يا خميّس.. ( جعل رجل ٍ فاللوازم ما تحفّـا )

[معلومات العضو دغش محمد الصخابرة]

صح الله السانك يابو محسن
وبيض الله وجه محمد بن سلطان الودعاني راعي الفزعات ولا هي غريبه على صبيان الوداعين

والله يجمع الاجر والعافيه لبونا مطر بن حسن الحافر الغييثات و يتمم عليه ثوب الصحه والعافيه

 

 

 

 

[معلومات العضو عبدالله الحافر الغييثي]

يا خميّس.. كان احمر العين وفّا=من ضنا ودعان والتاريخ كافي

أشهد إن الزايدي وفا وكفّا =يوم ولد اللاش عن واجبه غافي

عند ابن سلطان حبر المدح جفّا=يوم مثله في علوم الطيب وافي

ابومحسن صح لسانك واعتلى شانك وجمّل الله حالك
وعز الله يستاهل الشيخ/محمد السلطان وابنه المهندس/عبدالعزيز ماقيل فيهم وعز الله انهم كفو ووفو وبيض الله وجيهم وجمّل الله حالهم وليس غريب الطيب من منبع الطيب..والله يوفقك ويوفقهم ويستر عليهم بسترة الضافي
ابدعت يابومحسن كالعادة

 

 

 

 

[معلومات العضو حسن بن بطحيه]

عزالله صح السانك يابومحسن ومبدع ويستاهل سلطان والحقيقه في هالموقف وعندابن عمه اشوف انه واجب وانساني ولاهنتو والحمدالله على سلامة ابو خميس وماتشوفون شر ..

 

 

 

 

[معلومات العضو دوسري متأمل]

نحمدالله على سلامة والد الجميع (ابو خميس ) واسأل الله ان يمتعه بالصحة والعافية . الامر الاخر اقول لاخي ابو محسن صح لسانك فالقصيدة جزلة المعنى ، وافضل الشعر الذي يأتي عن موقف او حدث معين يحرك المشاعر فتنساب القصيدة قوية المعنى جميلة المبنى كقصيدتك الرائعة .

وفقك الله وسدد خطاك ...

 

 

 

 

[معلومات العضو شافي بن راشد النتيفات]

نحمدالله على سلامة والد الجميع (ابو خميس ) واسأل الله ان يمتعه بالصحة والعافية . الامر الاخر اقول لاخي ابو محسن صح لسانك فالقصيدة جزلة المعنى ، وافضل الشعر الذي يأتي عن موقف او حدث معين يحرك المشاعر فتنساب القصيدة قوية المعنى جميلة المبنى كقصيدتك الرائعة .

وفقك الله وسدد خطاك ...

 

 

 

 

[معلومات العضو الواضـــــــــــح]

صديقي اللي يوم اضيق يتضايـق ** اللي يـشاركني هـمـومي وضـيقـي
يحاول اسعـادي بشتى الطرايـق ** يـشـيل كـل شي واقـفٍ في طريقـي
يبذل جهوده ماتعـيقـه عوايـق ** مهما حـصـل له في سبيلي يـطيقي
هذا الصديق اللي له الاسم لايق ** رمز الوفاء من معدن اصلي حقيقي
اما صديقي بـس لي صـرت رايـق ** ما يسـتـحـق انه يسـمـى صـديقي


نعــــــم الرجــــــال مواقف

أهنيك أخوي راشــــــــد المسعري على هذه الوقفة الغير مستغربة من أصيل مثلك ولا أخفيك أغبطك على هــــذا الموقف وكم تمنيت أن تزهم أخوك بهذا الموقف وأبشر بسعدك.
كما اشـــــــيد بالأصبل ابن الأصيل الذي أشاد بموقف أخيه وأبن عمه معه،نعم لايذكر المعروف ولا يشيد به الا الأصــــــــــــــــــــــــيل مثل ابو مطــــــر

 

 

 

 

[معلومات العضو محمد.الودعاني]

صح الله لسانك وبيض الله وجهك ويستاهل ابن سطان


والله يشفي ابو خميس ويخليه لهم انشاء الله

والله يمده بالعمر الطويل ويحسن خاتمته وخاتمتنا اجمعين

 

 

 

 

[معلومات العضو راشد المسعري]

اقتباس:المشاركة الأصلية كتبت بواسطة أبو ريمقصيده وافيه
صح لسانك والحمدلله على سلامات ابو خميس
و يستاهلون الممدوحين


