غزوة الدويش وعساف ابو اثنين مع الغييثات وموقف الأمير وقيّان البطولي

[معلومات العضو سالم الغريري]

ونعم ونعم بالاد غياث

حموا حلالهم ولاهي غريبه عليهم

ونعم بالامير وقيان على فعله وتنجاده للطفل واسترداده لامه سالم وهذا ان دل فيدل على صلابة راسه وثبات موقفه وضرب بذلك مثل تفخر به العرب فما بالك بالدواسر

ونعم بالفارس حسين ابن دجران اللي امدحه الامير يوم شاف فعله

الله لايهينك يابومبارك على جهدك
وكتاباتك التاريخيه

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

العزيز الغالي : هايف العماني

يامرحبا والله ومسهلا يالقرم إبن القروم

لاشلت يمناك يالقرم على ماكتبت لنا في هذا الموقف البطولي والمشرف

والذي ليس بغريبٍ على رجلٍ بحجم وقيان بن نصار الغياثات

رحم الله الأمير برحمته الواسعة وأسكنه فسيح جناته

الذي خلد التاريخ الأبيض مواقف هذا الرجل الكبير والعظيم

كما لاننسى موقف الفارس الشجاع حسين الدجران المناديع

أبو مبارك جعل عيني ماتهل عليك يالقرم على هذا الموضوع الجميل

والذي يشرف كل دوسري وليس الغياثات فحسب

تقبل ودي وتحياتي العطره لمقامك العالي

محبك ومحب الجميع : أبو محمد

 

 

 

 

[معلومات العضو العقيد]

أبو مبارك بيض الله وجهك.


وكفووو بصبيان الغياثات هل الطالات.

والله يرحم الامير وقيان بن نصار على هذا الفعل البطولي.

 

 

 

 

[معلومات العضو الأشعف]

كفو والله بلغييثات

لاهنت أخوي هايف على توثيق الأحداث

وعسى الله يرحم الأمير وقيان ويسكنة فسيح جناته

تحياتي

 

 

 

 

[معلومات العضو رعاد]

	حنا في ذرى الله وفي ذراه من خاف= ومن راي ((اخو فرجه)) دبشنا يفلّي جانا الدويش وزفلته قوم عسّاف = حتى الرضيع اللي على الديد خلّي لين اثنى ((شيخ ٍ )) مع الضيق ينشاف= ودنق وشلّه والهوايا تهلّي فرح عيون أم من الدمع ذرّاف= عسى يمين ٍ شلته ما تشلّي تنجده (( شيخ )) الجهامه والاسلاف = وطارد وفك الحايره والمتلّي ((وقيان)) له بالعز والطيب ميقاف= وفعله يعمي عيون المغلّي اللي نطح بساعته سبعة الارداف=ومن سربة (الدوشان) عيا يذلّي ونعم ونعم بالاد غياث حموا حلالهم ولاهي غريبه عليهم ونعم بالامير وقيان على فعله وتنجاده للطفل واسترداده لامه سالم ومشكور اخوي هايف والله يعطيك العافية تقبل فائق الاحترام وتقدير اخوك :- رعاد

 

 

 

 

[معلومات العضو محمد الغريري]

هايف العماني


كتبت فأبدعت .. سطرت فأبهرت

قصة وحادثة واقعية تدل على الشجاعة والفروسية وليست بمستغربة على الفارس والامير اخو فرجه " الأمير وقيّان بن نصّار " ..

((وقيان)) له بالعز والطيـب ميقـاف = وفعلـه يعـمـي عـيـون المغـلّـي
اللي نطـح بساعتـه سبعـة الارداف = ومن سربـة (الدوشـان) عيـا يذلّـي

و كفو كفو بالاد غياث اهل الفعايل


سلمت يمناك يابو مبارك ..



تقبل تحياتي ..


اخوك في الله

محمد الغريري

 

 

 

 

[معلومات العضو نايف الخييلي]

هايف العماني

تسلم على كتابه هالسالفه والوقعه وكفوا والله بصبيان الغيثات علومهم مفخرهً الدواسر

ونوماسً لهم والله يرحم الامير وقيان بن رديني وعفاك الله

لين اثنى ((شيخ ٍ )) مع الضيق ينشاف=ودنـق وشـلّـه والهـوايـا تهـلّـي
فـرح عيـون أم مـن الدمـع ذرّاف=عسـى يميـن ٍ شلتـه مـا تشـلّـي
تنجده (( شيخ )) الجهامه والاسـلاف=وطـارد وفـك الحـايـره والمتـلّـي
((وقيان)) له بالعز والطيـب ميقـاف=وفعلـه يعـمـي عـيـون المغـلّـي

 

 

 

 

[معلومات العضو ابن محمد الودعاني]

كفو والله ببني عمنا الغيثات ولاهيب مستغربة عليهم فعول العز والامجاد


رحم الله الأمير برحمته الواسعة وأسكنه فسيح جناته


والفارس الشجاع حسين الدجران المناديع

بيض الله وجهك يابو مبارك على ايرادك لهذه السالفة الجزلة

والله لايهينك

 

