من اشهر بيوت الشعر مع اسماء الشعراء - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم الـشعر العــام ::

إضافة رد
انشر الموضوع
 
أدوات الموضوع انواع عرض الموضوع
قديم 24-06-2005, 03:24 PM   #1
 
إحصائية العضو







ابوحاجوووونه غير متصل

ابوحاجوووونه is on a distinguished road


افتراضي من اشهر بيوت الشعر مع اسماء الشعراء



هناك أبيات تميزت بملامستها لأعماق الناس وقربها من همومهم وقضاياهم حيث جاءت بأسلوب مطابق لما يريدون التعبير عنه فظلت عالقة في الأذهان والعقول وحفظها الناس وتناقلوها حتى يومنا هذا لتضرب بها الأمثال في الأحداث والمناسبات المشابهة، ومما قيل في الحكمة والنصح والارشاد هذه الدرر الثمينة من المقتطفات الشعرية:





أحفظ دبشك اللي عن الناس مغنيك=اللي ليا بان الخلل فيـك يرفـاك
وأعرف ترى مكة ولاها بناخيـك=لو تطلبه خمسة ملاليم ما أعطاك
والحر مثلك ما يصحـب الديـك=وإن صاحبه عاعا معاعات الأدياك


بركات الشريف



ليا عاد ما للرجّال رأيٍ يدله=يأخذ من أشوار الرجال دليل


الشريف جري الجنوبي



من عوّد العين المنـام تعـوّدت=ومن عوّد العين المساري تعاود
ومن عوّد الصبيان أكـل بيتـه=عاودوه في عسر الليالي الشدايد


راشد الخلاوي





النوم رأس اللوم بان الردى بـه=واللي يبي الطولات نومه شلافيح
الذيب ما يرقـد ورزقـه نهابـه=يدوّر الغرات عنـد المصاليـح
واللي يبا الطولات يتعب ركابـه=والعز بأكوار النضا ياهل الفيـح


مريبد العدواني





فتـى بـلا عـزم حياتـه مذلـة=والعزم لقلـوب الرجـال طبيـب
من لا صبر بالعسر ما ذاق يسرها=وباب الفرج للصابريـن قريـب






محمد الأحمد السديري



مقام الفتى في منصب العز ساعة= ولا ألف عام يصحب الذل صاحبه


راشد الخلاوي





المراجـل مـا تهيّـا هالسّويـا=كود من عض النواجذ في سنونه


عبدالله القريفة





الظفر ساعه وإن حلّ ماجوبه=والمراجل لها حزّات ورجالي


ضيدان العارضي





الحمّـرة تـدرك معوشـة عيالهـا=وألا الرجل يبغى منه بعض الأحوال


خلف أبو زويد الشمري





ليا صار ما توفي عميلك من الصاع=ما ينقعد لك عند حصـن النواهيـم
شبرٍ من البيداء يعوّضك بالافـزاع=وسود الليالي يبعدنّك عـن الضيـم


سعدون العواجي





من لا يديس الرأي من قبل ما ديس= عليـه داسـوه العيـال القرومـي
ومن لا يقلّط شذرة السيف والكيس=يبدي عليه مـن الليالـي ثلومـي
والقصر ما يصلح على غير تسييس=ومن لا تعلم مـا تفيـد العلومـي


تركي بن حميد





الناس ما تسقيك لا صرت عطشـان=ولا يشرب المضمي كود من ذراعه
أضرب على الكايد ليا صرت بحلان=وعند الولي وصل الحبل وإنقطاعـه
عيبٍ على اللي يتقي عقب ما بـان=وعيبٍ طمان النفس عقب إرتفاعـه


عبيد العلي الرشيد





من حل دار النـاس حلّـوا ديـاره=لابـد مـا تسكـن ديـاره ويغبـن
ومن شق ستار الناس شقوّا ستـاره=ومن ضحك بالثرمان ضحك بلا سن

شالح بن هدلان





حيٍ يورّيك المذلـة وتغليـه=أنا أشهد إنك ميت القلب عامي
من لا يوّدك لا توّده وترجيـه=أرفع مقامك يا عزيز المقامي


