وقعة نقير ... والوثائق البريطانيه

[معلومات العضو ولد عطا]

وأعـلم يـ خـوي أن من يسكنـون نقيـر والنقيـره هـم عـوازم

وأميـر نقيـر هـو الاميـر أبـن جنـدل التويـمـي

وأميـر النقيـره هـو الاميـر علـي بن دغيم التـويـمـي

لو تبيـني أخذك تشـوف من ساكنيـن بـ نقيـر حاضـر وجاهـز

وكيـف تقـول أن الدويـش عفـى عن العـوازم وراحـم للكويـت والعـوازم من ثلاث مائـة سنـه بـ الكويـت

يـ خـوي حـدث العاقـل بـ مـل يعقـل الله يصلحـك

 

 

 

 

[معلومات العضو ولد عطا]

الشاعر مبارك ابن خدعان العكيلي الجويسري العازمي

حـاضريــن عنـدنـا بـلملاقــا والصبــاح نعــم يـا ربعي نهـار المـلاقـا حاضـريـن
مــا درينا الا وجيه البيــارق والصيــاح يـوم جونا يـوم حنـا على الماء غافليــن
وستــوى يــومٍ كثـر الخسايــر والربـاح التقينـاهـم مـع الصـوح مع حد البطيــن
بايعيـن الروح بيـع الجلايـب بالمــراح استوى يومنٍ عسا الله يعيــن المستحين
وقتضـا مـن راعـي الديـن ديانـة وراح صبحـونــا والتقينــا شمالــي القطيــــن
ويتمنـا سابقــه لــو يصيــر لهــا جنـاح انهــزم مـا يلتفت طايـرن عنـه اليقيــن
مانهــاب المـوت ياثار مشغـول الملاح خابـريــن فعلنــا من قديمــات السنيــن
بمعداهـم يشبـع الطيـر خفــاق الجنــاح نعـــم يـاربعـي نهـار الـملاقـا الطيبيــن
من حضر يقلط على الموت والميت مباح حذفـو بغتـرهـم دون جرعـات الحنيـن
وهتنينـا عقــب سهر الليالـي بالمــراح اقتضينــا لصــوبـانــا بـــذح الأوليــــن
بمعركنـا سايلـن دمهــم ملــي البــراح الجنايز قبلتنٍ من رضى تاخــذ سنيـن
مــن تلولس في ظهرها بطحها ثـم راح هملــوا تـال الجريـرة مهـم بمعـوديــن

 

 

 

 

[معلومات العضو ولد عطا]

مبـارك الحريـص

هيض اللعاب جمعٍ على العايل = لايحطون المحاجي ولافيهم ذليل
ليا أعتزوا بالعود وردوا كما ورد القطا = في سموم القيظ ورد على قيفٍ ظليل
شيخنا سبل وحنا وطينا ماوطا = لاتهيفينا ولاصار ممشانا ثقيل
زعزع المرحوم بالكون شايبنا عطا = لين بواق القصاير تزايد بالجفيل
يوم اخذنا بالصويهد شوي بلا بطا= ساوقوا قدام ربعي مزبنة الدخيل
كم صبي بس تالي حياته بالنحطا = من ضرايب لابتي طاح بالمنحني قتيل
وش تبي في حية الهيب ياراعي الخطا = مايروز جموعنا باللقا كود الهبيل
هيه ياللي تعمل البن بالهيل اخلطا = صبها للي هزم باللقا جمع القبيل

 

 

 

 

[معلومات العضو ولد عطا]

للشاعر:فهد بن جافور ((نقــــــــــيــــر))

نحمـد اللــي عز ربعـي على كـل الجنــود // يوم جت سبع الطوايف خطا ما من دليــــل

إستوى يوم ياعلــه علــى البايــر يعــود // واحمد اللي عز ميــزان ربعي لايميــل

باروا العـدوان فيهــم وجوهــم بالجــرود // ولابتي دون المعقل ليــا بار العميــــل

