الحقائق الجليه عما حصل يوم الصويدريه - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: قسم تاريـخ قــبـيـلة الــدواسـر ::

إضافة رد
انشر الموضوع
 
أدوات الموضوع انواع عرض الموضوع
قديم 17-11-2006, 11:07 PM   #1
 
إحصائية العضو







ابو الخطاب غير متصل

ابو الخطاب is on a distinguished road


افتراضي الحقائق الجليه عما حصل يوم الصويدريه



بسم الله الرحمن الرحيم

ايها الاخوة الاعزاء السلام عليكم ورحمة الله وبركاته وبعد ،

نحييكم بتحية الاسلام تحية اهل الجنه فالسلام عليكم ورحمة الله وبركاته:

يوم الصويدريه هو احد الأيام اللتي صبّح فيها جيش الملك عبد العزيز بقيادة الامير سعود الكبير ومن معه من العرايف وبعض ابناء القبائل، صبّحوا قبيلة الغييثات وهذا الصباح أتى بعد ان علم الملك عبد العزيز بوقعة( العريق) وانتصار الغييثات فغضب وامر جيشه بغزو الغييثات وهو بمثابة تأديب او ثأر لسبيع من الغييثات.

الصويدريه : عبارة عن نهاية عرق من جهة الجنوب وهي مرتفعه ارتفاع بيّن وتقع جنوب خريص بخمسة عشر كيلو متر تقريباً وجنوب سكة القطار اذا تقاطعت مع الاسفلت المتوجه الى كمب ابو جفان بثنين كيلو متر تقريباً.

الذي روى لي القصه هو نايف ابن مدعث ابن ضفيا وعمره الآن يزيد على الثمانين سنه
يقول وقد سمعتها من الأمير سلمان ابن محمد عم محمد بن سعود الكبير (شقران) وهو قد حضر يوم الصويدريه وهو من الشجعان الذين يخوضون غمار المعارك كما ذكر ذلك الشيخ سعد الحطيم رحمه الله.

يقول الراوي:

كنا في مزرعة الشريعه بمنطقة الخرج مع الامير محمد ابن سعود(شقران )وكان عازم عمه الأمير سلمان ومعه كبار العرايف، يقول فلما اتوا وجلسوا بالمزرعه أتاه عجلان ابن منير الغييثات ليسلم عليه ، وكان (شقران) يعرّف بالذي يسلم على عمه الامير سلمان .

فقال شقران لعمه : هذا عجلان ابن منير
فقال سلمان وكان شايب كبير : ولد منير اللي بغا يذبحني يوم الصويدريه ؟!!
فقال شقران : علمنا ياعم بيوم الصويدريه .
فقال سلمان :
صبحنا الغييثات على الصويدريه يقول يوم جينا لاهم احداً ينزل ، واحداً عاده يمشي ، يقول ولا البل اللي مهيب واجد يقول ولاذاك الرجال الطويل يوم ركب ذيك الفريسه اللي مهيب شي واندمس وسط البل يقول يوم جينا بنغير عليه يقول لينه يعرفنا وانا نعرفه لاكن مابعد قطعنا عليه قال الفارس : (( ياهل الخيل انا منير ابن علي ولا لكم عندي طمع والله يامن ارخى العنان لفرسه ماعاد يشوف ربعه))
يقول فوقفنا .

يقول لاهو جاي ثويران ابو صفره المطيري قال : وش فيكم وقفتوا ؟
قال سعود الكبير : قومنا ذالخيال اللي بيذبح من جاه.
فتعزوى ابو صفره وقال: انتوا ذالين ولكد فرسه بعرقوبه .

يقول الأمير سلمان : ويوم اقبل على الخيل لين راعي الفرس يوم تقلط له يقول ولا انقطاعتها ( الرصاصه) من راعي البل لينها موقعة في ثويران مفتحةً منادغه يقول والله انه يصفق بيديه من حر الموت لين خالف ضهرها ويقول ويلي على عيالي ويلاه.(قُتل)

يقول سلمان غرنا على الابل وتقفى ذيك الثنتين اللي على حوار يقول ويتقفاني الفارس منير وكانت فرسه رديّه يقول اليا من ارتكى يبي يرمي نسعت فرسه ولامن علق رجله في مندغها قرب مني ، يقول يوم جا ذيك المره ويرميني ، يقول يوم شفته مد البندق بيده انبطحت على ظهر الفرس يقول فثور لينها متعديتني فاقعت راس المفرود قدامي يقول يوم شفت وقعها ليني مخلين الطمع مخليها وخوياي .