محمد الأحمد السديري





الضرس يعبى له عن السهر مقلاع=حتى تنام العين مـا هـي طلابـه


خلف الأذن



أنا أشهد إن بقصرة الرجل نوماس= لا صار ما للرجل داعيٍ دعاهـا


مبارك بن عبيكة





لا تأخذ الدنيا خراصٍ وهقوات=يقطعك من نقل الصميل البرادي
لك شوفةٍ وحده وللناس شوفات=ولا واديٍ سيله يفيض بـوادي


عبدالله بن سبيّل





لا يأمن المظهود جمع المعـزة=ولا يأمن الجمع العزيز الظهايد
أيضا وبيت الفقر لا يأمن الغنى=وبيت الغنى لا يأمن الفقر عايد


راشد الخلاوي





ليا خاب ظنك بالرفيق الوالي=ما لك مشاريهٍ على نايد الناس


محمد الأحمد السديري





يا بايعٍ جوخٍ على غيـر أهاليـه=مثل الذي ينزل بقصـرٍ خرابـه
ولد الردي لو طاب لك لا تماشيه=يومين والثالث يبين الـردى بـه


مشعان بن هذال





















لعل قصرٍ ما يجـي لـه ظلالـي=ينهد مـن عالـي مبانيـه للسـاس
لا صار ما هو مدهـلٍ للرجالـي=وملجأ لمن هو يشكي الضيم والباس


محمد الأحمد السديري





الأجواد إن قاربتهم مـا تملّهـم=والأنذال إن قاربتها عفت ما بها
الأجواد وإن قالوا حديثٍ وفوبـه=والأنذال منطوق الحكايا كذابهـا
الأجواد صندوقين مسك وعنبـر=ليا فتحت أبوابها جاك مـا بهـا
والأنذال لو غسّلوا ايديهم تنجّست=نجاسة قلوبٍ ما يفيد الدواء بهـا


محمد المهادي





أحدٍ على جـاره بختـري ونـوّار=وأحدٍ على جـاره صفـاةٍ محيفـه
خطو الولد مثل البليهي ليـا ثـار=زودٍ على حمله نقل حمـل أليفـه
وخطو الولد يا مال قصّاف الأعمار=لا نافـعٍ نفسـه ولا منـه خيفـه


مقحم النجدي الصقري





شبعنا وشبع الذّر مـن زاد سورنـا=وللـذّر فـي زاد الكـرام معـاش
يعطي العطى من كان ضاريٍ للعطى=ويمنّ العطى من كـان خالـه لاش
ومن لا يعرّب منسبه قبـل منشبـه=تـروح عليـه عيـلانـه بــلاش


شقير الدويش

...........





عرّب وليدك عرّبـه=والنار من مقباسهـا
والعز بوروك النساء=اللي عريبٍ ساسهـا
بنت الردي لا تأخذه=لو هو طويلٍ رأسها


............





لا تأخذ الهزلا على شأن مالها=ولا تقتبس من نارهم بالوقايـد
لا تأخذ ألا بنت قومٍ حميـده=لعل ولدٍ منها يجـي بالفوايـد


راشد الخلاوي





أبا أنذر اللي من ربوعي يبا الطيب=لا يأخذ ألا من بيـوت الشجاعـه
يجي ولدها مـذربٍ كنّـه الذيـب=عزٍ لأبوه وكل مـا قـال طاعـه
وبنت الردي يأتي ولدها كما الهيب=غبـنٍ لأبـوه وفاشلـه بالجماعـه
يا كبر زوله عند بيت المعازيـب=متحـريٍ متـى يقـدم متـاعـه


شالح بن هدلان





الطيب ما هو بس للضاعنينا=قسّم على كل الوجيه المفاليح


بداح العنقري





ما مال ألا فارغٍ من زبرها=ولا حي ألا مقتفيه المماتي


سعدون العواجي





لولا الهرم والفقر والثالث الموت=يا الآدمي بالكون يا عظم شأنـك
لولا الثلاث وشأن من قدّر الفوت=نفذّت كل اللـي يقولـه لسانـك


