قصائد قيلت بمناسبة إهداء الأمير سلمان جيب إمارة إلى الامير عبدالعزيز بن حزام العجالين أحد أمراء الفرجان وأحد أبناء الرواد

[معلومات العضو حفيد الأمراء]

	بسم الله الرحمن الرحيم القصيدة الأولى لشاعر سعد بن سالم بن سويحل الخضران يقول فيها مبروك ياأبن حزام ياطيب الصيت====أنت الأمـــــير وتستـــحق الإماره أبوك مع الستين يوم وردو هيت====واسمه على المصمك رفيع وقاره هذا الصحيح اللي عليه التثابيت====ومعــــــزي بالراي هو مستشاره وصلتني البشرى وجتني بتوقيت===يوم إن طويل العــــمر صدر قراره القصيدة الثانية وهي لشاعر سلطان بن فهيد العجالين يقول فيها علم ن لفاني يفرح القلب طاريه==== يوم الإمـــــارة سلمتلك هديّة يوم استلمته موترن والختم فيه==== ختم على الجنبين مافيه زيّه وياابو حزام الطيب درب وتمشيه=== تستاهله مبـــــروك كنه وليّه القصيدة الثالثة وهي لشاعر مبارك بن مسفر آل وحيد يقول فيها المكرمة ماتبذل إلا للكرام====اللي تجود بحــــــالها وامـــــــوالها اللي لها قيمة وقدر وأحترم===ولا تقبل إلا من الأمور إجـــــــزالها شروك ياعبدالعزيز بن حزام===يابن الشــــيوخ اللي وفت بافعالها يابن الشجيع اللي وقف جنب الإمام=يوم إن سعد نجد العذيه جالها أرسوا دعايمها على أحسن مايرام=لين أعلنوها والمـــــنادي قالها الحكم لك يامن تميز بالدوام =ومن عقبها أبن سعود هو خــــــيالها هديتك يادرعنا الضافي وسام=من عند منهو يرتكي لثـــــــــــقالها أمير نجد الحاكم الفذ الهمام=سلمانها يم الثــــــــريا شــــــــــالها تستاهل التقدير يالحر القطام=وكفو لها يامــــــــــير هي ومثتـالها لك مجلس ينصونه الربع الحشام =فيه الكرامة من جميع اشكالها ومن دون ربعك كنك اسلافك أحزام=مثل الجبال اللي يزبّــن جالها أمجادكم ماتنحصي لي بالكلام===أقولـها والـــــــناس كلن قالها وصلاة ربي للنبي مسك الختام==ماهل وبل من حقوق خيـــالها القصيدة الرابعة وهي: لشاعر عبدالرحمن بن محمد المقباس يقول فيها يالله يااللي حكمته نستمده =يامعتني بالناس بدو حــــــضـــرها ياالله في دنيا البلا المجرهده=أنك توفقنا لصــــــالح دبــــــتـــرها بين العرب يازين طاري الموده=تزهر نفوس العارفين ودبـــــــرها الأدمي دنياه له مستعده=وان ساقته للغي الا خرى خســــرها واللازم اللي حل ملزوم بده=ماتنقضي حاجات منهو حقـــــــرها بين المعاني حامل العلم وده=للعارف اللي بلمحاته سبــــــرها يالاّد عجلان أنتم أهل الأشده=والنار قوة ضوها من شجــــــرها والعارف صافح يمينه وشده=اللي يجنبها الصدوف وخطتـــــرها والعاقل تعرفه بشبحه وصده=والمبحلات عفادها من غتـــــرها حمى التنافس نارها مستبده=يضيع فيها حقها من قـشـــــرها باب التنافس بين الأقرب سده=خصن الى بين بوادي نــــــذرها هذا كلامن من ضميري اعده=يوم العلوم الطيبه جاء خبـــــرها يستاهل العلياء ولاهيب حده=الصيرمي ابن حزام جالي كدرها هو قدها لكن ماهيب قده===أبــــــــوه ورثه النواميس وارها حـــــزام بن خــزام ياقل نده=لاعدوا زحوا الرجال وســــــيرها مبطي شداده ماأحدفيه ضده=يوم الأشده دول مااحدن حكرها اللي شبح للمجد فكره وجده=اللي سرى للطايلات وحضــرها فتح الرياض فتوح ويجم عده=يالله عسى الستين جنة نهرها والمدح للطيب عتادن وعده=والا ترى الرديان يضهر عـــورها قلته وشعري صوب مرماي امده=وابخص نفوس الطيب وابخصى نظرها شاعر وبيتي أسخره يوم اقده=وبيوت غيري مااتـــــــــقدى بثـــــــــرها واصلي واسلم عد مأزهر بخده=على الهادي اللي بالهداية عمـــــــرها وسلامتكم

