سجـــــــل حضــــــورك ببيـــت قصيــــــــد ..

[معلومات العضو ابومبخوت الدوسري]

رخصـت الغالـي لعيونـك حنيـت لخـاطـرك ارقــاب
رضـيــت احنـيـهـا ارقـابــي ولا تحنـيـهـا ارقـابــك


كفايـه تمتحنـي هــم وخــل مــن ذم فيـنـي وعــاب
ترى من عاب في غيـرك ولـو طـال الزمـن عابـك


ولا تفكر في يـوم انسـاك او يشغلنـي عنـك غيـاب
انــا اتنفـسـك اهــواك وفـيــك امـــوت واحـيـابـك


انـا مـا شـوف احـد غيـرك جمـيـل بفـتـنـتـه جــذاب
انـا إعجـابـي فيـك اعمـى يفـوق اعجـاب اعجـابـك


انـا مهـمـا قـسـى قلـبـي بكلـمـه مـنـك احـسـه ذاب
انا من زود عشقـي لـك عشقـت العطـر فـي ثيابـك


انـا ياليـت مـغـرم فـيـك انــا كـلـي فغـرامـك شــاب
احـسـك جــزء مــن روحــي ولا اتـحـمـل غـيـابـك


ولا قد طـاب لـي جرحـك ولـو جرحـي لذاتـك طـاب
عجـزت اقـدر اشـوف الدمـع بـل اطـراف اهـدابـك


ولـكـن كـــل شـــي إلا جـــزاة الـصــد بالـتـرحـاب
إذا صـديــت تـرحـابـي تـــرى بــاصــد تـرحـابــك


ولانـي مرتـضـي ذلــي ولــو كــان الـهـواء غــلاب
إذا مـاكـان تـرضـا بـي حـشـاء لا يمكـن ارضـا بـك


ولانــي قــادر اتحـمـل عشـانـك غـرسـت الأنـيـاب
انـا كـلـي غــدى مـجـروح مــن غـرسـات انيـابـك


تجافيـنـي ولا هـمـك ولا تحـسـب لــي أي حـسـاب
وانا من زود عشقي لك اصونك واحسـب حسابـك


ألآ يـا قـسـوة الصـدمـه تجـيـنـي مـنــك الأصــواب
وانا الي كنت اقول الجـرح إذا مـا صابنـي صابـك


أمـانــه قـــول وش بـقـيّـت لـلـعــذال والأغــــراب
اذا هــذا مـعـي طبـعـك اجــل وش حــال اغـرابــك


تـمـرد كــان يحـلـى لــك تعـيـب فطيبـتـي وتغـتـاب
ولكـنـي تــراي اكـبــر مـــن انـــي يـــوم اغـتـابـك


حقيـقـه اكتشـفـت انــك سخـيـف بطبـعـك الـكـذاب
وانـي كـنـت لــك لعـبـة سخيـفـه تـشـبـه الـعـابـك


انـا عيبـي غبـي طـيـب وضـنـي فـيـك والله خــاب
ولا قـــد كـنــت اتـوقــع تـجـافـي يـــوم اصـحـابـك


انا جيتك بطيب الطيب وفيـك الطيـب ابـد مـا جـاب
ابـي تعذرنـي هـا القـسـوة لأن الطـيـب مــا جـابـك

 

 

 

 

[معلومات العضو ابومبخوت الدوسري]

كان ودك نتفق بالحب تفضل
وكان قلبك مايبي موجود غيره
غيرك اغلى غيرك احلى غيرك اجمل
وكل بنت ودها تكون الاخيره.!

 

 

 

 

[معلومات العضو ابومبخوت الدوسري]

سويتها وأعلنت وقت التجافي
الله ياشطرك على ذبـح الآمال
في عز ماكان الهوى فيك صافي
صار الخفوق بغيبتك مضرب امثال.!

 

 

 

 

[معلومات العضو ابومبخوت الدوسري]

كفي دموعك مال الاحزان ميعاد
مدام هذي رغبتي فهجريني
أنتي سراب وكلمة الحب وش عاد
ماقصدي اجرح خاطرك وأفهميني
نفس الظروف ووقتنـا كله عناد
أبلتمس لك عذر بس أعذريني..!

 

 

 

 

[معلومات العضو ابومبخوت الدوسري]

تدرون وش يعني لا قالوا تحطمت ..
ومتى عرفت انه خلاص انتهينا
ساعة لمحت عيونها ثم تقدمت ..
وصدت نست مافات بنت اللذينا..!!

 

 

 

 

[معلومات العضو بنت الذيب]

كلمـة هــلا لا قلتهــا فـي سـلامك
يفــرح بهــا قلب من الهم شاايف


كلمـة هــلا مع مرحبا كيف حالك
عنـدي تســاوي قـول كل الطوايف

 

 

 

 

[معلومات العضو حمد ابن فهد]

خلك سما واترك القاع لـ / القاع
وارفع حجاجك للنجـــوم المطلہ

و خلك مثل ما قيــل للعزم تباع
مافيہ صعب الا .. وربك يحله

 

 

 

 

[معلومات العضو حمد ابن فهد]

خذهـا بلا لفه ودوره وتخطيط
من واحدٍ بتموت ماجاك طلاب

والله مافيها خير بعض المصافيط
أن مرت أقرابك وراحت للأجناب !

 

 

 

 

[معلومات العضو حمد ابن فهد]

قيل العوض قلت العوض ما شحني
والله لا هذا ولا ذا ولا ذاك

ياما بعضهم مرني مافتني
ياجعل ماهم بـ العوض في محياك

آنششششهد

 

 

 

 

[معلومات العضو حمد ابن فهد]

لاجاني اللي يقول افلان يغتابك
قلت انت وياه عندي في الردا خشره

يغتاب وتنم وإلا كان وش جابك
الغيبه اخت النميمه بينهن عشره”

 

 

 

 

[معلومات العضو حمد ابن فهد]

اليا إحتمى الرجل حاجه ما يهملها
يومن بعض العرب قالت ولاطالت

يقول انا اخّو فلانه عندي أزهلها
وأقول ياخو فلانه والله وماقالـت

 

 

 

 

[معلومات العضو حمد ابن فهد]

لا تعذّر وانت عندي عزيزٍ ومحشوم
عاذرينك ياهوى البال من قبل الخطا

ضمني بين الذراعين لين اغشى واقوم
ضمني وانا اعتبرها من جزال العطا

 

 

 

 

[معلومات العضو حمد ابن فهد]

حنا طبيعتنا كذا عند بروتوكول الصدود
من صد عيّن صد والمقبل يعيّن مرحبا

طبيعةٍ ماهيب بدعه من على عصر الجدود
من عافنا عفناه في لحظات واللاش يهبا

 

 

 

 

[معلومات العضو بنت الذيب]

ما اخترت أنا الطيب انا مختارني طيبي ...... من علم الحر يشهر في مراقيبه

 

 

 

 

[معلومات العضو ابو حسين الدوسري]

اما جلوس العز بين الاجاويد = ربعٍ علي المذهب ونعم البطانه
والا لحالك سج رجلك مع البيد = ولا جلوس المهزله والعفانه