محمد الأحمد السديري





أيامنـا والليالـي كـم نعاتبـهـا= شبنا وشابت وعفنا بعض الأحوالي


بديوي الوقداني





نعد الليالي والليالي تعدنا=العمر يفنى والليالي بزايد


راشد الخلاوي





شابت لحانـا مـا لحقنـا هوانـا=وعزي لمن شابت لحاهم على ماش


مناحي بن معدل السهلي





وأخير منها ركعتين بالأسحار=لا طاب نوم اللي حياته خساره


تركي بن حميد





يا دحيم ريضان الجماعة مريفـه=واللي مع الأجناب كنّه على نار
الطير بالجنحان ما أحلا رفيفـه=وليا إنكسر حدا الجناحين ما طار
ويمنى بلا يسرى تراها ضعيفـه=ورجلٍ بلا ربعٍ على الغبن صبّار


عبدالله بن سجوان الرويس





والله يا لولا العظم يومنـي أمـلاه=أكويه بالجمرة ويكوي جروحـي
مع دلةٍ صفرا على النـار مركـاه=أقصر بصبتها على كيف روحـي
فنجالها يشدي خضـاب الخونـداه=الجادل اللي عند أهلهـا طموحـي
عدّه لمن يثنـي خـلاف المخـلاه=فكاك بالضيقـات راع اللحوحـي
وعدّه لقـرمٍ مـا تونـي مطايـاه=يضوي ولو صكت عليه النبوحـي
وعدّه لمن تدفـق السمـن يمنـاه=عيدٍ لربعه بالزمـان الشحوحـي
وباقي الرجال فحول نسوان ورعاه=ضباط مال وحافظين السروحـي


ذعار بن مشاري بن ربيعان





لا شفت خطو الظول بالك تعسّه=وإن فارقك شر المخاليق خلّـه
لو عندنا من غيب الأيام رسّـه=الآدمي مصلـوح نفسـه يدلّـه


محمد بن مهلهل بن شعلان





من صد عني له الطاروق خليته=عيبٍ على البنات الناس يبلاهـا


محمد بن حجي المطيري





من عافنا عفناه ولو كان غالـي=ومن باعنا بالرخص بعناه بزهود


مزنة بنت مكازي





برقٍ مصدٍ لو مزونـه لهـا نـور=لا تستخيله لـو ربيعـك شفاقـه
من لا استشارك لا تعدّي له الشور=ومن لا يوّدك نور عينـك فراقـه


الدقيس الجمّيليّه





الزول زولـه والحلايـا حلايـاه=والفعل ماهوب فعل واف الخصايل


زوجة وديد بن عروج





يا عين هلي صافي الدمع هليه=وليا انتهى صافيه هاتي سريبه
اللي يبينا عيّت النفس تبغيـه=واللي نبي عيّا البخت لا يجيبه


نورة الحوشان






منقووووووووووووووووووووووووووووووووووووووول


مع تحياتي للجميع

 

 

 

 

 

 

التوقيع

ياشباب المنتدى جاكم رفيق الدرب ابو حاجوووونه ,,, ون نشدتوا عن عذاب الوقت والغربال هز الراسي

شايبٍ ضاع بطريقٍ ماعرف سلمه ولا قانونـــــــه ,,, يشهد الله طاح طيحة واحدٍ وقع وهو متواســـــــــي

ابوحاجوووونه
آخر تعديل أبوفهيد الودعاني يوم 24-06-2005 في 07:20 PM.

    

رد مع اقتباس
قديم 24-06-2005, 05:22 PM   #2
 
إحصائية العضو







الواضح غير متصل

الواضح is on a distinguished road


افتراضي

مشكــــــــــو ر أخــــوي أبوحاجوووونه


ونقل مميز مثل ناقله

 

 

 

 

 

 

التوقيع

ليا أذن بلال صل الفرض قم صله
.........................................ما فات مارجّعه تفكير عذالي


رحمك الله يا دغش البطي وأسكنك فسيح جناته آآآمين

    