ابو ريم

صح بدنك ولاهنت على التواجد والتعليق لاعدمتك

تقبل ودي وتقديري ،،،،

 

 

 

 

[معلومات العضو راشد المسعري]

اقتباس:المشاركة الأصلية كتبت بواسطة مبارك بن الجوير

تجري الاقــدار والدنــيا تـلـفّا

والمواقف ماوقفها الا السنافي

عقّـب اللي لا بـدا الـلازم تـخـفّا
وعقّب اللي فزعته وقت العوافي

جعـل رجـلن فاللـوازم ما تـحـفّا
جعـلها تـنعاق عن قطع الفـيافي
صح الله لسااااانك ملاييييين ياضنا جدي
راشـــد لله درّك يا النشمي
وعسااااااك على القوة
وذا طبعك وإنّا من ربعك ان شاءالله
وعساها عوافي للشيخ مطر وكفارة
والله يطوّل بعمره ويمده بالصحة والعافية
ويخليه لعيالة يارب
ذكرت بيت مدري من هو له
الطيب فرصــة..والجـمايل توافــيـق
ومِـنّ لآتـوّفق مـآكِــتب له جـمالــه
ومن ساقته نفسه وهو مابعد سييق
لآجـلّ الجـمــيل يــزيّـن الله فـــالــه
مـــا دام فـالدنــيا رجــال ومـطالـيق
نــصـيـتهم والآش ,, مـاليّ ومــالـه
يعني
الله يوّفق من فزع ويجزاك ويجزاء
محمد بن سلطان
كل خير ويجعلها في ميزان حسناتكم
ويكثر من خيركم ومن امثالكم
تشرفت يابو محسن والله بالمرور
لمتصفح يحوي من الجزالة الشعرية
والمواقف الغانمة كأسم كاتبها لآفض فووه
أخـووي راشد تقبل هالمرور نفداك..

بن الجوير

ارحب ونورت الموضوع وكاتبه

ويستاهل ابن سلطان المدح على فعله الغانم

لاهنت على المرور يالجزل ولك ودي وتقديري ،،،،

 

 

 

 

[معلومات العضو راشد المسعري]

اقتباس:المشاركة الأصلية كتبت بواسطة بوراجس المشاويةصح لسانك يا ابومحسنُ
وقصيده جزلهُ ولاهنت
وأسأل الله العظيم رب العرش العظيم أن يتم الصحة على والد الجميع

ويستاهل راعي الفزعاتمحمد بن سلطان



ابو راجس

هلابك ياشيخنا الفاضل ، وجزاك الله خير على المرور والدعاء لابو خميّس

ويستاهل ابن سلطان الثناء ، ولك مني اجمل الود والتقدير ،،،،

 

 

 

 

[معلومات العضو نايف الخييلي]

صح لسانك يابو محسن وبيض الله على علمك الطيب

قصيده فيمن يستاهل وبيض الله وجه ابن سلطان على علمه الطيب

ونحمد الله على سلامة والد اخونا الغالي خميّس بن مطر

 

 

 

 

[معلومات العضو خالد المشاويه]

الله يشفي ابوخميس ويمده بالصحة والعافيه وطولة العمر على الطاعة

والله يبيض وجه ابن سلطان وابنه على وقفتهم وجعلها الله في ميزان حسناتهم
ولاهنت يابومحسن وصح السانك عز الله انها وافية

 

 

 

 

[معلومات العضو ابومبخوت الدوسري]

صح الله السانك يابو محسن
وبيض الله وجه محمد بن سلطان الودعاني راعي الفزعات ولا هي غريبه على صبيان الوداعين

والله يجمع الاجر والعافيه لبونا مطر بن حسن الحافر الغييثات و يتمم عليه ثوب الصحه والعافيه

 

 

 

 

[معلومات العضو الـصـتـيـمـة]

بيض الله وجهك يالمسعري كتبت الجزلة ورديت الوفاء لاهله

واسال الله ان يشفي ابونا مطر الغييثات ويتم عليه العافية

 

 

 

 

[معلومات العضو ابو زابن المسعري]

صح الله السانك يابو محسن
وبيض الله وجهك على هذه القصيده الجزله

وبيض الله وجه من يفعل المعرف

والله يجعل الوالد مطر مايشووف شر