ياماحلا في البر لا لاحت بروق.... - الصفحة 2

**معلومات** **العضو** · 08-12-2009, 02:24 AM

صح لسانك اخوي محمد
وارجوا ان تقبل وجهة نظري بأريحيه والله ثم والله ثم والله أني ناصح محب
ولكن ماكتبته ليس قصيده انما كلام مقفى وغير موزون بتاتا
ولي شرهه على شاعرين كبيرين مروا على القصيده ولم يعلقوا عليها ولم يبينوا لك الغلط
وهم عبدالله بن فهد ومحمد الخضراني
فمع اختلال اوزن الواضح هناك ابيات لا اعلم كيف كتبتها

حليبها ماهوب يشرا من السوق=مثل العسل يروي ضما كل عطشان

ابي اسالك هل الضمآن يروى من العسل وهل يطفي ظماه

اقلط على اهل الطـيب والبن محروق=ذباحة للحيل وادلال رسلان

اخوي محمد البن اذا صار محروق مايتقهونه ولايسوى للنشاما شرواك
والشطر الاخر ادهى وأمر كيف يذبحون دلال رسلان مثل ماقلت(ذباحة للحيل وادلال رسلان))
ارجوا ان تتقبل النقد بصدر رحب وأريحيه ووسعة بال وارجوا من الشعراء عدم المجامله في الشعر فبمجرد مرورهم على قصيده ليست بقصيده ان يبدوا رأيهم
ونصيحه من اخو محب لك اذا اردت ان تعرف القصيده موزونه فغنها اذا مشت معك جميع البيوت على اللحن فهي سليمه

ارجوا ان تتقبل نصيحة اخوك الصغير

**معلومات** **العضو** · 10-12-2009, 06:42 PM

اقتباس:

المشاركة الأصلية كتبت بواسطة صبي الصمايل

صح لسانك اخوي محمد
وارجوا ان تقبل وجهة نظري بأريحيه والله ثم والله ثم والله أني ناصح محب
ولكن ماكتبته ليس قصيده انما كلام مقفى وغير موزون بتاتا
ولي شرهه على شاعرين كبيرين مروا على القصيده ولم يعلقوا عليها ولم يبينوا لك الغلط
وهم عبدالله بن فهد ومحمد الخضراني
فمع اختلال اوزن الواضح هناك ابيات لا اعلم كيف كتبتها

حليبها ماهوب يشرا من السوق=مثل العسل يروي ضما كل عطشان

ابي اسالك هل الضمآن يروى من العسل وهل يطفي ظماه

اقلط على اهل الطـيب والبن محروق=ذباحة للحيل وادلال رسلان

اخوي محمد البن اذا صار محروق مايتقهونه ولايسوى للنشاما شرواك
والشطر الاخر ادهى وأمر كيف يذبحون دلال رسلان مثل ماقلت(ذباحة للحيل وادلال رسلان))
ارجوا ان تتقبل النقد بصدر رحب وأريحيه ووسعة بال وارجوا من الشعراء عدم المجامله في الشعر فبمجرد مرورهم على قصيده ليست بقصيده ان يبدوا رأيهم
ونصيحه من اخو محب لك اذا اردت ان تعرف القصيده موزونه فغنها اذا مشت معك جميع البيوت على اللحن فهي سليمه

ارجوا ان تتقبل نصيحة اخوك الصغير

حياك الله ياصبي الصمايل

واشكرك على النصيحة الطيبة كمحب

وتم تعديل الابيات بالشكل المناسب

بخصوص ملاحظاتك فسوف أفندها على النحو التالي:

1-(ولكن ماكتبته ليس قصيده انما كلام مقفى وغير موزون بتاتا)

القصيدة من ناحية الوزن فهي سليمة من الكسور والعيوب ولله الحمد فأنا متأكد من سلامتها وعرضها على اثنان من زملائي شعراء وقالوا لي بأنها سليمة من الكسور بعدما لحنوها بعدة ألحان واختلاف الألحان شي طبيعي وروتيني فهو يختلف من شخص لأخر وبخصوص هذا الموضوع تابعت إحد حلقات جولة شاعر المليون للموسم الرابع في التلفاز فوجدت بأن أحد الأشخاض شارك بقصيدة ليست له بل هي إحدى قصائد الشاعر/حمد السعيد القديمة عام 1989م وقال له الشاعر /حمد السعيد بإن القصيدة فيها خلل واضح وكسور عديدة ولم يعلم بأنها قصيدته إلا بعدما خرج الشاب من اللجنة ولاحظت في إلقاء الشاب للقصيدة بإسلوب مختلف وذكر إحدى الإعلاميين في برنامج شاعر المليون بأن القصيدة سليمة ولكن الإلقاء لم يكن بالشكل المطلوب .