رد مع اقتباس
قديم 24-06-2005, 05:30 PM   #3
 
إحصائية العضو







-${قليب الذيب}$- غير متصل

-${قليب الذيب}$- is on a distinguished road


افتراضي

بسم الله الرحمن الرحيم

السلام عليكم ورحمة الله وبركاته


يا بو حاجوووونه

والله ما قصرت وبيض الله وجهك على هذا المجهود القيم جداً

والذي تذكر فيه القصائد المميزه والابيات النادره التي ترسخ في الذهن

ولا تكاد تفارق اللسان في تكرارها وهي تعتبر أمثال في واقع الحياه

واللذي تحيي فيه ذكرى الشعراء الكبار جداً

أخوك

-${قليب الذيب}$-

 

 

 

 

    

رد مع اقتباس
قديم 24-06-2005, 09:55 PM   #5
 
إحصائية العضو







محمد البليهي غير متصل

محمد البليهي is on a distinguished road


افتراضي

الله يعطيك الف عافية على هالجهد الكبير في نقل الأشعــار العربية الخالدة الملئية بالحكم00[b]

 

 

 

 

    

رد مع اقتباس
قديم 24-06-2005, 10:41 PM   #6
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي أبيات شعرية ...

شكر لك يابو حاجوووونة على هذه الأبيات الجزلة والشعراء الكبار وأيضاً بصراحة هناك أبيات قوية أعجبتني وأتمنى أن تنال إعجاب القاريء العزيز وسوف أذكر شعراءها اللي اعرف منهم:-

حمد هادي المسردي " رحمه الله " :-
والله إني ماهقيت إن على الدنيا جحود 0000 لين معروفي بذلته بناسن وجحدوه
أثر من يفعل الجود فيمن لا يجـــــــود 0000 مثل من حجّـج على غاربه ذباّح ابوه

سعد بن هتيل المسعري " رحمه الله" :-
أرجي ثلاثن منك من غير منــّـــه 000000 الدين الأول والكــــرم والشــجاعـــة
والرجــل لامن الثلاث فختــــنـــه 000000 لا ينبغــى قربـه ولا بــــه طمـــــاعة

صياف الحربي :
رجال إليـاعطى الراي واجـــــــزم 00000 ذابــت جلاميــــد الصـخر تحـــت شوره
ورجال ماينفعك لو هـــو ولد عـــم 00000ورجــال تافي بالمــعـــاني شبـــــــوره

نايف بن مسرع " الشامخ" :-
ياعـاذل القلب مافي القلب سماعة 00000 أصقــه ولا يسمع العذال وحكـــاها
خلوني أسج في دنيــاي لو ســاعة 00000 يكفي لنفسي من الضيقات ماجاها
أشقيت نفسن مع الظفران طمـاعة 00000 لـكن وقت العنا ماحقـق منــــــــاها

لشاعر دوسري أظنه سعود الأزرق المخاريم-
والله إني خابرن رفقة اللاش ابتلاش 00000 مير أنا في صحبة قليّل العرف مغشوش
لو على الأنذال وسمٍ علينا ماخفـاش 00000 غرني في لبسة الثوب صفّــات النقوش
مثل عظمٍ بالي مالقي فيه العــراش 00000 أو مثل من محزمه مالفشق بلّا قفوش

 

 

 

 

    

رد مع اقتباس
قديم 25-06-2005, 02:43 AM   #7
 
إحصائية العضو







الصريح غير متصل

الصريح is on a distinguished road


افتراضي

الشايب ابوحاجووووووونة

عسا عمرك طويل الحر ما ياقع إلا على قمة الجبل

صدقني الشايب للمنتدى مثل عمود البيت والبيت بدون
عمود لايمكن ان ينصب لكي يظل ويذري ويحمي من السموم

وتظل ويظل سموتفكيرك في ماهو مفيد سوائاً بإبداعاتك او بأختيارك
الرائع

تقبل تحياتي

اخوك الصريح

 

 

 

 

 

 

التوقيع

قالو توقع قلت توقيعي افعال

ما حب الفق لي دعاية وصورة

انا صريح القول في كل الاحوال

يسهل علي موج المحيط او عبورة

    

