اقتباس:
المشاركة الأصلية كتبت بواسطة هايف العماني
يابومسرع والله استمعتنا باجاباتك الرائعه واطلالتك البهية ، والشباب ماقصروا بالاسئلة وانا بس عندي طلب ابغي القصيدة اللي قلتها وتقول في بيت منها :
سمي شيخ ٍ في اللقا يتعب الخيل = لاصاح " اخو صهده " يجيهن خفافي
|
هلا وغلا منورنا يابو مبارك تشرف الكرسي وراعيه بحضورك ياغالي
والقصيدة اللي أنت طلبت كانت في زواح أخي/ راشــــد وإليك ما أحفظ منها : ـ
يامسندي هات القلم طرّف الليل=والعين جافيها من النوم جافي
يحرم علي النوم مادام بي حيل=لين الصبح ينباج مانيب غافي
ماهيضنّي لابسات الخلاخيل=نجل العيون موردات الاشافي
يامن خذن بين المناعير حلحيل=وباسبابهن تسفي عليه السوافي
هيضني اللي جاب بيض المراسيل=من كف عود(ن) فالمواجيب وافي
أبوي تشهد له قروم الرياجيل=وكلن يقول أنا اشهد إنه سنافي
ماشيف زوله مع هل القال والقيل=وله مجلس(ن) مايدخله كل هافي
كريم سبلا في الليال المماحيل=وغيث(ن) لضيفه في السنين العجافي
والعاني اللي ذاق مر وغرابيل=لا من نصاه يروح همه عوافي
يشيل حمله لاعجز عنه ماشيل=ويورده حوض(ن) قراح(ن) وصافي
يقول: أبو مسرع هلا عدة السيل=وعداد من صلى بمكة وطافي
واعداد من كبـّر وزوّد بتهليل=في عشر ذي الحجة ولاهوب كافي
واعداد مادارت صوان الفناجيل=بين النشاما أهل الصدور النظافي
باللي لحفلة راشد(ن) جو مقابيل=في ليلة(ن) لاغلى الليالي تضافي
حفلة صبي(ن) منشهر كنه سهيل=ومن عاشره يعرف كثير الخوافي
سمي شيخ(ن) فاللقا يتعب الخيل=لاصاح (أخو صهده) يجيهن خفافي
زيزوم ربع(ن) فالمعارك مشاكيل=ياطا بهم درب الخطر مايخافي
وختامها: أهلاً هلا عدة السيل=ويامرحبا باللي على الحفل لافي