ياتل قلبي تلة الميلاف

[معلومات العضو برقن سرى]

يـاتــل قـلـبـي تــلــة الـمـيــلاف

اللي حداهـا السيـل دون البـوش

يحـدهـا الــوادي عـلـى الإنـكـاف

وتعطيـه مافـي راسهـا وتشـوش

علـى وليـف ٍمـن زمــان ٍطــاف

ماعاد جانـي مـن جهتـه طـروش

ودي بشوفـه والسنـيـن إعـجـاف

وأطلال وصلـه خاويـات عـروش

والقلب لقفـا عـن محـب وعـاف

مــاردّه السـاحـر والا الـدنـبـوش

لاصـــار مايـسـعـابـه ويــطــاف

ألا ذيـــابً جـايـعــه و وحــــوش

والـحــب لايـسـمـع ولايـنـشــاف

عن عين من لايعرفـه مخشـوش

لـي فيـه قصـرً عامـر ومضيـاف

ونـارً تشـب ومجـلـسً مـفـروش

من دمعة الفرقا على المشـراف

ينبت على رموش العيون رموش

جعـل العـوض فـي نابـي الأرداف

زاه الخضـاب منقـض العكـروش

أمّـــا هـنــوفٍ جـدهــا عـســاف

والا هـنــوفٍ جـدهــا مــدغــوش

كلمات المبدع .. مدغم ابو شيبه .. منقووول

 

 

 

 

[معلومات العضو نآصر البدراني]

لاحظت القصيده فيها حس عاطفي


وصار فيها الشاعر المبدع المتمكن / مدمغ ابو شيبه رجل قلبه أخضر


صح لسانه وتسلم يمينك على النقل ..