رد مع اقتباس
قديم 26-06-2005, 11:47 AM   #8
 
إحصائية العضو








دغش البطي غير متصل

دغش البطي is on a distinguished road


افتراضي

أخي وحبيب قلبي الشاعر الكبير والراوي المميز أبو حاجوووووونه


جعل يمناك مايجيها العطب


عزالله العزيز إنك تخيرت يوم نقلت


إختياراتك مميزه وجميله ومفيده لما تضم من الفوائد والحكم


لاهنت وبيض الله وجهك يالعووووووووووود


ولاتخلينا من قصائدك المميزه


ودي لو تنزل بعضها في المنتدى


تحياتي القلبية لمقامك العالي


محبك ومغليك دغش البطي

 

 

 

 

 

 

التوقيع

    

رد مع اقتباس
قديم 26-06-2005, 12:10 PM   #9
 
إحصائية العضو







سالم الغريري غير متصل

سالم الغريري is on a distinguished road


افتراضي

تسلم يمينك يا ابو حاجوووونه

والله لا يهينك على موضوعك المميز اللي اتمنى يتم تثبيته من ادارة المنتدى

ومشكور يا ابو عبد المحسن المسعري على الاضافة


تحياتي للجميع

 

 

 

 

 

 

التوقيع

آخر تعديل سالم الغريري يوم 26-06-2005 في 12:13 PM.

    

رد مع اقتباس
قديم 26-06-2005, 12:35 PM   #10
 
إحصائية العضو







****المطنوخ**** غير متصل

****المطنوخ**** is on a distinguished road


افتراضي

القصيده للشاعرالكبير بديوىالوقدانى العتيبى رحمه الله رحمه الابرار

وهىوالله حكمة .
وهى :