 

 

 

[معلومات العضو عبدالله أبن مصلح]

المشاركة الأصلية كتبت بواسطة هايف العماني

غزى عساف ابو ثنين بالجمالين مع الي معهم من سبيع وتقابل مع واحدٍ من الدوشان غازياً بن معه من مطير ، فقال بعضهم لبعض ماورانا طمع ولاوراكم طمع لكن خلونا ويا الغييثات لأنهم مقفين من الربيع وخلونا ناخذ تاليهم .
وفعلاً لحقوا الغييثات وغاروا عليهم وكان مع الغييثات اهل بيت من السهول جيرانٍ لهم ومعهم ورع رضيع في ميزب معلقٍ على جنب بعير ، والميزب أداة يوضع فيه الأطفال حديثو الولادة ويعلّق على الراحله .
وغزى القوم على الغييثات ، ويوم هجة المظاهير من الخيل سقط الميزب وفيه الطفل السهلي وتركته امه ففي هذاك الموقف كل اراد النجاه بنفسه .
المهم رجع الأمير وقيان بن نصّار أمير قبيلة الغييثات بفرسه وشل الطفل السهلي وتنجده ، وطارد القوم ومعه الغييثات ، وظل الأمير وقيان متنجد الطفل السهلي حتى انتهت المعركة بانتصار الغييثات وحمايتهم لحلالهم واموالهم وردهم للغزاه ضاربين بذلك اكبر دلائل الشجاعه والاقدام ، وضرب الأمير وقيان أروع مواقف وأمثلة البطوله والشهامه .
ويقال أن الأمير وقيان بن نصّار لم يمدح شخصا ً في حياته او انثى على احد ، الا أنه في هذاك اليوم وبعد حماية الغييثات لحلالهم وانفسهم قال الأمير هذه الكلمة باللهجة الدوسرية : (لالا حسين لا لا حسين )
أي لولا حسين لولا حسين
.
وحسين هو الفارس حسين بن دجران المناديع الغييثي وقد ابلى بلاء حسنا ً في ذلك اليوم .
وبعد المعركة ورجوع الطفل لأمه قالت الأم السهلية هذه الأبيات تصف انتصار الغييثات وانهم بفضل رأي الأمير وقيان رعوا ابلهم بكل امان لايهابون احد ، كما وصفت موقف الأمير البطولي مع طفلها :

حنا في ذرى الله وفي ذراه من خاف= ومن راي ((اخو فرجه)) دبشنا يفلّي
جانا الدويش وزفلته قوم عسّاف = حتى الرضيع اللي على الديد خلّي
لين اثنى ((شيخ ٍ )) مع الضيق ينشاف= ودنق وشلّه والهوايا تهلّي
فرح عيون أم من الدمع ذرّاف= عسى يمين ٍ شلته ما تشلّي
تنجده (( شيخ )) الجهامه والاسلاف = وطارد وفك الحايره والمتلّي
((وقيان)) له بالعز والطيب ميقاف= وفعله يعمي عيون المغلّي
اللي نطح بساعته سبعة الارداف=ومن سربة (الدوشان) عيا يذلّي

أخو فرجه : عزوة الأمير وقيّان بن نصّار أمير قبيلة الغييثات .
رحم الله الأمير وقيان واسكنه فسيح جناته .
كتبه هايف العماني

كفووووو ...كفووووو والله انهم يحرون بها آلاد الغييثى وكلمة ونعم والله انها شوى فى حقهم ... ياهايف العمانى جعل يمناك مايجيها العطب هذى السوالف اللى لها روح وتنومس اللى يقراها ,, فعلا ضرب اروع الامثله فى البطوله والشجاعه الله يرحم الامير/ وقيان بن نصار ويرحم جميع المسلمين

 

 

 

 

[معلومات العضو الخـــــييـــــلى]

كفو كفو يالاد الغييثى اى بالله يحرون بها والله لايهينك يابو مبارك على ذالسالفه

 

 

 

 

[معلومات العضو يحيى الودعاني]

لاهنت أخوي هايف

وبيض الله وجهك على السالفة اللي تنومس وترفع الراس

وكفو والله بالاد غياث قده وزود


والله يرحم الأمير وقيّان بن نصّار ويتجاوز عنه

 

 

 

 

[معلومات العضو عبدالله بن عريمة]

