قصيده في ( البل ) اـ أبن قحيفان .. !!

[معلومات العضو يحيى الودعاني]

يالله يا رب العبـــاد المصلين = أنك تعز البل .. وناس ٍ قنتـــها ؟؟
وانك تقبل دعوة .. المستغيثين = وترجع لها .. في ديرة ٍ داهلتــــها ؟؟
ماسيّل العارض الى حد .. يبرين = لــ أقصى محيط الشرق .. هذي جهتها ؟؟
مدهال .. ملحاً طايرة شبح .. وذهين = من طول غاربها .. وطول أرقبتها ؟؟
ملحاً غشاها الملح .. والنور والزين = من خفها .. لي راسها .. وأشعفتها ؟؟
تغرق على صيغة .. كبار العثانين ,=بــ الخشم والخده .. وطول أسبلتها ؟؟
عسماء يدين ٍ مثل .. طول الموازين = يعجبك .. ماطا خفها .. وأعسمتها ؟؟
أليا وطت في الارض .. كن البراكين = من ثقـــل ماطاها .. تفجّر تحــتها ؟؟
فجحاء عريضة ساق .. في خفها قين = تعجبك لا من دبرت .. بـ فجحتها ؟؟
قطاعة الفرجه .. وأهلها محيليـــن = كم ديـــرةٍ من ديــرةٍ .. قربتـــــها ؟؟
البل عطــــايا الله.. غنـــاة المقلين = لا ربــعت فـي ديـــرةٍ .. قبّـلتـــها ؟؟
يا زينها لا جات.. من خايـــعٍ زين = وأمست شباع وجات حل .. اثورتــها ؟؟
وقامــوا لها رعيــانها .. بالمواعيـــن = وحنّت لها حيرانها .. لابهلـــتها ؟؟
الابل لها عند الرجال .. العزيزين = قيمه وعصمان الشوارب .. رعتــها ؟؟
وصلوا على المختار.. سيد النبيين = وذكر الله المعبود في .. تكملتــها ؟؟

تسلم يمناك ياذيبان

 

 

 

 

[معلومات العضو عبدالرحمن الشرافي]

يالله يا رب العبـــاد المصلين = أنك تعز البل .. وناس ٍ قنتـــها ؟؟
وانك تقبل دعوة .. المستغيثين=وترجع لها .. في ديرة ٍ داهلتــــها ؟؟

امييييييين



اخوي الخضراني2

بيض الله وجهك على نقل هذه القصيدة الجزلة لنا ..

وصح الله لسان الشاعر \محمد بن مسفر بن قحيفان الخضران ..


على هذه الابيات الجزلة ..


ابن عمي الخضراني2

لاتحرمنا من مشاركاتك الجزلة... وننتظر جديد يالذيب


وتقبل فائق تحياتي وتقديري..