أيامنا والليالي كم نعاتبها =شبنا وشابت وعفنا بعض iالأحوالي
تاعد مواعيد والجاهل مكذبها =واللي عرف حدها من همها سالي
إن أقبلت يوم ما تصفى مشاربها =تقفي وتقبل وما دامت على حالي
في كل يوم تورينا عجايبها =واليوم الأول تراه احسن من التالي
أيام في غلبها وايام نغلبها =وايام فيها سوا والدهر ميالي
جربت الأيام مثلي من يجربها =تجريب عاقل وذاق المر والحالي
نضحك مع الناس والدنيا نلاعبها =نمشي مع الفي طوع حيث ما مالى
كم من علومٍ وكم آداب نكسبها=والشعر مازون مثقالٍ بمثقالى
اعرف حروف الهجاء بالرمز واكتبها=عاقل ومجنون حاوى كل الاشكالى
لكن حظي ردي والروح متعبها =ما فادني حسن تاديبي مع أمثالي
إن جيت ابي حاجةٍ عزت مطالبها=العفو ما واحدٍ في الناس يا والى
قومٍ الى جيتهم رفت شواربها=بالضحك واقلوبها فيها الردا كالى
وقومٍ الى جيتها صكت حواجبها=وابد ت لي البغض في مقفاي واقبالي
ما كني إلا حال مغضبها =والكل في عشرته ماكر ودجالي
يا حيف تخفي أموراً كنت حاسبها =واللي على بالهم كله على بالي
الجار جافي وكم قومٍ محاربها =والأهل وأصحابنا والدون والعالي
والروح ويش عذرها في ترك واجبها =راح الحسب والنسب في جمع الأموالي
نفسي تبى العز والحاجات تغصبها =ترمي بها بين أجاويد وانذالي
المال يحي رجالاً لا حياة ابها =كالسيل يحي الهشيم الدمدم البالي
عفت المنازل وروحي يوم اجنبها =منها غنيمه وعنها البعد أولا لي
لا خير في ديرةٍ يشقى العزيز ابها =يمشي مع الناس في همٍ وإذلالي
دارٍ بها الخوف دومٍ ما يغايبها =والجوع فيها ومعها بعض الاحوالي
جوعى سراحينها شبعى ثعالبها =الكلب والهر يقدم كل ريبالي
عز الفتى راس ماله من مكاسبها=يا مرتضي الهون لا عزٍّ ولا مالي
دللت بالروح لين ارخصت جانبها =وانا عتيبي عريب الجد والخالي
قومٍ تدوس الافاعي مع عقاربها =ولها عزايم تهد الشامخ العالي
خل المنازل وقل للبين يندبها =يبكي عليها بدمع العين هطالي
لا تعمر الدار والقالات تخربها =بيع الردي بالخساره واشتر الغالي
ما ضاقت الأرض وانسدت مذاهبها =فيها السعه والمراجل والتفتالِ
دارٍ بدار وجيرانٍ نقاربها =وارضٍ بأرض وأطلالٍ بأطلالي
والناس اجانيب لين إنك تصاحبها=تكون منهم كما قالوا بالأمثالي
الارض لله نمشي في مناكبها =والله قدر لنا أرزاق وآجالي
حث المطايا وشرِّقها وغرِّبها =واقطع بها كل فجٍّ دارسٍ خالي
واطعن انحور الفيافي في ترايبها =وابعد عن الهم تمسي خالي البالي
من كل عمليةٍ تقطع براكبها =فدافد البيد درهامٍ وزرفالي
تبعدك عن دار قومٍ ودار تقربها =واختر لنفسك للمنزال منزالي
لو متّ في ديرةٍ قفراً جوانبها=فيها لوطى السباع الغبس مدهالي
اخير من ديرةٍ يجفاك صاحبها =كم ذا الجفا والتجافي والتعلالي
دوس المخاطر ولا تخشى عواقبها =الموت واحد وبعد العز يجلالي
ان المنايا إذا مدت مخالبها=تدركك لو كنت في جو السما العالي
ما قرت الاسد في عالي مراقبها =تسعى على الرزق ما حنت للاشبالي
والشمس في برجها والغيم يحجبها =تقفي وتقبل لها في العرش مجدالى
رب السماوات يا محصي كواكبها =يا مجري السفن في لجات الأهوالي
ضاقت بنا الأرض واشتبت شبايبها =والغيث محبوس يا معبود يا والي
يا الله من مزنةٍ هبت هبايبها =رعادها بات له في البحر زلزالي
ريح العوالي من المنشا تجاذبها =جذب الدلى من جباء مطوية الجالي
ديمومةٍ سبلت وأرخت ذوايبها =وانهل منها غزير الوبل همالي
تسقي دياراً شديد الوقت حاربها=ما عاد فيها لبعض الناس منزالي
يا جاهل اسمع تماثيلاً مرتبها =فيها معاني جميع القيل والقالي
مثل المحابيب زادت في قوالبها =في صرفها زايده عن قرش واريالي
يا ربي توبه وروحي لا تعذبها =يوم القيامه إذا ما ضاقت اعمالي
وازكى صلاةٍ على المختار نوهبها =شفيعنا يوم حشرٍ فيه الأهوالي
وازكى صلاةٍ على المختار نوهبها=شفيعنا يوم حشرٍ فيه الأهوالي
وازكى صلاةٍ على المختار نوهبها =شفيعنا يوم حشرٍ فيه الأهوالي



وسلامتكم

 

 

 

 

    

رد مع اقتباس
قديم 26-06-2005, 12:38 PM   #11
 
إحصائية العضو








محمد بن الأشيب الغريري غير متصل

محمد بن الأشيب الغريري is on a distinguished road


افتراضي

تسلم ملايين ( يابو حاجوووونه )

على نقل هذه القصائد اللي كلها حكم .

نقل مميز من شخص مميز .

تحياتي لك .

 

 

 

 

 

 

التوقيع

[poem font="Simplified Arabic,5,crimson,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
صليب الراس وعزوتي لاد الغريري = من جميلات تغلب من سلاطين وايل[/poem]

    

رد مع اقتباس
قديم 22-08-2007, 01:25 PM   #14
 
إحصائية العضو







صبي آل عريمه غير متصل

صبي آل عريمه is on a distinguished road


افتراضي رد: من اشهر بيوت الشعر مع اسماء الشعراء

مانتب سهل يابو حاجونه ولو اني ماعرف ثلاثة ارباع الشعار اللي ذكرت

 

 

 

 

 

 

التوقيع

[poem font="Simplified Arabic,7,crimson,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
الحمدلله والثنى الرحمن رب العالمين = اهل المحامد والثنى والفضل والخير بيديه

ذو العرش والاجلال والسلطان والركن المتين = الملك له والكون له والأمر والرجعى إليه

رب السماوات العلى والأولياء المخبتين = لاندله ولاشريك ولا مثيل ولاشبيه

يالله تجعلني من اتباع النبي والمسلمين = وتبيض بوجهي اذا ابيضت واذا اسودت وجيه [/poem]

( عبدالله بن عبدالرحمن بن ذيب )

    

رد مع اقتباس
قديم 22-08-2007, 02:17 PM   #15
 
إحصائية العضو







صبي آل عريمه غير متصل

صبي آل عريمه is on a distinguished road


افتراضي رد: أبيات شعرية ...

