..::.. سجــل دخـولـك ببيــت مـن الشــعــر ( في منتدى قبيلـه الـدواسـر ) ..::..

[معلومات العضو رماد]

.
.
•


ياكثـرهمـ يا مهـرهـ ..
وسلمتٍ ع هذا الأختيـار ..


/
/

أمنتك بالله وانت دايم في بالي

الغالي اللي ما يبيعك لاتبيعه

 

 

 

 

[معلومات العضو غلا نجد]

جعل السحاب اللي تكاشف بروقـه=لا انشت مخاييلـه قنوفـه مزابيـر
ترزم رعـوده والهبايـب تسوقـه=حل الوسامي يـوم جالـه مباكيـر
كن الهوى الغربي يخايـط فتوقـه=روّح من القبلـه مزونـه محاديـر
يضفي على العارض وينساق فوقه=يمطر وسيلـه ينتحـي للمحاييـر
امن الجبل للعـرق ينثـر حقوقـه=لا نش هل وزاد خير ٍعلـى خيـر
هنـي قلـبٍ دالـه مـا يشـوقـه=شوف السحاب الى نشا تالي عصير
لا من نشا جو البلد عفـت سوقـه=شفق ٍعلى لذات بعـض المشاويـر
وقلبي كما طيـر ٍ يناتـل سبوقـه=على المطير يتوق ويتلـه السيـر
متولـع ٍ قلبـي وعينـي شفـوقـه=شفي بممشاً في نبـات المخاضيـر
لاجاه ولـي ٍ واستجلـت عروقـه=من كل نـوع ٍ كاسـي ٍ العثاميـر
مع كل صبـح ٍلا تبسـم شروقـه=قـام يتشكـل فالفيـاض النواويـر
لا هبـه النسنـاس مايـل عنوقـه=بنة شذاه تفوق طيـب العطاطيـر
راع الولع غايـة مرامـه وذوقـه=لا داج به ينسى جميـع التفاكيـر
قفر ٍ من النزال يبخـص طروقـه=يحن له قلبـه حلـول المضاهيـر
مشاغله عن رغبتـه مـا تعوقـه=هواه في دنياع ماله هـوىً غيـر
يكـون ديـن الله يكمـل حقـوقـه=ثـم والديـه ورفقتـه للمناعـيـر

 

 

 

 

[معلومات العضو رماد]

/

/


يا ربّ ، عبدك جاك لرضاك / نزّاح
عينه من دموعه ! توضّت وَ صلّت

 

 

 

 

[معلومات العضو فيصل بن جزاء]

البارحه ليل السهر والمعاناه=سهران مالي رغبة في الرقادي
لولا ضلوعي خافقي في الخلا تاه=تلعبه ارياح الشمال الغوادي

 

 

 

 

[معلومات العضو رماد]

لا شفتْ يَا صَاحبي نفْسـي ، مِنَ الهمّ شكتْ
لدّ النَظـر ، وَ سـوّ نفْسـك ! مَا توحّيتَهَا
وَ لا تنْقد الدمـعه اللّي فوق خـدّي ، حَكَتْ
قطره .. وَ وسْط البحر ، مِنْ ضيقْ صبّيتَهَا

 

 

 

 

[معلومات العضو الشقرديه]

نـوى الـقـلـب نـيـه مـانــــواهــــا لإحـد غـيـرك ..................... نـوى الـقـلب يـمـشـيـلك عـلى الـسـمـع والـطـاعـه مـع الـشـك والــغـيــره وهــجــرك وتـقـصـــيرك ..................... احـبـك واقــول امــرك لــه الــــروح خــــضــــاعـــه جـمـعـنـا طـريق الــحــب وانـــور بــتــنــويــــرك ..................... عــلى صـدفـتـ(ن) لـقـلوب الاحـــبـــاب جـــمـــاعـه مـلـكـنـي هــواك وقــادنــي بــأمــر تـدبــيـــرك ..................... امــانه مـعــك روحـــي مـــن الــبـــعـــد مـلــتـاعـه

 

 

 

 

[معلومات العضو الشقرديه]

أنا اللي آسف واعتذر عن سواياي -- آسف على غلطتك وآسف عليه الذنب ذنبي .... والخطايا خطاياي -- والا انت ماجا منك ذنب وخطيه ذنبي وعذري بالهوى طيب مبداي -- ضحيت لجلك لين صرت الضحيه

