من عين لي ابوزايد التغلبي

[معلومات العضو راشد المسعري]

ابو زايد :
بعض المجانين جات تسوق سيارة..ما همها لو تمشى داخـل الحـارة
ياليت بعض العرب يدري بمقـداره...والنار ما تحرق الا رجل واطيهـا

المسعري:
يوم المرور ارتخى جوك المجانيني..كلا يـدور علـى ليـلاه ياعينـي
والمشكله مايعرف الجيم والسيني...والنار ما تحرق الا رجل واطيهـا

الله الله فتل ونقض حتى في الموال ، ماشاء الله شاعرين كبيرين ومبدعين


المسعري:

يصير بياع الغنـم تاجـر عقـار..لامن لقاله فرصتاًنصـف الشهـر
والحل عنـدك يومكـم قـداً لهـا...واللي عقد روس الحبـال

ههههههههههههههههه حلوة ياالمسعري عز الله كلش يعقل ذالأيام ، ذالليل ليل الفتل والنقض والمعاني الطيبة .... شدوووووووووووووو حيلكم تراني معكم يالثنين اشجعكم ظني ماعاد به صفوف إلا كان احد جاي

 

 

 

 

[معلومات العضو مسفر المصارير]

الشعار : أبو زايد التغلبي و المسعري

واصلووووووا عافاكم الله

وحنا ماسكين الصف

وأنا في صف أبو زايد التغلبي من غير قصور فيك يا المسعري

وتقبلوا تحياتي : مسفر المصارير

 

 

 

 

[معلومات العضو أبو زايد التغلبي]

مرحبا ملايييييييييييييييييييييييييييييين يا مسفر المصارير شد حيلك وابشر بسعدك

لن قاله الله ما تسري ذالليل إلا مبسووووووووووووط وانا شايع ....


اللييييييييييييييييييييييييييييييييييييييييييييييي ييييييييييييييييييييييييييييييييييييييييييييييييل

 

 

 

 

[معلومات العضو أبو زايد التغلبي]

انا اشهد إنك يا مشرفنا الوقور بو عبدالمحسن المسعري مفخرة ومكسب للمنتدى واهله /// صدقني انك عن صفين كاملين واشعلت الحماس فينا من جديد


فمشكووووووووووووووور طال عمرك

 

 

 

 

[معلومات العضو أبو زايد التغلبي]

الله يعطيك ألف عافية يا خوي المسعري ويعطي الغالين اللي سروا الليل معنا ألف عافية ولكن أنا اتفقت معك على اللعب ساعة والحين ما شاء الله حوالي ساعتين ونصف:

اسمح لي بعد هالبيتين باطلع من النت واروح لشايبي :


استلم لاهنت:

جانا ضيوف(ن) تمشا وسط ديرتنا ............ ويهم كل الطراقي عرف سيرتنا

والسمعة الخالدة من دونها متنا .............. والنار ما تحرق إلا رجل واطيها


يا ربعنا الغالين حار الدمع حار ////// في عين بنت(ن) خدها كله غبر

لاتتركون البنت تشكي غلها ///// واللي عقد روس الحبال يحلها

 

 

 

 

[معلومات العضو المسعري]

هذي تراها بلاكم ياهل الديره=مشروعكم لانهدم ماينبني غيره
ياشاعر المعرفه ياطيب السيره=والنار ما تحرق الا رجل واطيها
العمده اللي قلت سلم له شعار=للعسكر اللي تستلم ضابط خفر
هذي صعوبات ولزوم نذلها=واللي عقد روس الحبال يحلها

 

 

 

 

[معلومات العضو المسعري]

الاخ الشاعر ابو زايد التغلبي
صراحتا لقد تشرفت باللعب مع شاعر بمكانتك وشاعريتك وانا اعتبر هذه المحاوره من اعز المحاورات على نفسي لمحبتي واعتزازي بشاعر المنتدى ابو زايد التغلبي
وانا الحين استاذن شاعرنا تنكست النجوم وورانا بكره دوام
اسأل الله العلي العظيم ان يمن على جد شاعرنا التغلبي بالشفا العاجل

 

 

 

 

[معلومات العضو ابوشجاع]

ياسلام ياشعار الله يعطيكم العافيه

المسعري=ابوزايد التغلبي

الله لايهينكم ولاتقطعون من ذاللعب الجزل

تحياتي للجميع--

 

 

 

 

[معلومات العضو فارس الكلمه]

الله لايهين الشعار


والصفوف

 

 

 

 

[معلومات العضو سعد المقابله]

شعار المنتدى

المسعري

ابو زايد التغلبي

الله يبيض وجيهكم وماقصرتوا

وجعل عماركم تطول على طاعة الله



الاخ الغالي

ابو زايد

اسأل الله العظيم رب العرش الكريم ان يشفى جدك من كل سوء ومكروه

وان يرزقه الصحه والعافيه

ويطول في عمره ان شاء الله

وهو في اتم الصحه