وكان منير بن علي الغييثات ذاك اليوم يقولون عاصب راسه مايحتال يمشي من الوجع لاكن الله عانه .

فتركوا ابله وغاروا على ابل واحداً من الغييثات غيره وخذوها وخذو معها ذود او ذودين ولم يكن احد من الفرسان الذين عليهم الكلام غير منير قد حضر الصباح.

المهم ان الأمير وقيان والشيخ بداح الحطيم ذهبوا لعبد العزيز.

فقال له وقيان : وش قومك علينا يالامام مصبحنا؟
فقال عبد العزيز: ليه ياوقيان لو احد يجي بيتك وانت منتب فيه وياخذه مانت زعلان؟
( يقصد هية العريق)
قال وقيان: اخو فرجه به ولد بطن وولد ظهر .
فقال عبد العزيز : ايه ياوقيان هذولا بادية الرياض هذولا هل البيرق.

المهم انه طال الكلام وفي النهاية رجع لهم عبدالعزيز ما اخذ من الابل.

والقصه طويله وهذا مجملها ولعلنا نأتي بالتفاصيل عند توفرها من الشيبان

ولكم تحياتي

 

 

 

 

 

 

التوقيع

حدنا الجودي شمال 000في طرف حمر النفود
محتمينه بالسلال00000000يوم قدحات الزنود



alhotaim@hotmail.com

آخر تعديل العماني يوم 18-11-2006 في 08:34 PM.

    

رد مع اقتباس
قديم 17-11-2006, 11:51 PM   #2
 
إحصائية العضو







نمر بن الأشيب غير متصل

نمر بن الأشيب is on a distinguished road


افتراضي مشاركة: الحقائق الجليه عما حصل يوم الصويدريه

أرحب يا بوجفان
بيض الله وجهك على ذا السالفة
أنعم وأكرم بـ الفارس منير بن علي اللي ردهم من أبله لحاله
وننتظر منك ذا العلوم الطيبه جعلك تحيى
تقبل الود والتقدير

 

 

 

 

    

رد مع اقتباس
قديم 18-11-2006, 12:06 AM   #3
 
إحصائية العضو







يحيى الودعاني غير متصل

يحيى الودعاني is on a distinguished road


افتراضي مشاركة: الحقائق الجليه عما حصل يوم الصويدريه

لاهنت أخوي ابوجفان

وبيض الله وجهك على ذكر هذه السالفة

والله يرحم الفارس منير بن علي

 

 

 

 

 

 

التوقيع

سبحان الله وبحمده عدد خلقه و رضا نفسه و زنة عرشه و مداد كلماته

[SIGPIC][/SIGPIC]

    

رد مع اقتباس
قديم 18-11-2006, 03:16 AM   #4
 
إحصائية العضو








العماني غير متصل

العماني is on a distinguished road


افتراضي مشاركة: الحقائق الجليه عما حصل يوم الصويدريه

ابن العم الغالي ابو الخطاب الحطيم

بيض الله وجهك على هذه الحقائق المعروفة عن يوم الصويدرية وبطولة الفارس منير بن علي جعله وشايبك في الجنه واموات المسلمين.

وهذه الوقعة تدل على انتصار الغييثات في العريق كما تدل على بطول الغييثات وقبيلة الدواسر عامه .

والله يرحم الامير شقران والامير سلمان على مابينوا من حقائق .

واسمحلي على التنسيق للموضوع

شكرا لك مره اخرى ونحن نطمع من المزيد
تقبل تحياتي،،

 

 

 

 

    

رد مع اقتباس
قديم 18-11-2006, 08:02 AM   #6
 
إحصائية العضو







الجرباء البدراني غير متصل

الجرباء البدراني is on a distinguished road


افتراضي مشاركة: الحقائق الجليه عما حصل يوم الصويدريه

لاهنت أخوي أبوخطاب

وبيض الله وجهك على ذكر هذه السالفة اللي تنومس

الله يرحم الفارس منير بن علي

تحياتى

 

 

 

 

    

رد مع اقتباس
قديم 18-11-2006, 09:00 AM   #7
 
إحصائية العضو







ابوعبدالرحمن الودعاني غير متصل

ابوعبدالرحمن الودعاني is on a distinguished road


افتراضي مشاركة: الحقائق الجليه عما حصل يوم الصويدريه




إييييييه بيض الله وجهك على ذي

السالفه الطيبه ولاهي بغريبه على

واحد الغييثات ذولا أسود الدواسر

جعل من جابك الجنه..الله لا يهينك

 

