قصة عبدالله مفرج الدوسري والناقه ...

**معلومات** **العضو** · 20-04-2007, 04:53 PM

علاقه الناقه بصاحبها .... قصه وقصيده
هذه حكايه جرت على رجل من قبيلة الدواسر اسمه عبدالله بن مفرح ويلقب عبدالله الشمالي .......كان عنده ذلول طيبه , أحسن عسفها واسماها (الهدية)وهي سريعه في الجري , ومحبه الرجل لناقته غير مستغربه وكذلك موالفتها له , وايضا فابل تعرف صوت صاحبها وتحن عليه

واصيب عبدالله الشمالي في مرض الجدري , ولزم الفراش قرابه شهرين وكانت الناقه قد احست بما اصاب صاحبها فاخذت تاتي وترفع رواق البيت براسها تطالعه وتحن .......

وبعد مده توفى صاحبها فكانت الناقه كلما ورت تاتي للبيت وترفع الرواق براسها وتنظر الى مكانه خاليا ثم تسري فكانت ابنه الشمالي تعقل الناقه حتى لاتسري في الليل وظلت الناقه نصف شهر وهي تهجرع بالحنين ....

وكان عندهم جار اسمه (حصيبان) من قبيلة عنزه او قظته ذات ليله وهي تهجرع بالحنين .. فأثارت الاحزان في نفسه وذكرته بجاره المتوفي

فقال...

مل قلـب هيضـه حـس الهديـه= هجرعت بالصوت من عقب الشمالي
ياذلـول القـرم حمـاي الـرديـه=اصبري عقبه علـى سقـم الليالـي
ذكرت بالحـب مـن عينـه شقيـه= ذاكـر فـي نجـد خـلان وغالـي
عقـب فقـده ماتوالـف للرعـيـه= تطرده ساره علـى روس المفالـي
عزتـي للقـرم حطـولـه بنـيـه= عزتـي للقـرم مـن قبـر هيالـي
عادتـه بالكـون يثنـي للـرديـه=ينسـم الحفيـات ريـف للهزالـي

منقوووووووووووووووول

**معلومات** **العضو** · 20-04-2007, 11:33 PM

تسلم يالرجباني قصه وأبيات جميله غايه في الحنيه وصح لسان الشاعر العنزي
دمت مبدع الى مالا نهايه

**معلومات** **العضو** · 21-04-2007, 12:22 AM

اقتباس:

المشاركة الأصلية كتبت بواسطة العضوالمنتدب

تسلم يالرجباني قصه وأبيات جميله غايه في الحنيه وصح لسان الشاعر العنزي
دمت مبدع الى مالا نهايه

الاخ العضو المنتدب لاهنت على مرورك يلغالي ومن قال سلام
تقبل تحياتي الرجباني2

**معلومات** **العضو** · 21-04-2007, 12:49 AM

بيض الله وجهك يا ابو محماس

على النقل

تحياتي

**معلومات** **العضو** · 21-04-2007, 10:31 AM

بيض الله وجهك يالرجباني على القصة وقصيدتها المحزنة .

ننتطر جديدك و إبداعك ،، مع خالص التحية و الاحترام.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لماذا نحن متواجدون في المنتديات؟؟؟؟ (اسئلة هامة )	محمد بن حمد الشكرة	:: قسم المـواضيع الـعامــة ::	9	09-01-2011 08:37 PM
محمد بن عبدالله بن جلاجل الجلاجل (من رجال الدولة السعودية الثانية)	جلاجل الجلاجل	:: قسم أمـراء وفـرسان وأعـلام الـدواسـر::	9	03-01-2011 12:48 PM
التغطية المصورة لحفل المسابقة الشعرية الأولى لموقع قبيلة الدواسر الرسمي	الإداره	:: قسم المسابقة الشعرية السنوية للموقع الرسمي لقبيلة الدواسر ::	17	11-12-2010 11:09 PM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت.	الإداره	:: قسم اللقــاءات والفعاليات والتغطيات الخاصة::	16	22-11-2010 09:44 AM
التغطية المصوّرة للحفل المقام بالبديع دعماً لقضية سعود بن عبدالله بن سعود بن شويرب الصخابرة .	الإداره	:: قسم اللقــاءات والفعاليات والتغطيات الخاصة::	22	27-10-2010 10:30 AM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية