[معلومات العضو ابو الخطاب]

لاهنت على الموضوع والطرح الجميل وبيض الله وجهك

وعندي اضافه بسيطه ان هذال يوم لحق جنب البل وخلى عمره والمركي ويوم اقبل على المركي تواجه هو وبداح الحطيم قال اخو هملا يالحطيم مصبحني من غير بيرق قال مصبحك ومستعين بالله وتخالفوا الرمي وكلن اخطى ورد جهز لجمبيه في حقوه واومى بهى على بداح وارتكزت في عضم كتفه وفي هذي الاثناء كان بداح قد ازهب بندقه فأسند منه جهز وكان يلبس الفيس وهو خوذة الترك اللتي يضعونها على رؤسهم فلحق به بداح وكل ماجا بيثور فيه انبطح على جلمد الفرس وهو متوجه لربعه فصاحوا على بداح اللي معه وقالوا الرجلية يابداح ينبهونه انه اقترب من الرجليه وهذى فيه خطر على الخيال وفرسه فمدها بداح عليه وثور فيه فشالت الفيس اللي على راسه وفكه الله وراحوا بالبل

والقصيد منها

هل سربةً لامن غشا الجو دخان000ثم حل ضرب امصقلات الهنادي
يردون حوض الموت ميراد ضميان000لاجنب المركاض خطوى الربادي
يشهد بها يومً على جال دلقان 0000يوم اخو هملا جنب البل وحادي
حدوه منها مقعدة كل سكران 00000اللي مضاربهم تفج الثنادي
يوم ان جهز طاح من ضرب شبنان000ويقطعك ياهرج بليا وكادي
خمسة عشر منها جواد ابن قطنان 000وعداتنا في الهوش ضرب الركادي
وانا احمد الله يوم علم السعد بان000ورحنا بطلعات العشاير عمادي


وسلامتك