سجـــــــل حضــــــورك ببيـــت قصيــــــــد ..

[معلومات العضو تناهيد]

ليت العرب باقي معهم ثلاثة
فيصل وزايد وأحمر العين صدام

ماكان شفت الشاام ترجي الأغاثة
ولا تنتظر فزعة مريضين الأحلااااام

 

 

 

 

[معلومات العضو برقن سرى]

ارسم لنفسك حدود ٍ لاتعداها من حط نفسه بدرب الضيق يحرجها

 

 

 

 

[معلومات العضو برقن سرى]

ولا غرابه على بعض الطواريق

الي ليا أوحيتها ثارت أحساسي

لا خذتلي من غرايبها تذاويق

أبطي ما أحط المخده تحت راسي

 

 

 

 

[معلومات العضو حمد ابن فهد]

النصيحه فيك ، أتمنى " تجود "
لانفعت الناس .. ومنتْ المنتفِع

في وجودك إنتْ ماتمْلِك وجود
[ غافل ] وجاي لْـ ذنوبك مندفِع

إنخفِض للـه في وقت السجود
وعن جميع الناس قدرك يرتفِع .

 

 

 

 

[معلومات العضو تناهيد]

منهو فينا يلهم الثاني : كلام !
هو انا والا سـوالـيــفـك مَـعـي ؟


لو تسولف للمطر : جاع الغمام
ياللي حَكيِك ذاب منّه : مسمَعي

 

 

 

 

[معلومات العضو حمد ابن فهد]

آلله يِعينْ الليّ يَعشُق له ( مِزاجيّه ) !
. . عُوبا وملسَونـه وفدعِا ومَزيُونه ’
فِيها بَراءِه وعَالِم مـِن رُومانسيّه !
. . بسَ إن توّلت بشر تِشيّب عُيونَه !

 

 

 

 

[معلومات العضو حمد ابن فهد]

يطول اللوم للنفس وهواها والحديث يطول
عن الدنيا ومافيها عن المجهول والخيبه

خذينا درس لكن ماخذينا زبدت المعقوول
تشبعنا حزن حتى كرهنا بذرة الطيبه

 

 

 

 

[معلومات العضو فيصل ضيف الله الكبرا]

يالله عجل بالفرج ونت راعيه
كم ساعة ضاقت وعندك فرجها

 

 

 

 

[معلومات العضو حبيب بن ناهض]

الحــــق يعــــمي كــل عينٍ تــــعامــــاه
والصـــمت حكـمة كان للـــهرج متـــعـه


سهـــيل ما يجــهل مغيـــبه ومـــــــبداه
ومن باع رمحــــــه باع سيــــفه ودرعـه

 

 

 

 

[معلومات العضو بنت الذيب]

أبوي وأن مريت بأسمه ولاهـان
تعجز حروفي تنصفـه بالقصايـد


لأنه عظيم ولايبـي فيـه برهـان
ولأنه كبير ولايبـي لـه شهايـد


ولأنه كريم ولايجي فيـه نقصـان
ولأنه فريد مـن الرجـال الفرايـد


ولأنه أبوي وتاج راسي وعنـوان
مجدي على مر السنيـن البعايـد


لامن طروه الناس في كل ديـوان
ماقيل غير أنه على النـاس زايـد


ياما بنوا للطيب من طيبتـه شـان
وصارت لهم أصغر فعوله عوايـد

 

 

 

 

[معلومات العضو حبيب بن ناهض]

الكلام اللي تقوله هو (اكسير الحـــيـاه)
كنّ في كلمتك لـ قلتــها (برد وســـلام)


كل ما هبتّ هبـــوبه وما ذعذع هـــواه
ارتعــد عرش المحبه وسلطان الغــرام


صك باب الفقر وافتح لي ابواب الغنـاه
فالحشا حنّت وغنّت لك اسراب الحمام


انت لحروفك عذوبه ولهروجك طــراه
فاكهة كل الســــوالــف وتفــــاح الكلام

 

 

 

 

[معلومات العضو بنت الذيب]

يــا خـاطـري مــا عــاد فيـهـا مشـاريـه
كـــم خـاطــرٍ لـــه شـرهــة مـا ذكـرها

يا ما ورا بعض ابتسامات في وجيـه
خــواطـــر جــار الـــزمـان وكــسـرهـا

وكـم خـاطـرٍ قــد بـيَّـح الـوقـت خافـيـه
لـيـت الـزمـان الـلِّـي كـسرهـا جـبرهـا

وكــم واحــدٍ يخـطـي ولا نلـتـفـت فـيــه
مــا ضــرّت الطـيـب الـيـا مــن طمـرهـا

لا حـدّتـك الاقــدار عــن شــي تبـغـيـه
مــا كــل مــن يـحـلـم بـحـاجـة قِـدرّهـا

صدري من الضيقـات مـا فيـه يكفيـه
دام الـصـدور قـبــور صـــدري قـبـرهـا

لا وامـــرٍ هـــذا ولا ذاك نـاهــيــه
الــنـاهـي الله والله الـلي ومـرهـا

 

 

 

 

[معلومات العضو ابتسامة دفى]

ما لي سوى رب ٍ عليم ٍ بالاســرار ..يفرّج الضيقـــــــة ويغفـــــر ذنوبي حتّى ولو ما قمت في وقت الاسحار استغفـــــره وارجيه تسهــل دروبي

 

 

 

 

[معلومات العضو ابتسامة دفى]

عفت الزمن يا صاحبي من بلاويهـ وأنا على بلواي صبري بنيتهـ شخص تغرك صورتهـ من دعاويهـ واليا غديت بحاجتهـ مالقيتهـ وشخصٍ تشرف خوتهـ من يخاويهـ لو يطلبك مالك وروحك عطيتهـ مثلك تقودهـ للمعالي هقاويهـ يا مسندي ياعزوتي لا نخيتهـ

 

 

 

 

[معلومات العضو ابتسامة دفى]

الطّيحه اللي تعلّمنـي بشـي ّ ٍ جديـد,, أحبها كثـر حبّـي للأمـل والنجـاح وقناعتي إن عندي صدر ماهـو حديـد,, تجبر عزاي ان تعرّض خافقي للرماح ولو الخساير كثيره .. أعتبرها رصيد ،, بعض الخساير حرام نقول عنها جراح