بخصوص مرور الشاعرين/عبد الله بن فهد و/محمد بن سالم إلا دلالة على روعة القصيدة وجمال ابياتها فلو كان في القصيدة كسور واختلال لاتم ابلاغي بسرعة إما عن طريق الهاتف أو الرسائل الخاصة وهذا رد أخي عبد الله بن فهد:

ومن قال سالم وصح الله السانك ورسمت لنا الطبيعه والاجواء الربيعيه هذه الايام يابو حمد الله لايهينك وبيض وجهك

وهذا يدل على إعجابه بالقصيدة وإشادته الغير مستغربة من شخصه الكريم

2-ابي اسالك هل الضمآن يروى من العسل وهل يطفي ظماه

الضمآن يروي من الماء ولكن العسل علاج ودواء لعدة أمراض بعد الله سبحانه وماإستخدامه كعلاج شعبي إلا لأهميته القصوى ولكن أنا رسمت البيت بصورة مغايرة وهو التشبيه بالعسل وهو من الصور البلاغية أو التشبيهية

3-اخوي محمد البن اذا صار محروق مايتقهونه ولايسوى للنشاما شرواك
والشطر الاخر ادهى وأمر كيف يذبحون دلال رسلان مثل ماقلت(ذباحة للحيل وادلال رسلان))

صحيح لكن إذا تم حمس القهوة على النار فهذا يسمى إحراق

أي أن لاتكون القهوة سوداء اللون بل مجرد إحراقها وحمسها على النار فهذا يعتبر إحراق أي يكون لون القهوة صفراء كالياقوت تطرب العين لرؤيته وتم ذكر الإحراق في عدة قصائد منها:

واحمس ثلاثة يالنديبي على ساق

حرصك تصير بعاجل الحمس مطفوق

اليا صفر لونه ثم بشت بالاعراق

صفرا كما الياقوت يطرب لها الموق

دقة بنجر للاجاويد عشاق

يطرب لها الدقاق إذا دق بخفوق

لقم بدله مولعه طولها ساق

ريحه على جمر الغضا يفضح السوق

أكبر قموعة كالزمرد بالاشفاق

وأصغرهن الطافح على شفه الموق

ليا انزعج من مزلقه تقل شبراق

أودم قلب واغرع منه معلاق

كفه وصفه على خمس ترناق

هيل ومسمار مع الاطياب مسحوق

بها لشمطري والعنبر اليافاق

والزعفران اللي على الطاق مطروق

صبه لذاك وذاك ما ذاق

واكفى كفاك الشر عن كل مخلوق

قصيدة الشيخ ابن هذال:
قم سو فنجال(ن)ترا الراس منداش*لعيون من قرنه على المتن مرجود
.
.
وقصيدة الشيخ ابن مجلاد:
قم سو مايجمد على الصين ياذياب"="بدلال يشدن البطاط المحاديب
واحمس اليامن العرق فوقها ذاب"="واستدن مايجذب عليك الشراريب
نجر يصيح من السكر تقل بحزاب"="يلعي على طول المدى بالمواجيب
وصبه المن قاد السباياللاجناب"="له مفرس يشبع به الطير والذيب
وصبه للي وان جا للزمل ضبضاب"=" يرخص بعمره دون زمل الخراعيب
وصبه للي وان لفا بيته اركاب"="قدام بيته تقل مجزر قصاصيب
وباقي العرب اطبخله التول لوشاب"="لصاصة المجلس حمير المشاعيب
اللي نهار الكون يفزع بمصلاب"="كبارين الانفس ساهجين المواجيب

4-والشطر الاخر ادهى وأمر كيف يذبحون دلال رسلان مثل ماقلت(ذباحة للحيل وادلال رسلان))

معتى الشطر إذا كنت ضيفاً على أحد المطاليق فكرامتك موجودة ويتم استقبالك بالقهوة العربية ومن ثم إما العشاء أو الغداء كرامة لك فإذا قلت بأن الشطر بالشكل التالي:

ذياحة للحيل مع ادلال رسلان

فهذا كسر واضح في الشطر فلهذا قمت بكتابة الشطر بهذا الشكل تطويع مني للبيت وعدم اختلال الوزن

أرجوا تقبل ردي بصدر رحب

تحياتي

**معلومات** **العضو** · 08-12-2009, 05:37 AM

صح لسانك واعتلى شانك

مبدع يابو حمد

ونطمع بالكثير

**معلومات** **العضو** · 10-12-2009, 06:45 PM

اقتباس:

المشاركة الأصلية كتبت بواسطة نايف الخييلي

صح لسانك واعتلى شانك

مبدع يابو حمد

ونطمع بالكثير

صح الله بدنك يابو فهاد ومن قال لاهان ووجهك ابيض ولاهنت على المرور ياالقرم

**معلومات** **العضو** · 10-12-2009, 06:10 PM

صح الله السانك يابو حمد وبا التوافيق انشاءالله

**معلومات** **العضو** · 10-12-2009, 10:44 PM

صح السااانك يابوحمد واعتلا شااانك

قصيده في قمة الروعه والجمال وشوقتنا للبر ياذيبان

والله يسقي ديارنا ويجعلها امطار خير وبركه

لاهنت طال عمرك وبيض الله وجهك

ولك تحياتي ..

**معلومات** **العضو** · 10-12-2009, 11:00 PM

اقتباس:

المشاركة الأصلية كتبت بواسطة فارس الدبالين

صح السااانك يابوحمد واعتلا شااانك

قصيده في قمة الروعه والجمال وشوقتنا للبر ياذيبان

والله يسقي ديارنا ويجعلها امطار خير وبركه

لاهنت طال عمرك وبيض الله وجهك

ولك تحياتي ..

صح الله بدنك يافارس ومن قال لاهان ووجهك ابيض ولاهنت على المرور ياالقرم

**معلومات** **العضو** · 11-12-2009, 10:52 AM

صح السااانك يابوحمد واعتلا شااانك:

قصيده في قمة الروعه والجمال وشوقتنا للبر :

الوا ن الشعربيحكم الاشعار با لمنطوق@@ خذا بوحمد ا لكاس من دا خل ا لميدان

بيت عجاب في القصيده السابقه :

تحياتي وحترامي لك

**معلومات** **العضو** · 12-12-2009, 06:42 AM

صح لسان القايل
وأتفق مع الأخ صبي الصمايل في ملاحظاته ماعدا الوزن
فلايوجد كسور في ماقرأته هنا

أما باقي الملاحظات ففي محلها
وأستغرب أن الأخ حمد يورد قصيدة القاضي على جواز وصف القهوة بالإحراق !!!!!
بل ومع هذا يحذف البيت القائل :
وايـاك والنيـة وبالـك والاحـراق++واحذر تصير بحمسة البن مطفـوق

!!!!!

عموما موفقين وشدوا حيلكم

**معلومات** **العضو** · 12-12-2009, 09:28 AM

هيض رائع
صح لسانك الذي ترجم نظمها ..
وسلم بنانك الذي دونها

أتمنى لك التوفيق ..
إحترامي وتقديري

**معلومات** **العضو** · 12-12-2009, 11:35 AM

صح الله السانــــك مليـــــون ولا يســـــــــــدون

وبيض الله وجهك على الابيات الجــزله لاهنت

**معلومات** **العضو** · 13-12-2009, 07:30 PM

صــــــــــح لسانــــــــك واعتلى شانــــــــك

**معلومات** **العضو** · 13-12-2009, 09:27 PM

صح لسان يابو حمد مليون ولا يكفون ياكحيلان

وانا أشهد أن القصيدة جزله ووافيه ومتميزه مثل راعيها وانت في غنى من آطرائي ومدحي لأنك اللي تقيم زلا تقيم يا بو حمد ,,

تقبل مروري المتواضع ,,

أخوك / درعان بن عبدالله بن عريعر بن درعان

**معلومات** **العضو** · 08-12-2009, 12:23 AM

اقتباس:

المشاركة الأصلية كتبت بواسطة محمد بن سالم الخضران

صح لسانك يابوحمد مليون

ولاهنت وصفت فابدعت

احترااامي وتقديرري

صح الله بدنك يابو سالم ومن قال لاهان ووجهك ابيض ولاهنت على المرور ياالقرم

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية