من اعلام الشعر النبطي الشاعره الفذه بخّوت المريه

[معلومات العضو عاشق سراب]

	(¯`·._(* من اعلام الشعر النبطي *)_.·°¯) الشاعره الفذّه بخوّت المريه نسبها بخيتة بنت عايض ال عذبة المري المعروفه بأسم بخوت موطنها : عاشت بداية عمرها جنوب منطقة الاحساء مع والدها على عد (الزرنوقة) وكذلك حول بير (فاضل) وكلاهما موارد لقبيلة مرة حياتها الاجتماعية كانت يتيمة الام وقد تزوجت ثلاث مرات ولكن لم ترزق بذريةوقد عاشت في بداية حياتها مع والدها عايض المري، تنتسب بخوت لعائلة آل منيره ... والذي يقطن غالبيتهم في مدينة المره بجنوب قطر شاعريتها: كتبت بخوت الشعر وهي في سن مبكرة في الثامنة من عمرها تقربيا ولقد تطرقت لجميع اغراض الشعر النبطي من مدح وغزل ووصف ورثاء ومحاورة والشاعرة هي عمة ( الشاعره العملاقه .. الراسيه ) وفي غزلية رائعة ليته يناديني وانـا بـس اناديـه=واجاوبه ياحسين ولو كان مـره عليه قلبـي يابسـات عراويـه=اقفا ابقلبي من ضلوعـي يجـره ذالي ليال قاعده فـي حراويـه=ليننهـا زادت علـى المضـره قمت اتوجد وجد من مات غاليه=قبوه اقبالـه كـل يـوم يمـره أو وجد من خاوه والليل ممسيـه=ينخا ولا حد من هل الهجن مره خلي طريح والضواري اتحاضيه=بالمقطعه وامقابله ضلـع حـره على الذي ماشفت حي ايحاليـه=شيخ على القوم المعاديـن شـره وفي اجمل قصايدها قالت : جيت النازل خاليه ما بها اونـاس=من عام الأول ارضها ما وطي به ولقيت مرح أهل المـروات دراس=علمه بهم يا بو مطر علمـي ابـه مريتهـا يـوم المعاليـق يبـاس=ونزلتها يـوم الضمايـر عشيبـه وونس بصدري واهج الحر حماس=احسب من فارق هله لي يجي بـه واقفيت كن ابسرت القلـب مـراس=واقنب كما يقنب من الجوع ذيبـه واعول كما تعول على البو عرماس=ومن لامني جعل حوالـه عطيبـه باللي يفكون الطلب عقب الادمـاس=ربعي مصخرت العدو بالغصيبـه اليا منهم ركبوا على سرج الافراس=وتحيزموا من فوق قـب عريبـه اليا اعتزوا ببعير عالـي السـاس=خلوا على جمع المعـادي حطيبـه ذكر الموده للعرب ما بهـا بـاس=لكنهـا علـى المولـع مصيـبـه حب الرفاقه شيب القلـب والـراس=وباق المـوده لـه بديـل قريبـه باقي العرب تلقا بديله مـع النـاس=واخوك لو درت البدل مـا لقيبـه ولها ايضا.... مل قلب(ن) فر وأفتر مثـل المروحـه=فرهـا فـرت جديـد قوي(ن)سيرهـا ان ضحك لي صاحبي سر قلبي وافرحه=وان تغلى صاحبي زاد عينـي شرهـا صاحبي ناوي يذبحني وانا مقوى اذبحه=شب في كبدي سنـا نـار زوّد حرهـا وقالت رد على من علق على جراءتها الشعريه العب المنكوس وارفع بصوتي ماعلي=من هل المنقود واهل العلوم الهينـه يقال انه كانت لها قصة عشق بين أحد ابناء عمومتها ويدعى " محمد " وكانت لا تخجل من هذا العشق الطاهر بل كانت تجهر به وكانت تذكر محمد في اغلب ابياتها وهذه احد ابياتها فيه ... ياهل البيت المطرف تراني يوم جيت=عندكم لي حاجة(ن) واستحي ماقولها ايضاً في محمد ... المحبه لا سطت ما يعالجها الطبيب=روحتك ياصاحبي ليت ربي لدهـا عادة الدنيا تفرق حبيب(ن)عن حبيب=وقطعش يارفقة(ن) والمفارق ضدها أما في وصف السيارات فقد برعت الشاعره فيه تل قلبي تل فرت(ن)على سبر العجل=عشقه راعيه والحوض تحته قد ملاه ان تسنّد عشّقـه ثـم لـده بالدبـل=وان تحرر ريّحه لين ياصل منتهاه لها في الأحلام البارحـه والحبايـب كلـنـا لـمـا=يوم اصبح الصبح كل(ن) راح في داره حسبي على الحلم يكذب جعلـه الهمـا=سوّى بحالـي كمـا عـود ونجـاره ولها ايضاً في الحكمه ... تل قلبي تل طير(ن) على الجول مهدود=يطرد المقفي وطـرد المقافـي كايـده مهبلك ياللي تبي الوقت الأول لك يعود=من يرده كون محيي العظـام البايـده نوادر من قصائدها جعل وبل الغيث يسقي ديار المفرعيـن=منزل اللي كن حديثـة حليـب معدّيـة ضيقيتي في خاصري دايم ماهوب زين=قومي اللي سـم حالـي وبيـح سدّيـة ان سجنته قام يتبـع دروب الدالهيـن=وان نشدته قـال انـا علتـي متعدّيـة ان بغى خلي جنابي فلا غيره ضنيـن=وان بغى يقفي فيقفـي مـراح مودّيـة وهذي الابيات قالتها بخوت عندما كانت اختها تعالج من مرض السرطان في لندن وكانت الشاعرة في ارض الوطن حيث قالت هذة الابيات تشكر الذي صنع جهاز الهاتف وتتمنى مرافقة اختها ( نوره) التي وافها اجلها المحتوم هناك حيث قالت عسى من صنع ذا الهاتف ايدية ماتنشل=عسى دارة الوسمي يخـرب بساتينـه تعلا الحـرارة وان تكلمتبـه تنـزل=على صوتهم قلبـي تريـح شرايينـه وجودي على طيارة صوبهـم تنتـل=علشان مستشفـاه باجـي مصاخينـه وقالت كذلك في وصف ناقتها التي كانت تسميها (ذروة) كن ذيل ذروة راس بنت على زيان=يازين شوفه في العراقيب يجتالـي يازين شوف حوارها بارك ريـان=في حرف روض والمضاهير نزالي وقد تكلمت بخوت في قصائدها عن السيارات وطريقة قيادتها وانواعها ومن هذة الابيات قولها المرسدس محلاه في طلعت ام حويض=اليا عطي ثالث جاوب السير شكمانـه ونلاحظ هنا دقة التعبير والوصف في هذا البيت . . اما المحاورة نذكر لها هذة المحاورة مع الموت بخوت المرية: اشهد شهادة حق ما تستحي يا مـوت=وانا اشهد ان ما فيك ميز(ن)ولا شيمة الموت: صلاتش ردية والحكي زور يا بخوت=وكل خذيتية من هله وانتـي مقيمـة تقول بخوت المريه وهي أشهر من تكلم عن السيارات من النساء : حن قلبي حن (( ماك )) على سمر العجل=عشق السواق والدرب ممسـوك(ن) وراه إن عطا مع طلعة(ن)عشقـوا لـه الدبـل=وإن تسهل ريحـه ليـن ياصـل منتهـاه ما بشفـي لا دريـول ولا ريـس عمـل=شفي اللي كل ماشـاف بـراق(ن) رعـاه صبي أهله قطين(ن) على عد(ن) جاله عبل=طيب(ن) للبل وراعيـه مايقطـع ظمـاه ونتي ونة خلوج(ن) ولدها مابعـد جـدل=تشـرف المرقـاب للـذود وتعـود وراه وتقول أيضاً : ياحن قلبي حن ماك(ن) مع الطلعـات=ليا عشقـه بالعايـدي والدبـل جـره جرمة ثقيل وحملـوا فوقـه البيبـات=ويدعـس عليـه ببنزينـه ولا سـرّه انا دمع عيني بالدقايـق وبالساعـات=ولا هي على فرقا المحبيـن مستـره هواجيس قلبي كل ما أقول راحت جات=تعود علي باليوم خمسة عشر مـره . والماك : هي السيارة الكبيره .. وقالت في الفراق : ياجماعة وإن عزمتوا على أنكم راحليـن=غمغمونـي عـن مظاهيركـم لاشوفهـا كن في قلبي لهب نار ربـع(ن) نازليـن=اشعلوهـا بالخـلا والهبـوب تلوفـهـا ول عود(ن)لاش رحمه ولا قلب(ن) يلين=عسى ذودك في نحر قوم(ن) وانت تشوفها عيدوا بي في الخـلا والفريـق معيديـن=كل عـذرا نقشـت بالخضـاب كفوفهـا مايقرب دارهـم كـود صنـع الذاهبيـن=كود حمرا عزمها مـن صفـاة بلوفهـا كن حنين الويل يشبـه لخلفـات القطيـن=لينوا له بالقـدم مـع طمـان اجروفهـا وتقصد بالحمرا : السيارة .. وقالت تتمنى حياة البر والبادية : وجودي على بيت الشعر عقب بيت الطين=وجودي على شـوف المغاتيـر منثـره وجودي على خوة هل الموتـر المقفيـن=وجودي على شوف السهل من ورا الحره ليا حلوا البدوان وصاروا علـى بيتيـن=ومن كان لـه خـل مـع ذاك ماغـره . . . وفاتها عندما تقدم العمر بشاعرتنا استقرت بقية عمرها في مدينة الدمام يمنطقة تسمى ( كمب البدو ) وحاليا اسمها ( حي البادية) حتى توفيت هناك عام 1995 ميلادي. الله يرحمها ويسكنها فسيح جناته ، تحيــــاتي عاشق سراب

 

 

 

 

[معلومات العضو نايف الخييلي]

عــاشــق ســراب

الله يعطيك العــافيــه على هالنبذه للشاعــره الشهيــره بخــوت المريــه

وقــصايدهــا الــرائعه و الجــزله . وبيــض الله وجــهك .


وتقبــل ودي وتحيــاتي لــك.

 

 

 

 

[معلومات العضو ابو زابن المسعري]

بيض الله وجهك ياعاشق سراب
على هذه المقتطفات من قصائد بخوت المريه
وفيه قصيده لها تتحدى فيها الشعراء
عندما قالت

كل الشعاعير في وادي=ونا على الدرب سديده
يكون حمد بن هادي =سراء في الليل ماريته

حمد بن هادي اعتقد انها تقصد الشاعر حمد هادي المسردي رحمهما الله
هل تعرف هذه القصيد وتكملتها ؟

 

 

 

 

[معلومات العضو بعيدالهقاوي]

المشاركة الأصلية كتبت بواسطة ابو زابن

بيض الله وجهك ياعاشق سراب
على هذه المقتطفات من قصائد بخوت المريه
وفيه قصيده لها تتحدى فيها الشعراء
عندما قالت

كل الشعاعير في وادي=ونا على الدرب سديده
يكون حمد بن هادي =سراء في الليل ماريته

حمد بن هادي اعتقد انها تقصد الشاعر حمد هادي المسردي رحمهما الله
هل تعرف هذه القصيد وتكملتها ؟

سلامتك يابو زابن المقصود هو حمد ابن هادي بن سهل المري وهو ابن عمها
ويقول بن هتيل :
لواني ابن عمها مثل ابن سهل اخذت الغضي وبليس يرقص بمسعابه
فرد عليه وقال :
الى ياسعد يامكرم الضيف......؟ انا باسئلك عرضي مع الناس ويش جابه

والله اعلم 0

 

 

 

 

[معلومات العضو بعيدالهقاوي]

المشاركة الأصلية كتبت بواسطة ابو زابن المسعري

بيض الله وجهك ياعاشق سراب
على هذه المقتطفات من قصائد بخوت المريه
وفيه قصيده لها تتحدى فيها الشعراء
عندما قالت

