سجـــــــل حضــــــورك ببيـــت قصيــــــــد ..

[معلومات العضو حمد ابن فهد]

انعمي عن كل حاجه ، لا ذكرته ..
واقضي اوقاتي وانا سارح وشارد

يبرد الفنجال بيدي ما شربته ..
واستحي لا ارجعه واقول بارد

 

 

 

 

[معلومات العضو كويت الخير]

نافق تعيش جامل الناس تنحب !
بيع الضمير تشوف كلٍ يجيلك
هذا هو المنظور في وقتنا الصعب
اما تزيل الصدق والا يزيلك !
الصدق ماله لازم بعالم الكذب
حتى الطفل كذاب يالله دخيلك

 

 

 

 

[معلومات العضو كويت الخير]

تدري السعاده ليه يا رجل الاعمال
مافكروا في ناطحات السحابه
ويا مدّور الراحه عسى اسنينك طوال
وين انت غادي عن دروب الصحابه
إنعيش ما كن الله بيوفْ الآجال
ما كنها الايام تنِـهب نهابه
دار الشقاء الدنيا تعب هم غربال
ودار البقا الاخر وفيه الرحابه
الموت شرع الله ولا دونه إمهال
الموت سهم ٍ لانوى الشخص صابه

 

 

 

 

[معلومات العضو كويت الخير]

يا وجودي وجد من صفق على ماضي شبابه
بان شيبه والسنين اللي يبيهن خالفنّه
غرّته خضر السنين وراح عمره ما درى به
غرّرنه وارفعنّه الين سج وحوّلنّه
ويا وجودي وجد عودٍ لا عيال ولا قرابه
ما جداه الا يوّن ويردف الّونّه بونّه
مالقى فزعة رفيق ولا دعاةٍ مستجابه
كل ما امسى له بظنٍ خيّبت الأيام ظنّه
هذا وجدي في غياب اللي نزح والله جابه
صح فرض الله فرض وسنة الرسول سنّه

 

 

 

 

[معلومات العضو الكاتم]

لا تقنع الناس باسلوبك وبا اخلاقك*
الحب والكره والتوفيق من ربّك*
*
سهل انك تحب ناس من آخر اعماقك*
لكن من الصعب تجبرهم على حبّك

 

 

 

 

[معلومات العضو كويت الخير]

يا سوريا لو ماتو كبار وصغار
ونّي وصيحي كل صبح وعشية
حنا ماقصرنا نشوفك بالأخبار
ونعد كم يموت عندك ضحيه
وندعي على بشار ونسب بشار
ونرفع شعار تعيش حمص الأبيه
على كثر مانمدك بعزم واصرار
يمدكم قذايفٍ عسكريه
عزّل ويقصفكم من الجو طيار
وبالبر تقصفكم رصاصات حيّه
لو رحتو من يمين والا من يسار
محاوطتكم كل وجهه سرّيه
صحيح احفاد الصحابه والأخيار
وتاريخنا مابين صيّه وهيّه
بس السياسه من طويلين الأعمار
من خوف لايفلت عنان المطيه
ينسب لك بشار ونهين بشار
بس العمر (عذراً يا حمص الأبيه) !

 

 

 

 

[معلومات العضو كويت الخير]

يمرني بعض الحكي وآتحاشاه
ماقد صدمني لكن اللي صدمني
احسب من اللي مافهمني المعاناه
واثر معاناتي من اللي فهمني !

 

 

 

 

[معلومات العضو كويت الخير]

مؤمن وراضي في غناتي وفقري
ومالي بغير إرضاء ربّي طماعه
عساني القى خير في تالي امري
والقى شفاعه عند ربّ الشفاعه

 

 

 

 

[معلومات العضو كويت الخير]

عند ضو الدّوه وصفر الدلال
اتخيل واتمنى وارتجي
كان يوجعك الشتا هذا تعال
ابرك الساعات واغلى من يجي

 

 

 

 

[معلومات العضو كويت الخير]

ياشعّارنا الغالين جبتو البيوت سمان
وخليتو التكبير والحمد والتهليل
ترى العيد للافراح ماهوب للاحزان
وانا عارف ان احزانكم كلها تمثيل !

 

 

 

 

[معلومات العضو كويت الخير]

لا صار في قربك تشح التوافيق ..
يجوز بعض أحيان بالبعد خيره ..

 

 

 

 

[معلومات العضو كويت الخير]

مافاتك التجريح و العذر فاتك !
وتبغي رضاي الحين ماعاد يمديك

 

 

 

 

[معلومات العضو كويت الخير]

يارب تسترني من العيب والعثره
اللي تسر العدو وتضايق الصاحب

 

 

 

 

[معلومات العضو كويت الخير]

يالله انـك تجنبـنـي دروب الـحـرام
ياكريـمٍ لمرضاتـه نـحـج ونـصـوم
يا عظيمٍ دعيتـه تحـت ستـر الظـلام
افرج الضيق والكربات وأجـل الهمـوم
طالـت السالفـه والعيـن عيّـت تنـام
والرجاء والامـل بيديـن ربٍ رحـوم
رحت شرق وجنوب ورحت غربٍ وشام
مالقيـت الوجيـه اللـي تسـد اللـزوم
كل مأنصى حدٍ كنـه يغصـب المقـام
عاقدٍ حاجبـه ضـارٍ بحـب الخشـوم
غرته ضحكـة الدنيـا وجمـع الحطـام
غافـلٍ مـادرى ان الآدمـي مـايـدوم
لين صـرت اتعداهـم بـدون احتـرام
لو عليهم بشـوت وفـي يديهـم ختـوم
ليه اسلـم علـى مـن لايـرد السـلام
ليه اجامل حيا وأرفـع مقـام الرخـوم
علمتني سنينـي طـول عشريـن عـام
وأتعلـم مـن الايـام فـي كـل يـوم
وكـل درسٍ بنـى بيـن الحنايـا خيـام
ثابتٍ فالضميـر وفـي خيالـي يحـوم
واطرد الغيب ماأمـل التعـب والهيـام
ولو تقـل المـوارد ماتمـوت العـزوم
والـردي ماجعلتـه فالشدايـد حــزام
اعـرف اللـي ليامنـي نصيتـه يقـوم
وانـت يالايمـي ماعـاد فيهـا مــلام
نعنبوهاحـيـاه ليانسـيـت الـسـلـوم
ايه بعض الكـلام يمـر بـرد وسـلام
مير بعض العلوم يصيـر فيهـا علـوم

 

 

 

 

[معلومات العضو كويت الخير]

اضرب على الكايد ليا صرت بحلان
عند الولي وصل الرشا وانقطاعه