولايف

يجادلني وهو يجهل علومي
وأرد العلم من روس النوايف

ألا يا مصدر الهونه تركّد
ترا لهل الردى مانيب كايف

أنا قدري عن علومك أعزّه
وحتى الشعر في ذمّك حسايف

ولكن لجل أبين لك مكانك
وأبيّن موضعك بين الطوايف

مكانك تحت أقدام المراجل
صبي ٍ في ظلام الليل خايف

وأنا من لابة ٍ مفتون فيها
تسوق الطيب من كل الصنايف

دواسر كل حي ٍ ما جهلنا
نسد أفواه مرخين الشفايف

وأبي تعرف تراحيب وشموخه
وتعرف كيف تكتبه الصحايف

وتعرف بأنك اللي ما وصلته
تجي وتروح مهما صرت .. هايف

تراحيـــــــــب

**معلومات** **العضو** · 09-05-2007, 09:04 PM

ياعزتي له بعد ذا البيت :

مكانك تحت أقدام المراجل=صبي ٍ في ظلام الليل خايف

بيت يكسر الظهر

صح اللسانك ياتراحيب

وانتظر جديدك

محبك ابو زيد

**معلومات** **العضو** · 09-05-2007, 09:23 PM

تراحيب

رائعه جداً وصح لسانك

قصيده جميله واسلوب يجعلك المتلقي يستمتع وهو يقراء لما بها من جمال

وروعه تقبل اعجابي لما خطته اناملك ..

تحيــــــاتي لكـ

أخوك

خلف الدوسري

**معلومات** **العضو** · 10-05-2007, 07:17 AM

تراحيب

رائعه جداً وصح لسانك

قصيده جميله واسلوب يجعلك المتلقي يستمتع وهو يقراء لما بها من جمال

وروعه تقبل اعجابي لما خطته اناملك ..

تحيــــــاتي لكـ

اخوك

فيصل بن جزاء