ياتل قلـبـي تــلة المـيـلاف=
اللي حداها السيـل دون البـوش=
يحدهـا الـوادي على الإنـكاف=
وتعطيه مافي راسهـا وتشـوش=
علـى وليـف ٍمـن زمان ٍطـاف=
ماعاد جاني مـن جهتـه طـروش=
ودي بشوفـه والسنيـن إعجـاف=
وأطـلال وصلـه خاويـات عـروش=
والقلـب لقفا عـن محـب وعـاف=
مــاردّه السـاحـر والا الدنبـوش=
لاصــار مايسـعابـه ويطــاف=
ألا ذيابً جـايـعـه و وحـوش=
والحـب لايسـمع ولاينشـاف=
عن عيـن من لايـعرفـه مخشـوش=
لي فـيه قـصرً عامـر ومضـياف=
ونارً تشـب ومجــلسً مفــروش=
من دمـعة الـفرقا على المشـراف=
ينبت على رمـوش العـيون رمـوش=
جعل العوض فـي نابـي الأرداف=
زاه الخضاب منقض العــكروش=
أمّا هـنوفٍ جـدهــا عسـاف=
والا هـنـوفٍ جـدهـا مدغـوش =

كلمات المبدع .. مدغم ابو شيبه .. منقووول