ثار من دون المعقل كما وصف الرعـــود // مثل زلزال الرعــد ياتقصف من مخيــل

يوم ثار الهيج لي ولابة مثل الفهــود // والمعادي قدمهــم كنه الصيـد الجفيــــــل

ذبحهم عند المعقل ثمــان ميــه وزود // وليا نجا والذبح بالقوم من زلم وخيــل

كل طماع نكـس مفلـس ماجاب فــود // ما لفى بعلــوم هيــاتهم كــود الذليـــــــــل

من فعايل لابتي يشبع السبع الونـــود // طبعهم دايم وكسارت العظم الجليــــــــل

لابتي دولة شريف عمت عين الحســـود // واجه العيال يوم الملاقـي شين يهيـــــــل

إشتهت كبدي متوعي والفت الرقود // واحمد اللي جلا عن كبدي المر الثقيــــــــــل

______________________

انظر هذه القصيده في كتاب : صدى الماضي ص26.

المعقل / الميدان الذي عقلت فيه الإبل للحرب.

 

 

 

 

[معلومات العضو ولد عطا]

فليـح الصـواغ


ياراكب حر ٍ هميم ٍ اليافد $ $ $ يشدى ظليم طالع العصر لقاف

على رضى جتنا مزون ٍ لها سد $ $ $ دوق هواه ونوها غادىٍ ارداف

رشاشها ملح الكريزي يتراعد $ $ $ اليا سمعها اصمع القلب ينلاف

وردوا و صدرنا عليهم من العد $ $ $ مصدار ما هقيته نرجع اخلاف

اهم اجموعن تذهبك لو تعدد $ $ $ وحنا شوي مير بالهوِش ننشاف

رجلينا يركض على القوم ما صد $ $ $ وخيالنا الواحد كما دولة اشراف

وجانا الدهينه لارحم جده الجد $ $ $ مداد مير الظبي ترميه الاصداف

من ضرب صبيان العوازم تنكد $ $ $ ماصدق ان القوم تنوي بالانكاف

عود معيف خاطره عقب ما كد $ $ $ وعود معيف وخاطره عقب ماشاف

 

 

 

 

[معلومات العضو ولد عطا]

حليـوان بـن مديعـج

وردنـــا عـلــى ود عـســاه الـدبــا ودهــــور ,, وســاعــة نـزلـنــا والـبــيــارق تـبـاديـنــا

وصــاح الصـيـاح وشـبـهـر الـــورع والـغـنـدور ,, عـلــى فــــرع الارض ولا بـنـيـنـا محـاجـيـنـا

ونطحـنـا الـبـيـارق والدهـيـنـه وابـــن مـشـهـور ,, بصـنـايـع قـريــز تـلـتـعـج فــــي يمـانـيـنـا

ركضـنـا عليـهـم ركـضــة واعـتــزى المـسـطـور ,, يــوم الخـيـل تـدفـع واشـهـب الـمـلـح كاسـيـنـا

لعيـنـاك يــا شـعـل تـلافــت عـلــى المـقـهـور ,, ذعـرهــا الـصـيـاح وتلـتـفـت فـــي عـزاويـنــا

طـعـنـا لـعـيـن فـاطــر خـلـفـهـا مــصــرور ,, لبـنـهـا عـــن الــــزاد الـمـشــري يـعـزيـنـا

بـالــك تـهــج الـزمــل يـالـجــادل الـغـنــدور ,, خـلــي الـزمــل يـوقــف وانهمـيـنـا بأسامـيـنـا

واحــذرك عـقـب الـيـوم عــن عشـقـه المـثـبـور ,, عـــن الـلــي لاجـــت لـقــوة يـتـقـي فـيـنـا

عـــد الجـنـايـز واعـــرف الـكــون يامـنـصـور ,, هـــذا جـــزا مـــن زارنـــا عـنــد اهالـيـنـا

وامسـيـنـا فـراحــي والـعــدو رايـــح مـسـكـور ,, واصبـحـنـا نـمـثـل كـونــا فـــي قهـاويـنـا

 

 

 

 

[معلومات العضو مبارك الدموخ]

جـونا على غـره وجيناهـم هــدد ,, واللي حضـر منا كفى اللي غايبـين

كفو والله يالعوازم والتاريخ مثبوت بالقصائد وعندي تصحيح من كبار السن وهو لا يعتبر تصحيح في رد العازمي