اقتباس:
المشاركة الأصلية كتبت بواسطة راشد المسعري مشاهدة المشاركة
شكر لك يابو حاجوووونة على هذه الأبيات الجزلة والشعراء الكبار وأيضاً بصراحة هناك أبيات قوية أعجبتني وأتمنى أن تنال إعجاب القاريء العزيز وسوف أذكر شعراءها اللي اعرف منهم:-

حمد هادي المسردي " رحمه الله " :-
والله إني ماهقيت إن على الدنيا جحود 0000 لين معروفي بذلته بناسن وجحدوه
أثر من يفعل الجود فيمن لا يجـــــــود 0000 مثل من حجّـج على غاربه ذباّح ابوه

سعد بن هتيل المسعري " رحمه الله" :-
أرجي ثلاثن منك من غير منــّـــه 000000 الدين الأول والكــــرم والشــجاعـــة
والرجــل لامن الثلاث فختــــنـــه 000000 لا ينبغــى قربـه ولا بــــه طمـــــاعة

صياف الحربي :
رجال إليـاعطى الراي واجـــــــزم 00000 ذابــت جلاميــــد الصـخر تحـــت شوره
ورجال ماينفعك لو هـــو ولد عـــم 00000ورجــال تافي بالمــعـــاني شبـــــــوره

نايف بن مسرع " الشامخ" :-
ياعـاذل القلب مافي القلب سماعة 00000 أصقــه ولا يسمع العذال وحكـــاها
خلوني أسج في دنيــاي لو ســاعة 00000 يكفي لنفسي من الضيقات ماجاها
أشقيت نفسن مع الظفران طمـاعة 00000 لـكن وقت العنا ماحقـق منــــــــاها

مبارك بن محسن المسعري:-
والله إني خابرن رفقة اللاش ابتلاش 00000 مير أنا في صحبة قليّل العرف مغشوش
لو على الأنذال وسمٍ علينا ماخفـاش 00000 غرني في لبسة الثوب صفّــات النقوش
مثل عظمٍ بالي مالقي فيه العــراش 00000 أو مثل من محزمه مالفشق بلّا قفوش
رائع دائما ياراشد المسعري وفعلا ابيات كالنقش على الحجر وزاسمحلي بالاضافة

ياشبه وضحى مع بن قويد 0000 شيخ الدواسر راعي الوادي

-----------------------------

قصيدة اختارها المؤرخ الشهير عبدالله بن خميس في كتابة من القائل

ورشحها الاولى في الحكم وجعلها في اول الكتاب

لاتاتي العيلات من باب قوة 00000 والاظلام لاتبحك لهن جحور

تلبس بتاج الصمت مادمت جالس 0000 واحذر تجي بين الرجال هذور

سود الليالي مادري عن بطونها 0000 يمسن اناثي ويصبحن ذكور

( مبارك بن مويم الدوسري )

---------------------------------------------------


مانيب امير مير طيب جماعه 00000 سيف الربعي في المهمات مصقول

ان قدموني لابتي قدر ساعه 00000 قدمتهم مقدار خمسة عشر حول

( سعد بن هتيل الدوسري )

-----------------------------------------

ندرالسادات والقادات منا 000 ومن شهر بالطيب حنا ناتبينه

( سعد بن مقرن الدوسري )
----------------------------------------------

هذا ولد عم وهذا ولد خال 0000 وهذا رفيق مالقينا مثيله

( راكان بن حثلين )