 

 

 

 

[معلومات العضو العماني]

نبارك للأمير عبدالعزيز بن حزام العجالين هذه الثقة التي أولاها له ولاة الأمر ولاشك أنه أهل لذلك ، والف مبروك ، وأسرة العجالين غنية عن التعريف وبيت امارة معروف ومشهور ومحبوب من الجميع ولهم مواقف معروفة في الماضي والحاضر سواء مع الدولة او مع قبيلتهم والقبائل الاخرى لذلك لانستغرب ثقة الدولة بهم .

الله لايهينك اخوي حفيد الأمراء على القصائد

تقبل تحياتي،،

 

 

 

 

[معلومات العضو شافي القويسي المخاريم]

يستاهل الامير عبدالعزيز العجالين كل خير
ولاهنت على الطرح الراااااااااائع

 

 

 

 

[معلومات العضو SOOOOOD]

شروك ياعبدالعزيز بن حزام===يابن الشــــيوخ اللي وفت بافعالها


يابن الشجيع اللي وقف جنب الإمام== يوم إن سعد نجد العذيه جالها

 

 

 

 

[معلومات العضو ابو زابن المسعري]

يستاهل اللامير ابن الشيوخ الهديه

وصح الله السنت الشعار

وبيض الله وجهك يا حفيد الامرا على ذكر هذه القصائد

 

 

 

 

[معلومات العضو حفيد الأمراء]

	شاكر للجميع على مروركم العطر والذي زاد في جمال الموضوع والسلام

 

 

 

 

[معلومات العضو محمد الولامين]

يستاهل الامير عبدالعزيز بن حزام العجالين كل العلوم الغانمه

وصح لسان الشعراء ... ولاهنت ياحفيد الامراء على ماقدمت وبيض الله وجهك

 

 

 

 

[معلومات العضو حفيد الأمراء]

	بسم الله الرحمن الرحيم الأخوة الأعزاء السلام عليكم ورحمة الله وبركاته مرتادي متصفحي هذا شاكر لكم مروركم العطر والذي زاد في جمال الموضوع واعتبرها وسام على صدري واكرر شكري والسلام ختام

 

 

 

 

[معلومات العضو راشد المسعري]

نبارك للأمير عبدالعزيز بن حزام العجالين هذه الثقة التي أولاها له ولاة الأمر ولاشك أنه أهل لذلك ، والف مبروك ، وأسرة العجالين غنية عن التعريف وبيت امارة معروف ومشهور ومحبوب من الجميع ولهم مواقف معروفة في الماضي والحاضر سواء مع الدولة او مع قبيلتهم والقبائل الاخرى لذلك لانستغرب ثقة الدولة بهم .

الله لايهينك اخوي حفيد الأمراء على القصائد

تقبل ودي وتقديري ،،،،

 

 

 

 

[معلومات العضو حفيد الأمراء]

	شاكر لك أخوي : راشد على مرورك العطر والذي زاد في جمال المشاركة

 

 

 

 

[معلومات العضو الحميدي الغريري]

يستاهل الامير عبدالعزيز بن حزام العجالين كل العلوم الغانمه وعز الله إن الشعراء أبدعوا في قصائدهم من حيث الجزالة والمعنى والسبك والحبك بارك الله فيك يا حفيد الأمراء على هذا الموضوع وعلى هذه القصائد وتقبل فائق التقدير والإحترام أخوك : أبومحمــد،،

 

 

 

 

[معلومات العضو حفيد الأمراء]

شاكر لك

أخوي: أبومحمد

على المرور الجميل