اقــــــرب يابوزايد على الوعد

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

الذيال

سـلام فـي ليـلـةٍ مـاهـي ســوات اللـيـال=غنابـهـا الـزايــدي والتغـلـبـي زانـهــا
ياشـايـع التغلـبـي ذاللـيـل جـالـك مـجـال=اجلـب لنـا الطيـبـة لــو غلـيـت اثمانـهـا

ويرد أبو زايد التغلبي

يـا مرحبـا بالنيابـة عــن عـمـام وخــوال=ربـع(ن) مسجـل لـهـا التـاريـخ عنوانـهـا
في ساعـة الصفـر تلقانـي علـى العـال عـال=الطـيـبـة فـاتــح(ن) ذالـلـيـل دكـانـهـا

ويــــرد الــذيــال

بانـشـدك ياشـاعـرٍ ذبـيـت روس الـطـوال=أشـوف ضــون كـلـت الأعــراب نيرانـهـا
والزيـر مـن بيـن قـومـه ربـطّـوه بحـبـال=والقـوم تسـجـد وتـركـع بـأمـر شيطانـهـا

ويــرد أبــو زايـــد

الله يجـازيـك يالـذيـال يــا بــن الـحـلال=السالـفـة علمـهـا فـــي درج سلطـانـهـا
ريـح الخيانـة نشمـه يــا عميـلـي شـمـال=يـا لعـنـة الله عـلـى الـعـزوة وشيخانـهـا

الـــــذيــــــال

مـا دامهـا فـي يـديـن حسـيـن ولا جــلال=إبتبـطـي إدميّـهـا تمـشـي عـلـى ثفانـهـا
أم اليتامـى تـجـر الـصـوت ويــن العـيـال=الـلـي بـوقـت الشـدايـد تحـمـي أوطانـهـا

أبو زايد

العفو يا أمةٍ لبست من الذل شال=ما فيه حلٍ وعم القوم قد هانها
ربع اليتيمة سهارى بين يالال لال=ولا هل دمع اليتامى زادت ألحانها

الذيال

الشايب اللي تعوّد شرب صفر الدلال=وينه من البنت يومه كان بوزانهـا
الظن به ياعزيزي ثابتٍ مـا يـزال=مادام راع الكحيلة ماسـك عنانهـا

أبو زايد

حسبي عليك أشهد إن ذالليل ذبحك حلال=وان ثوّرت والله إن جبهتك نيشانها
العود عود الهدى لكنّ يا هملال=ظروف بقعا تشيّب روس فرسانها

ويرد الذيال

يا سيدي ارم بالغترة وذب العقـال=ادعس على الحية الرقطا وديبانهـا
يوم الشرافي دعانا ذب روس الجبال=وان كان تبغا المخدة فالدفا عانهـ

ا

لايمال المعزةإي والله العظيم
صح الله ألسنتكم جميعاً ودمتم بهذا التوهج

 

 

 

 

[معلومات العضو أبو زايد التغلبي]

بيض الله وجهك يا بن بطي
إييييييييييييييييييييييييييييييييييييييييييييييييي يه خلوها :

 

 

 

 

[معلومات العضو أبو زايد التغلبي]

استلم :

الشاعر اللي تحمّل فوق حمل الجمال=أنا اشهد إنه كلته النار بلسانها
لاجل الشرافي حضرنا.. شي ما به جدال=ياللي بغى كحلها ثم فقّع اعيانها

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة أبو زايد التغلبي

استلم :

الشاعر اللي تحمّل فوق حمل الجمال=أنا اشهد إنه كلته النار بلسانها
لاجل الشرافي حضرنا.. شي ما به جدال=ياللي بغى كحلها ثم فقّع اعيانها

الله الله الله ياشايع
حظوركم محل التقدير من الجميع الله لايهينكم
تحياتي القلبية

 

 

 

 

[معلومات العضو أبو زايد التغلبي]

في الختاااااااااااااااااااااااااااااااااااااااااااااا ااااااااام كلمتين:
أولاً وبكل صراحة لي عتب على من دعانا وتركنا (عبدالرحمن) !
ثانياً لنا عتب كذلك على جمهورنا الحبيب اللي عودنا على التواجد والحماس !
ثالثاً للأخ الغالي دغش بن بطي مجهود كلنا ممتنين له ونشاط كلنا شاكرين له وكأن هذه المحاورة كان هو الوقود لها فله الشكر والتقدير والمحبة الصادقة.
رابعاً كان لي الشرف الكبير باللعب لأول مرة مع الناقد الكبير واللي اكتشفنا انه شاعر كبير أيضاً (الذيال) فله مني خالص المحبة والتقدير.
وأخيراً: تراني ماني بمسئول عن المعنى اللي جرني له أخوي الكبير الذيال فيبدو أنه كان يود أن تكون محاورة ساخنة بكل المقاييس لكن خذله الحضور.
وبعدها :::: ياجماعة اعطوا الشعراء حقهم وانصافهم فأما إعلان وتذكير للجماهير من بداية الاسبوع وإلا بلاش يتركون أشغالهم وارتباطاتهم في الويكند وفي الاخير قال صفوا صفين قال مافيه إلا أنا وانت!!!