جونا على غفله وجيناهم هدد
والله كفوووو وهذه الوقعه معروفه ولا عليك من الكتابات الاخرى وتاريخكم معروف

 

 

 

 

[معلومات العضو عبدالله أبن مصلح]

يالعـن أبـو عند المعقل من شـرد ,, وش يبي بالعمر لاسهـج القطيــين

 

 

 

 

[معلومات العضو ولد عطا]

يأبـن الحـلال واللـه وثـم واللـه أنك جاهـل والجاهـل صعبـه يفتهـم

أقـولك العجمـان والعتبـان والرشايـده وعنـزه أعترفـو

واللـه لـن تصعـد الجبـال طـولأ لـن تغيـر التاريـخ دام القبايـل الاخـره تعتـرف وأنتم لا تعترفـون

 

 

 

 

[معلومات العضو مبارك الدموخ]

اخي الامع

تراك غلطان وولد عطا كلامه 100% صحيح وانا معاه بكلامه لاني سامعه من ناس محايدين من الطرفين كبااار في السن ولحقوا على السالفه لا تحرفوونه ياجماعه

 

 

 

 

[معلومات العضو البدوي0/0]

السلام عليكم ورحمة الله

ياجماعه صلو على النبي

أول شي التاريخ محفوض والكل عارفه

وثاني شي منهو الشاهد الجدعي فقسما ً بالله العضيم أن الجدعي قد زج في كلامه بهذه الشهاده

البـــــــــــــــــــاطله وإن كان هو فعلا ً قد شهد بها فهو كـــــــــــــــــــــــــــــــــــــــــــــــــ اذب والعياذ بالله

وهل لم يكن موجود من أمة محمد في وذالك الوقت إلا الجدعي وما أدراك مالجدعي ؟

لاماذا نسينا شهادة الشيخ الدامر من العجمان وشهادة مقعد الهينه من عتيبه وشهادة كل القبايل

والرجال الشرفاء

ولاكن لي عتب على منتدى مثل منتدي الدواسر بأن يكتب به زيف للحقائق



من هو الجدعي وهل أدلا هو بشهادته وإن كان قد أدلا بها فهو نسئل الله الرحمه قد كذب

وقعة نقير معروفه والشمس ماتغطى بمنخل وكلامه غريب ولاكن من له حيله فل يحتال لاكن الكذب

عيب عيب عيب وحراااااااااااااااااااام ولاكن الشرهه على من أعان على الزيف والكذب فأن الكذب

يفقد الرجل مصداقيته .

وشكرا ً لكم

 

 

 

 

[معلومات العضو عبدالله بن عريمة]

جونا على غرة وجيناهم هدد ,,,, شطر بيت عن قصيدة بل قصائد

كفو ياعيال عطا ,, والحقيقة الاحظ المطران للاسف دايم ينكرون

مثل بعض الوقعات الشهيرة .. التي اثبتها شاعر كبير مثل بن لعبون

 

 

 

 

[معلومات العضو البدوي0/0]

السلام عليكم ورحمة الله

عفوا ً ورد خطا في الكتابه في ردي السابق .

وهو أسم الشيخ والعقيد المعروف وهو مقعد الدهينه من قبيلة عتيبه الهيلا الكريمه

 

 

 

 

[معلومات العضو عبدالله أبن مصلح]

لاكن لي عتب على منتدى مثل منتدي الدواسر بأن يكتب به زيف للحقائق

عيب عيب عيب وحراااااااااااااااااااام ولاكن الشرهه على من أعان على الزيف والكذب فأن الكذب

ــــــــــــــــــــــــــــــــــــــــــــــــــ ـــــــــــــــــ

الاخ / البدوي0/0

حياك الله فى منتدى الدواسر

اى موضوع اوسالفه تكتب اوتسرد يهمنا المعلومه الصحيحه والردود التى تحتوى على الاجابه والتوضيح بصوره سليمه .

ويامرحبا بك اخوى بين اخوانك بمنتدى الدواسر

 

 

 

 

[معلومات العضو ولد عطا]

أخـي عبـداللـه .. من الـذي كـــذب

أرجـو الـرد على السـؤال ..؟