-----------------------------------------------

ان كان تبغين الطرب والسلامه 0000 عليك بالفرعة بلاد الوداعين
تنحري ربع تفك الجهامه 0000 نطاحة الكايد على العسر واللين

( مويضي البرازية )

-----------------------------------------------------

عثمان ودك بالمنهايج فاراح 0000 اقصى مناهيك الحسا هو وجوده

اما كلاك الطير خفاق الاجناح 000 ولا رزقك اللي علينا مدوده

يازين شب الضو من عقب مرواح 0000 في خايع ماحلا تمايل فنوده

كم واحد مني على صابره طاح 00000 خلي السحمات الضرايا تروده

( دخيل بن الرديني القوده )

---------------------------------------------------

الولد وان طاب طيبه من خواله 0000 ووان تردى قالوا انهم خايبيني

( راشد بن الذيب العجمي )

--------------------------------------------------------

عندنا بن حسين يفعل ماطراله 00000 يلطم العايل وهيف للسميني

ضونا ضوه ودلتنا دلاله 00000 محتزيها والقبايل شاهديني

( مسعود بن عنبر الصخابرة الدوسري )

----------------------------------------------------

حنا هل الوادي وحنا المناعير 0000 وحنا ودينا جارنا من جداره

( بن لعبون )

-----------------------------------

ياحاكي في اهل القلوب المصده 0000 مثل المطر يضرب سحال مقفاه

( الهذية الدوسري )

-------------------------------------------------

من حدر الوادي لقى فيه جنه 0000 ومن سند الوادي لقى فيه الاجواد

يامل قلب يقرع اقراع شنه 0000 يوميبه الغربي على شط بغداد

( بن هيّا الدوسري )

--------------------------------------------------

واهني الترف منسوع الجديله 0000 ماضواه الليل دون مغرزاتي

وردوها هيت واخطاه الدليله 0000 والموارد دون هيت مقضباتي

( الملك عبدالعزيز طيب الله ثراه )
----------------------------------------------------------------

حنا هل الست ياوالله التعاجيب 0000 كن الركايب بنا رتع ضواحي

لحقوا هل البل ثلاثين تقاطيب 0000 الاد روق مروية الرماحي

( محمد بن حفيظ )

--------------------------------------------------------

جعلك فدى للركايب يادعيكاني 0000 بلا ثمان ودايع من صحايبنا

حنا الغييثات لامن ثار عكناني 00000 رفقين وفقين ماتخطي ضرايبنا

( الغييثاااات )

------------------------------------------------

 

 

 

 

 

 

التوقيع

[poem font="Simplified Arabic,7,crimson,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
الحمدلله والثنى الرحمن رب العالمين = اهل المحامد والثنى والفضل والخير بيديه

ذو العرش والاجلال والسلطان والركن المتين = الملك له والكون له والأمر والرجعى إليه

رب السماوات العلى والأولياء المخبتين = لاندله ولاشريك ولا مثيل ولاشبيه

يالله تجعلني من اتباع النبي والمسلمين = وتبيض بوجهي اذا ابيضت واذا اسودت وجيه [/poem]

( عبدالله بن عبدالرحمن بن ذيب )

    

رد مع اقتباس
إضافة رد


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الشاعر منذر بن حمد بن رشود آل هشام الشكرة في لقاءٍ (أدبيّ) مع الموقع الرسمي لقبيلة الدواسر العريقة . الإداره :: قسم اللقــاءات والفعاليات والتغطيات الخاصة:: 31 03-02-2015 10:57 AM
كل ما تريدون معرفته عن العناية الشعر وتساقطه وعلاجه‎ domokh :: قسم الأسـره والمـجتمـع :: 9 18-12-2010 11:29 AM
اسماء الشعراء المتاهلين في مسابقة شاعر المعنى غازي المسعري :: قسم أخبــار الشـعر والشـعراء :: 6 22-11-2010 07:08 PM
الدراسة التفصيلية الكاملة لشعر المحاورة عقاب بن هذال ال بريك :: قسم المــحــاورة والألــغـاز:: 8 09-10-2010 08:54 PM

 


الساعة الآن 06:42 AM


Powered by vBulletin® Copyright ©2000 - 2024, Jelsoft Enterprises Ltd.
---