المشاركة الأصلية كتبت بواسطة هايف العماني

غزى عساف ابو ثنين بالجمالين مع الي معهم من سبيع وتقابل مع واحدٍ من الدوشان غازياً بن معه من مطير ، فقال بعضهم لبعض ماورانا طمع ولاوراكم طمع لكن خلونا ويا الغييثات لأنهم مقفين من الربيع وخلونا ناخذ تاليهم .
وفعلاً لحقوا الغييثات وغاروا عليهم وكان مع الغييثات اهل بيت من السهول جيرانٍ لهم ومعهم ورع رضيع في ميزب معلقٍ على جنب بعير ، والميزب أداة يوضع فيه الأطفال حديثو الولادة ويعلّق على الراحله .
وغزى القوم على الغييثات ، ويوم هجة المظاهير من الخيل سقط الميزب وفيه الطفل السهلي وتركته امه ففي هذاك الموقف كل اراد النجاه بنفسه .
المهم رجع الأمير وقيان بن نصّار أمير قبيلة الغييثات بفرسه وشل الطفل السهلي وتنجده ، وطارد القوم ومعه الغييثات ، وظل الأمير وقيان متنجد الطفل السهلي حتى انتهت المعركة بانتصار الغييثات وحمايتهم لحلالهم واموالهم وردهم للغزاه ضاربين بذلك اكبر دلائل الشجاعه والاقدام ، وضرب الأمير وقيان أروع مواقف وأمثلة البطوله والشهامه .
ويقال أن الأمير وقيان بن نصّار لم يمدح شخصا ً في حياته او انثى على احد ، الا أنه في هذاك اليوم وبعد حماية الغييثات لحلالهم وانفسهم قال الأمير هذه الكلمة باللهجة الدوسرية : (لالا حسين لا لا حسين )
أي لولا حسين لولا حسين
.
وحسين هو الفارس حسين بن دجران المناديع الغييثي وقد ابلى بلاء حسنا ً في ذلك اليوم .
وبعد المعركة ورجوع الطفل لأمه قالت الأم السهلية هذه الأبيات تصف انتصار الغييثات وانهم بفضل رأي الأمير وقيان رعوا ابلهم بكل امان لايهابون احد ، كما وصفت موقف الأمير البطولي مع طفلها :

حنا في ذرى الله وفي ذراه من خاف= ومن راي ((اخو فرجه)) دبشنا يفلّي
جانا الدويش وزفلته قوم عسّاف = حتى الرضيع اللي على الديد خلّي
لين اثنى ((شيخ ٍ )) مع الضيق ينشاف= ودنق وشلّه والهوايا تهلّي
فرح عيون أم من الدمع ذرّاف= عسى يمين ٍ شلته ما تشلّي
تنجده (( شيخ )) الجهامه والاسلاف = وطارد وفك الحايره والمتلّي
((وقيان)) له بالعز والطيب ميقاف= وفعله يعمي عيون المغلّي
اللي نطح بساعته سبعة الارداف=ومن سربة (الدوشان) عيا يذلّي

أخو فرجه : عزوة الأمير وقيّان بن نصّار أمير قبيلة الغييثات .
رحم الله الأمير وقيان واسكنه فسيح جناته .
كتبه هايف العماني

بيض الله وجهك يابو مبارك وكفو وسبعين كفو ماتوفيكم يالغييثات

والامير بن وقيان موقفه بطولي وتاريخي جعلكم ذخر

 

 

 

 

[معلومات العضو الصقر الحر]

كفوووووووووووووو ياالغيثات

والله مهب غريبه عليهم ولا يهونون باقي الفخايذ

الغالي أبومبارك لاهنت على الموضوع الذي يفتخر فيه كل غيثي

وبيض الله وجهك ياالقرم

تقبل تحياتي

أخوك

الصقر الحر

 

 

 

 

[معلومات العضو ابو زابن المسعري]

ونعم والله بالغييثات عيال جدي صهيب
ونعم بالامير وقيان على فعله وتنجاده للطفل واسترداده لامه سالم
وهذا ان دل فيدل على صلابة راسه وثبات موقفه
وضرب بذلك مثل تفخر به العرب فما بالك بالدواسر
الله لايهينك يابومبارك على جهدك

لك جزيل الشكر
اخوووك
ابو زابن

 

 

 

 

[معلومات العضو سلطان بن دخيل الله]

لين اثنى ((شيخ ٍ )) مع الضيق ينشاف=ودنـق وشـلّـه والهـوايـا تهـلّـي

لا استطيع ان اظيف شي على ماقيل قبلي
لاكن هذا مجدا خلده الغيثات وسجل مشرف
يتنومس به كل دوسري والرجال مواقف
ولهم اي الغياثات من المواقف المشرفه مالايعد
ولايحصى
قبيله
عظيمه بعظم رجالها
مهيوبه
من هيبة الشجعان اللي تنومس فعولهم مع مرور الاجيال المتعاقبه
سجلة مجدها بالدم في اكثر من بقعه امام الاعدا
وسجلة مجدها بالكرم الذي لاحدود له لكل من جاورهم وضافهم

وبالنهايه هذه هي التيجه سمعة يتشرف بها كل الدواسر

لم تأتي من فراغ
بل حصيلة التضحيات المقدمه من ابطالهم في الماضي والحاضر
وبيض الله وجهك ياهايف على ذكر هذه القصه
التي هي جزء من الماضي المشرف ال بني عمنا الغياثات

تقبل مرور اخوك

سلطان بن دخيل الله ابن محمد الشكره