 

 

 

    

رد مع اقتباس
قديم 18-11-2006, 03:40 PM   #8
 
إحصائية العضو







ابو الخطاب غير متصل

ابو الخطاب is on a distinguished road


افتراضي مشاركة: الحقائق الجليه عما حصل يوم الصويدريه

الاخوه الاعزاء شكراً لمروركم

نمر الله يبقيك ويسلمك وابشر باللي يسرك

يحيحي الودعاني ولا انت الله يسلمك وشكراً لمرورك

ابو مبارك شكراً لمرورك طال عمرك والله يرحم شيبانك ولافيه شك ان الغييثات انتصروا يوم العريق تحياتي

ابوفهد الودعاني والجربا البدراني شكراً لمروركم ولا هنتو

ابو عبد الرحمن الودعاني ماعليك زود واسعدني مرورك وااله لايهينك

 

 

 

 

 

 

التوقيع

حدنا الجودي شمال 000في طرف حمر النفود
محتمينه بالسلال00000000يوم قدحات الزنود



alhotaim@hotmail.com

    

رد مع اقتباس
قديم 18-11-2006, 08:06 PM   #9
 
إحصائية العضو








ابو زيد الغييثي غير متصل

وسام التميز: وسام التميز - السبب: لمشاركاته المتميّزه وجهده الطيب في المنتدى
: 1

ابو زيد الغييثي is on a distinguished road


افتراضي مشاركة: الحقائق الجليه عما حصل يوم الصويدريه

بيض الله وجهك

يابو خطاب

واشكرك على تجاوبك السريع يالقرم

تقبل فائق احترامي

ياكحيلان


ابو زيد

 

 

 

 

    

رد مع اقتباس
قديم 18-11-2006, 10:25 PM   #10
 
إحصائية العضو








فهد الغريري متصل الآن

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي مشاركة: الحقائق الجليه عما حصل يوم الصويدريه

ارررحب يابوجفان تراحيب المطر


الله لا يهينك أخوي وبيض الله وجهك على هالقصه الطيبه


وكفو والله بالغييثات جعلهم المعزه يحرون بالعلوم الغانمه


والله يرحم الامير شقران والامير سلمان على مابينوا من حقائق


تقبل تقديري واحترامي


اخوك / فهد الغريري

 

 

 

 

 

 

التوقيع

    

رد مع اقتباس
قديم 19-11-2006, 12:55 PM   #11
 
إحصائية العضو







تركي ال فنيس غير متصل

تركي ال فنيس is on a distinguished road


افتراضي مشاركة: الحقائق الجليه عما حصل يوم الصويدريه

بيض الله وجهك علي العلوم الغانمه

وكفووووووو بالغيثات

 

 

 

 

    

رد مع اقتباس
قديم 22-11-2006, 10:35 PM   #14
 
إحصائية العضو








خاطر محمد الخاطر غير متصل

خاطر محمد الخاطر is on a distinguished road


افتراضي مشاركة: الحقائق الجليه عما حصل يوم الصويدريه

لاهنت يا اخي الفاضل على السالفه وهالسوالف الطيبه ماتجي الا من راعي الطيب شرواك.

والمواقف الطيبه مهب غريبه عالغييثات ولا على الدواسر اللي اشتهرو بالمواقف المشرفه على مر التاريخ

تحياتي لك

 

 

 

 

    

رد مع اقتباس
قديم 23-11-2006, 03:25 PM   #15
 
إحصائية العضو







بدران البدراني غير متصل

بدران البدراني is on a distinguished road


افتراضي مشاركة: الحقائق الجليه عما حصل يوم الصويدريه

ماقصرت أخوي أبوخطاب

وبيض الله وجهك على ذكر هذه السالفة اللي تنومس كل دوسري

الله يرحم الفارس منير بن علي رحمه واسعه ويسكنه فسيح جنتة
وأخيراً مانقول الا
وكفووووووو بالغيثات

ونتظر جديدك

تقبل أطيب تحيات

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كشف الحقائق عبر قناة الاماكن غدا" عبدالله الحافر الغييثي :: قسم أخبــار الشـعر والشـعراء :: 6 03-09-2010 02:12 PM

 


الساعة الآن 01:27 PM


Powered by vBulletin® Copyright ©2000 - 2024, Jelsoft Enterprises Ltd.
---