كل الشعاعير في وادي=ونا على الدرب سديده
يكون حمد بن هادي =سراء في الليل ماريته

حمد بن هادي اعتقد انها تقصد الشاعر حمد هادي المسردي رحمهما الله
هل تعرف هذه القصيد وتكملتها ؟

تحيه لك يابو زابن والشاعره بخوت ماتقصد ماتعنيه بال تقصد ابن عمها
وهي تجامله وهو هادي ابن سهل والدليل قول الشاعر سعد ابن هتيل الله يرحمه

لو اني بن عمن لها مثل ابن سهل = اخذت الغضي وبليس يرقص بمشعابه
الى ياسعد يامكرم الضيف لاهشل = انا بنشدك عرضي مع الناس ويش جابه

 

 

 

 

[معلومات العضو فالح الشكره]

شكرا جزيلا ياعاشق سراب على ايراد سيرة الشاعره بخوت وبعضا من قصائدها

لاهنت وبيض الله وجهك

وتقبل تحياتي

 

 

 

 

[معلومات العضو ابن وتيد السباعي]

عــاشــق ســراب

الله يعطيك العــافيــه على هالنبذه للشاعــره الشهيــره بخــوت المريــه

وقــصايدهــا الــرائعه و الجــزله . وبيــض الله وجــهك .


وتقبــل ودي وتحيــاتي لــك.

 

 

 

 

[معلومات العضو عبدالرحمن الشرافي]

ابو راكان ...



لا شلت يمناك


على ما سطرته لنا من كتابه وافيه


عن الشاعره/بخوت المريه


والشاعره بخوت اشهر من نار على علم


ومانقول الا (( رحم الله الشاعره بخوت واسكنها فسيح جناته ))



تقبلوا فائق التحية والتقدير

 

 

 

 

[معلومات العضو سالم الغريري]

عــاشــق ســراب

الله يعطيك العــافيــه على هالنبذه للشاعــره الشهيــره بخــوت المريــه

وقــصايدهــا الــرائعه و الجــزله . وبيــض الله وجــهك .


وتقبــل ودي وتحيــاتي لــك.

 

 

 

 

[معلومات العضو عاشق سراب]

(¯`·._(* أخي الغالي *)_.·°¯) نايف الخييلي من تواضعك مــــــرورك الكريم ومن ذوقك ردك الراقـــــي الجميــــــــــل لــك كل الــــــــود والتقـــــدير والأحتــــــرام . تحيــــاتي عاشق سراب

 

 

 

 

[معلومات العضو عاشق سراب]

(¯`·._(* أخي الغالي *)_.·°¯) أبو زابن من تواضعك مــــــرورك الكريم ومن ذوقك ردك الراقـــــي الجميــــــــــل لــك كل الــــــــود والتقـــــدير والأحتــــــرام . تحيــــاتي عاشق سراب

 

 

 

 

[معلومات العضو عاشق سراب]

(¯`·._(* أخي الغالي *)_.·°¯) فالح الشكره من تواضعك مــــــرورك الكريم ومن ذوقك ردك الراقـــــي الجميــــــــــل لــك كل الــــــــود والتقـــــدير والأحتــــــرام . تحيــــاتي عاشق سراب

 

 

 

 

[معلومات العضو عاشق سراب]

(¯`·._(* *)_.·°¯) ابن وتيد ارحب والله ان ترحب من تواضعك مــــــرورك الكريم ومن ذوقك ردك الراقـــــي الجميــــــــــل لــك كل الــــــــود والتقـــــدير والأحتــــــرام . تحيــــاتي عاشق سراب

 

 

 

 

[معلومات العضو ابو سالم الغييثي]

مشكوووووووووووووووووووور علي ماديته من جهوووووووود ومن الجديد واحسن

اخوووووووك ابو سالم الغيثي

 

 

 

 

[معلومات العضو عاشق سراب]

(¯`·._(* *)_.·°¯) ابوسالم الغييثي ارحب والله ان ترحب من تواضعك مــــــرورك الكريم ومن ذوقك ردك الراقـــــي الجميــــــــــل لــك كل الــــــــود والتقـــــدير والأحتــــــرام . تحيــــاتي عاشق سراب