 

 

 

 

[معلومات العضو ابوبدر المصارير]

للشاعر عبدالله بن سعود الد غيثر

ياشوق لاتبطي عن العين ياشوق=وأنا على شو فك يزيد اشتياقي
لي غبت عني ساقني يمك الشوق=ليتك مثل ما نساق يمي تساقي
نهبتني ياخدر الاعيان برفوق=وحملتني حمل جزل ما يطاقي
والنوم من عيني له شهور مسروق=اثر الهوى ياشوق مر المذاقي
ومن عقب شوفك رد لي كل مفهوق=وراح السهر من عقب ذاك العناقي
يازين والله شوف عاشق لمعشوق=ويازين من عقب الفراق التلاقي
اثر اللقاء عقب البطاء يطلق العوق=يفك عوق اللي من البعد ضاقي
واثر اللقاء عقب التفاريق له ذوق=ذوق وطراة عقب طول الفراقي

 

 

 

 

[معلومات العضو الشقرديه]

( لاشفتني في درب غيرك تعلقت ..... تذكر أني يوم أنا أبغيك صديت )

 

 

 

 

[معلومات العضو رماد]

.
.
•



گـم هقـوة ٍ ضاعت على سگـة الغيّ
وگـم حلم فـ ( تراب ) الحقيقه قبرتـه
واقـف .. وطعنات الزمن گـلّـها فيّ
وسـاقي لو انـه گـلّ مني // گسرته
بـعد ماعاش الياس فـ ’’ احـساسي الحيّ !
اخـوي .. لـو هو صد عني عـذرته

 

 

 

 

[معلومات العضو الــشــمــوخ]

الذيب له مخوة وانا اخاوي الذيب00وكل يناظر صيدته مالقاها
على كرامه بيننا بالمواجيب00عز وفخر الاجيال نور بسماها
حياك يامنشي علوم المكاتيب00لي بالمودة طيب روحك حماها
كلمااااااتي الشموخ

 

 

 

 

[معلومات العضو رماد]

.
.
•

علمت نفسي درس ! .. ماني بناسيه
ماقيل لي ولا حفظتـه مـن كتـاب
لاحدني وقتـي علـى شـي مابيـه
اعز نفسي ومنـة النـاس بتـراب
الله يرجـع كـل غـالـي لغالـيـه
والله يرد الشمـل مابيـن الاحبـاب
اللي يبي الفرقا ! .. عسى الله يهنيه
ماني ورا المقفي مطـارد وطـلاب
لو كل من قفـى ! بتبـع خطاويـه
مافارقت عيني مواليـف واصحـاب

 

 

 

 

[معلومات العضو ابوعبدالرحمن الودعاني]

إلاهي لا تعذبني فإني مقرٌ بالذي قد كان مني ومالي حيلةٌ إلا رجائي وعفوك إن عفوت وحسن ظني

 

 

 

 

[معلومات العضو الشقرديه]

يامن وداعه لي مثل نزعة الروح*** لو كانها مرّه فلا بد منها

 

 

 

 

[معلومات العضو غلا نجد]

لا صار رجال و على العين و الراس=ما هو ظروري أعشقه و أبتلي فيه
مدري علام الناس يا خيبة الناس=كلن غدى عآشق !! و هاذي طواريه
واليا سألته قال لك "أزمة إحساس"=يا لعنبو إحساسك اللي تحس فيه
إرجع "لقرآنك" و "دينك" بلا يآس=تلقى العلوم الغانمه في معانيه
و تلقى السعآده في حياتك لها ساس=لان الحياه أكبر من اللي تسويه
لا حول يا وقتن به الناس أجناس=شاللي حصل شاللي جرى للبشر لييه
أخلاقنا مع غيبة الشمس تنداس =و تاريخنا مع دورة الوقت نطويه !!
أمجادنا نحو الشرف تشكي افلاس=و حاضر الأمه نسى كيف ماضيه
وشهالعلوم اللي تشيب بهالراس=وشهالطريق اللي غدى الكل يمشيه
من كثر ضيقي ما قدرت آخذ أنفاس=اضيق من طاري لهالناس تطريه
معذور لان لي يا الملا قلب حساس=يحب شرع الله بكل الذي فيه