قصيده حلوه رايح تعجبكم,,,,

[معلومات العضو ابو خالد الودعاني]

قصيده قرأتها بمنتدى النداوي لشاعر لم

يسجل اسمه وحبيت تشاركوني قرائتها

تركـي وانـا خالـك لــو أدلــه بيومـيـنمـاهـيــب والله منسـيـتـنـي حـنـيـنـي

قابلـت مـن حبـيـت بـسـوق المـوديـنومن دون ما اشعر عدت لي خطوتيني

معـهـا ولـدهـا مــا بـعـد تــم عـامـيـنويـــوم ألمحـتـنـي فـكـتـه تحـتـريـنـي

ثم جـت تخطّـى مغـرقٍ دمعهـا العيـنونـا اجتـلـد مــن عـبـرةٍ فــي كنيـنـي

ويــوم قـربّـت مـنـي وعاينتـهـا زيـــنحـارت دمــوع الـشـوق فالحاجريـنـي

قـالـت هــلا ياشـيـخ كـــل الـبـداريـنوحطـت يديـهـا الناعـمـه فــي يديـنـي

كــن الانـامــل لامـســت للشـرايـيـنومصيـبـتـي كـبــر الـجـبـل مـرتـيـنـي

قلت انتي الي ..؟ قالت الهـرج بعديـنبملـى النظـر مـن شوفـتـك ياضنيـنـي

كـانـك تحـسـب فراقـنـا لــه زمانـيـنعـد السنيـن اللـي غـدت مـن سنيـنـي

أسهـر علـى ذكـراك والنـاس ممسيـنوالخـوف مـن سّــو الـقـدر معتريـنـي

والجرح فأقصى ضامري صار جرحيـنمــن بـعـد مـــا وادعـتـنـي بسنتـيـنـي

مـاتـدري ان عقـوبـة العـيـن بالـعـيـنهجرتـنـي والـيـوم ويـنــك وويـنــي ؟!

مـا كـن فــي قلـبـك محـنّـه ولا ديــنوتـعـبّـرت وانــــا الـعـبــار تـحـديـنـي

مالـي جـدا الا اخـلـص الـديـن بالـديـنوأمـسـح دمـــوع عيـونـهـا براحتـيـنـي

وخانتنـي اعصابـي مـن الوجـد والبيـنوقمـت أرتعـش مـن خافـقٍ مبتليـنـي

والصـمـت خـيّـم بعـدهـا بيـنـنـا بـيــنوفجـأه وقــف مخـلـوق بيـنـه وبيـنـي

يـقــول يـكـفـي قـفّـلــن الـدكـاكـيـنوقـفّـت تـوادعـنـي بـصــوتٍ حـزيـنـي

تلـحـظ بعـيـنٍ كـنـهـا عـيــن شـاهـيـنلحـظـة وداع وهـلّـت الـدمــع عـيـنـي

ومن يوم غابـت صـارت العشـر ثنتيـنحارالـقـدم والـســوق يـلـتـف فـيـنـي

قلت آآآآه ياجرحـن لـه سنيـن وسنيـنقــام يتعـاظـم لـيـن طـلّــع خـزيـنـي

الله واكـبـر شـاعـر الـعـسـر والـلـيـنوان شفـت خلـي ماأجمـع الكلمتيـنـي

أقفـت وانـا ماقلـت لـو كـان حرفـيـنعـجـزت أعـبّـر شــوق قلـبـي بحيـنـي

مـن حبهـا اللـي مـال وزنــه مـوازيـنوأخـفــي مـعـالـم حـبـهــا لا يـبـيـنـي

أدرى عليـهـا مــن كــلام الحـسـوديـنأهـــل الـهــروج الــعــوج والنيـتـيـنـي

لـكــن مـالـلـحـب بــــاب وكـوالـيــنمـابـاقـي الا انـســا رضـــا والـديـنــي

الله ولاشــوفــة وفــرقــا الـمـوديــنأحـلـى وأمــر أوقـــات هاللحظتـيـنـي

والله أن يبقـى سنيـن فالقلـب ودنيـنوحـبــه يـلازمـنـي مــــلازم قـريـنــي

وأنـا ياخالـك طحـت لـي بـيـن نـاريـنأجـحـد وأنــا جـمـر الـغــلا يشتـويـنـي

وأن كــان للـحـب المـخّـلـد عـنـاويـنحـبــه كـتـبـه الله عــــذاب بجـبـيـنـي

والله لـــو جـنّــي جـمـيـع الـمـزايـيـنلـمـوت ماخلـصـت فالـحـب ديـنــي!!

 

 

 

 

[معلومات العضو صقر بن محمد]

صح السان قايلها وصح السانك يابو خالد لاهنت,,