العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم قصايد مدح وفخـر في الــدواسـر ::

إضافة رد
انشر الموضوع
 
أدوات الموضوع انواع عرض الموضوع
قديم 16-11-2012, 09:33 PM   #1
 
إحصائية العضو







أبـ ريماس ـو غير متصل

أبـ ريماس ـو is on a distinguished road


افتراضي ديرةٍ حامينها عيال زايد بالسلال..مساجله

تايف بن نماس الروقي العتيبي


قيضي يالوضح في ديرةٍ تقنى الحلال
واشربي يالوضح من شيب ابن مطرف سبيل
ديرةٍ حامينها عيال زايد بالسلال
يومها بالرمح و السيف و الشبر الطويل
واعمروها بالكرم فالصحون فالدلال
و المشاريع افتحوها لعابرة السبيل
الدواسر في القدايم حصون و لا تزال
سعد منهم فزعته لا هبا وجه الذليل
لابةٍ للطيبه كلهم مضرب مثال
ما بعد لقيت فيهم ذليل ولا بخيل
ما يشيل الحمل غير النوادر فالجمال
امدح الطيب وعندي على مدحي دليل
و الدليل الطيبه من طحاطيح الرجال
ولا مدحت ابا يجي لي على مدحي حصيل
مير اشوش ليا لقينا مطانيخ العيال
الدواسر لابةٍ فعلهم دايم جزيل
لقبو خطلان الايدي قديميات الليال
و اللقب لازال ثابت لجيلٍ بعد جيل
اشهد ان المدح يزهى كريمين السبال
في المراجل كلها يفعلون المستحيل
من شعفت المرجله عندهم كل الخصال
ويحتمون البل ليا ولعت راس الفتيل
هم جنبها لاشملت وان بغت يم الرمال
في ذراهم ترتع الخور لابار العميل
وصفهم فوق البسيطه مثل صم الجبال
والشهاده و اجبه مني برد الجميل
قلتها يوم اعترض لي على الجزله مجال
بالنيابه عن عتيبه مزبنة الدخيل
لابةٍ يحسب لهم فالجنوب و فالشمال
بالوفا ميزان ربعي من الوزن الثقيل
دون قاصر في فعول القبايل لا محال
كل حصنٍ في اللقا تفعل و تصهل صهيل
تمت ابيات القصيده على نهج العدال
و السموحه والله اللي على خلقه كفيل



رد الشاعر محمد بن باني المخاريم الدوسري


راكب اللي لا مشى مع جراهيد السهال
حط ممشى خمسة ايام ممشى نصف ليل
و ان خذا الطرق السريعه تجي دق الحبال
و الركود بمشيته لا يطب و لا يميل
لو اثبت فوق كبوته الضخم السحال
ما طرحها الا الهوى لو مشى تسعين ميل
في قفاه و مقدمه صح ما فيها جدال
لكززٍ ابيض و رقم المديل اخر مديل
جا من اليابان كامل و لله الكمال
من قناه يقول ماعاد ادور له بديل
نحّره بيت ابيض الوجه شيال الثقال
كامل الشارات مال الردى صوبه سبيل
نايف النمّاس راع الوفا ماض الفعال
مجلسه منصى العرب في المبيت وفي المقيل
استرح لاجيت و الفال يقفاه العقال
عند منهو فالمراجل يزيد الكيل كيل
مجلسه فيه ازرق العود و الكيف الزلال
مع صحون فوقها من كبار الضان حيل
ثم وصله سلامٍ كما در الهجال
يستحقه طيب الجاه و الفعل النبيل
مثل ما رد الثنا جاه رده بالمثال
واجب رد الجمايل على الحر الاصيل
نايف اللي في اللوازم يحيل ولا يحال
عادته كسب الجزايل و لا يرضا الهزيل
ومن رجالٍ تكسب الطايله في كل حال
تذبح الحايل و تلطم عيون اللي يعيل
عزوةٍ تارد على الموت ميراد النهال
بالسيوف الحدب تفرق خليل من خليل
عادة عتيبه ليا صار للخيل اجتوال
تودع العدوان هذا صويب و ذا قتيل
وتكسب البل و اشهب الملح غاد له شعال
فوق هجنٍ مثل الاقواس و الا فوق خيل
لابةٍ تعرف نهار المعارك و القتال
و الحريب اليا نظرهم يعزم بالرحيل
سمعة الهيلا عتيبه على روس الطوال
ما جهلها كود ناقص عقل والا هبيل
ذا جواب اللي كلامه كما نقد الريال
بالنيابه عن هل الزود ممنت النزيل
الدواسر كل منهم ليا من قال طال
بالكرم و الا ليا جاه مختف الشليل
ان نصاهم معسرٍ بدلو عسره بمال
و ان زبنهم خايفٍ صار في ظل ظليل

 

 

 

 

 

 

التوقيع

    

رد مع اقتباس
قديم 18-11-2012, 11:57 AM   #2
 
إحصائية العضو







هويدي بن هويمل غير متصل

هويدي بن هويمل will become famous soon enough


افتراضي رد: ديرةٍ حامينها عيال زايد بالسلال..مساجله

اقلطي يابيات فكري على شم الجبال ،،،،، واعرفي فضل العتيبي عسى عمره طويل
قدمي له غالي الطيب مع صفر الدلال ،،،،، وقدمي اللي في سنامه من النعمه يشيل

بيتين على السريع ونايف الروقي يستاهل أكثر وبيض الله وجهه ووجه الناقل ابو ريماس وما قصر الشاعر محمد

بن باني المخاريم الله يعطيه العافية

 

 

 

 

    

رد مع اقتباس
قديم 19-11-2012, 11:40 AM   #3
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: ديرةٍ حامينها عيال زايد بالسلال..مساجله

صح لسان الشاعر نايف بن نمّاس العتيبي وصح لسان الشاعر محمد بن باني المخاريم وبيض الله وجهه على مجاراته ورده على قصيدة العتيبي ، وبيض الله وجه من يفعلون الطيب مثل بن مطرف راعي الشيب اللي خلاه (سبيل) للبدو وجعلها في موازين اعماله.
لاهنت يابو ريماس

 

 

 

 

    

رد مع اقتباس
قديم 25-11-2012, 04:51 PM   #5
 
إحصائية العضو







مبارك بن شافي النتيفات غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

مبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to behold


افتراضي رد: ديرةٍ حامينها عيال زايد بالسلال..مساجله

صح لسان الشاعر نايف بن نمّاس العتيبي وصح لسان الشاعر محمد بن باني المخاريم وبيض الله وجهه على مجاراته


لاهنت يابو ريماس

 

 

 

 

 

 

التوقيع



للتواصل عبر تويتر m16mu

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 09:20 AM


Powered by vBulletin® Copyright ©2000 - 2021, Jelsoft Enterprises Ltd.
---